ព័ត៌មានអន្ដរជាតិ
អាមេរិក កូរ៉េខាងត្បូង និងជប៉ុន រួមគ្នាបង្កើតក្រុមពិសេស តាមដានទណ្ឌកម្មលើកូរ៉េខាងជើង
«Multilateral Sanctions Monitoring Team» គឺជាក្រុមឃ្លាំមើលការអនុវត្តទណ្ឌកម្មលើប្រទេសកូរ៉េខាងជើង ដែលបង្កើតឡើងដោយប្រទេសចំនួន៣រួមគ្នា ដូចជា សហរដ្ឋអាមេរិក កូរ៉េខាងត្បូង និងជប៉ុន។ ការប្រកាសកាលពីថ្ងៃទី១៦ខែតុលាអំពីការបង្កើតក្រុមចម្រុះជាតិសាសន៍នេះ ធ្វើឡើងបន្ទាប់ពីរុស្ស៊ី និងចិនតែងតែរារាំងសកម្មភាពត្រួតពិនិត្យលើទណ្ឌកម្មចំពោះក្រុងព្យុងយ៉ាងនៅក្នុងអង្គការសហប្រជាជាតិ។
ប្រទេសរុស្ស៊ីកាលពីខែមីនា បានច្រានចោលការបន្តសកម្មភាពប្រចាំឆ្នាំនៃក្រុមអ្នកជំនាញរបស់អង្គការសហប្រជាជាតិ ក្នុងការត្រួតពិនិត្យការអនុវត្តទណ្ឌកម្ម ដែលមានគោលបំណងទប់ស្កាត់កម្មវិធីនុយក្លេអ៊ែរ និងមីស៊ីលរបស់កូរ៉េខាងជើងក្នុងរយៈពេល១៥ឆ្នាំ។ ចំណែកឯប្រទេសចិនវិញ មិនបានចូលរួមបោះឆ្នោតឲ្យបន្តសកម្មភាពឃ្លាំមើលទណ្ឌកម្មលើកូរ៉េខាងជើងនោះទេ។
មន្ត្រីកូរ៉េខាងត្បូងមួយរូប បាននិយាយថា ក្រុមនេះមានបំណងបន្តការងាររបស់ក្រុមប្រឹក្សាអង្គការសហប្រជាជាតិ រួមទាំងការចេញរបាយការណ៍ទៀងទាត់ស្តីពីការអនុវត្តទណ្ឌកម្ម ហើយនឹងមានការចូលរួមពីប្រទេសចំនួន៨ផ្សេងទៀត រួមមានចក្រភពអង់គ្លេស បារាំង និងអាល្លឺម៉ង់។
ទីក្រុងវ៉ាស៊ីនតោន និងសេអ៊ូល បានបញ្ជាក់ថា កូរ៉េខាងជើង និងរុស្ស៊ីបានធ្វើប្រតិបត្តិការយោធាខុសច្បាប់។ យ៉ាងណា ទីក្រុងមូស្គូ និងក្រុងព្យុងយ៉ាងបានបដិសេធការជួញដូរសព្វាវុធ ប៉ុន្តែបានទទួលស្គាល់ថាពិតជាមានការជំរុញទំនាក់ទំនងយោធារួមគ្នារវាងសម្ព័ន្ធមិត្តទាំងពីរ ដោយប្រកាន់យកសន្ធិសញ្ញាការពារជាតិទៅវិញទៅមកនៅឯកិច្ចប្រជុំកំពូលមួយកាលពីខែមិថុនា៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម