កាន់តំណែងមិនទាន់បានមួយឆ្នាំផង នាយករដ្ឋមន្ត្រីកូតឌីវ័រ ទទួលមរណភាព

រដ្ឋាភិបាលកូតឌីវ័របានឲ្យដឹងថា លោកនាយករដ្ឋមន្ត្រី Hamed Bakayoko បានទទួលមរណភាពដោយសារជំងឺមហារីកនៅក្នុងទីក្រុង Freiburg នៃប្រទេសអាល្លឺម៉ង់ ជាទីដែលលោកទទួលការព្យាបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មរណភាពរបស់លោកកាលពីថ្ងៃពុធ បានកើតឡើងពីរថ្ងៃបន្ទាប់ពីថ្ងៃកំណើតគម្រប់អាយុ៥៦ឆ្នាំរបស់លោកនិង ប្រហែល៨ខែ បន្ទាប់ពីការចែកឋានរបស់អ្នកកាន់តំណែងមុនលោក។

ប្រធានាធិបតី Alassane Ouattara បាននិយាយនៅក្នុងបណ្តាញសង្គម Twitter ថា “ប្រទេសរបស់យើងកំពុងកាន់ទុក្ខ”។

លោកបានបន្ថែមថា “វាជាការសោកស្តាយយ៉ាងខ្លាំង ដែលខ្ញុំសូមប្រកាសអំពីមរណភាពរបស់លោកនាយករដ្ឋមន្រ្តី Hamed Bakayoko នៅក្នុងប្រទេសអាល្លឺម៉ង់ដោយសារជំងឺមហារីក”។

គួរបញ្ជាក់ថា ក្នុងនាមជាសម្ព័ន្ធមិត្តជិតស្និទ្ធរបស់ប្រធានាធិបតីវ័យ៧៩ឆ្នាំ លោក Bakayoko ត្រូវបានតែងតាំងជានាយករដ្ឋមន្រ្តីនៅក្នុងខែកក្កដាឆ្នាំ២០២០ បន្ទាប់ពីមរណភាពរបស់លោក Amadou Gon Coulibaly៕

ប្រែសម្រួលដោយ៖ Vann Vann

ប្រភព៖ Al Jazeera

ចុចអាន៖ ស្រ្តីដែលត្រូវគេបាញ់ក្នុងបាតុកម្មមីយ៉ាន់ម៉ា ទទួលមរណភាពហើយ

ចុចអាន៖ ម្ដាយ​តារា​កំប្លែង​ជើងចាស់ម្នាក់​ទទួលមរណភាព​