មុនក្លាយជាជំទាវទី១អាមេរិក មេឡានៀ ត្រាំ សាងយីហោ២ រកលុយបានរាប់សិបលានដុល្លារ

មុនពេលក្លាយជាជំទាវទីមួយរបស់សហរដ្ឋអាមេរិកលើកដំបូងក្នុងឆ្នាំ២០១៧ មេឡានៀ ត្រាំ (Melania Trump) មានភាពល្បីល្បាញជាមួយនឹងតួនាទីផ្សេងៗគ្នាជាច្រើន។ ជាពិសេស ចាប់តាំងពីគាត់ធ្វើការជាតារាបង្ហាញម៉ូដ រហូតដល់ចូលប្រឡូកក្នុងវិស័យជំនួញគ្រឿងអលង្ការ និងគ្រឿងសម្អាង។

យោងតាម ​​Showbiz Cheat Sheet ទ្រព្យសម្បត្តិសុទ្ធរបស់ជំទាវទីមួយរបស់អាមេរិកត្រូវបានប៉ាន់ប្រមាណថាប្រហែល ៧០ លានដុល្លារក្នុងឆ្នាំ ២០២៤ ។ ដូច្នេះតើលោកស្រី ប្រមូលទ្រព្យសម្បត្តិសម្រាប់ខ្លួនឯងផ្ទាល់ដោយរបៀបណា? រាប់ចាប់តាំងអំពីអាជីវកម្មគ្រឿងអលង្ការ និងគ្រឿងសម្អាងរបស់មុនពេលឈានជើងចូលទៅសេតវិមានក្លាយជាជំទាវទីមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេឡានៀ ត្រាំ ធ្លាប់លក់នាឡិកា និងគ្រឿងអលង្ការ

ដោយផ្តើមចេញពីចំណង់ចំណូលចិត្តផ្ទាល់ខ្លួនសម្រាប់ភាពស្រស់ស្អាត និងម៉ូដ មេឡានៀ បានចាប់ផ្តើមការប្រមូលនាឡិកា និងគ្រឿងអលង្ការក្រោមឈ្មោះរបស់គាត់ក្នុងឆ្នាំ ២០១០ គឺ ៥ ឆ្នាំបន្ទាប់ពីរៀបការជាមួយលោកដូណាល់ ត្រាំ។

ការ​ប្រមូល​ផ្ដុំ​នេះ​រួម​បញ្ចូល​ទាំង​គ្រឿង​អលង្ការ និង​ម៉ូដ​នាឡិកា​ដែល​មាន​តម្លៃ​ចាប់​ពី ៣០ ដុល្លារ​ដល់ ២០០ ដុល្លារ។ កត្តាមួយដែលធ្វើឲ្យការប្រមូលលក់នៅលើបណ្តាញទិញទំនិញ QVC ទទួលបានជោគជ័យគឺរូបភាពរបស់ មេឡានៀ ត្រាំ។ លោកស្រីអាចពាក់ការរចនារបស់ខ្លួននៅលើទូរទស្សន៍ ហើយនោះគឺជាមធ្យោបាយផ្សព្វផ្សាយផលិតផល។ ក្នុងពេលជាមួយគ្នានេះ វាមានតម្លៃសមរម្យ ដូច្នេះវាបានក្លាយជាការស្រលាញ់យ៉ាងឆាប់រហ័សដោយ​មនុស្សមិនសូវមានថវិកា និងបុគ្គលិកការិយាល័យវ័យក្មេងជាច្រើន។

គ្រឿងអលង្ការដែលបានណែនាំដល់អ្នកប្រើប្រាស់ឆ្លុះបញ្ចាំងពីរសជាតិសោភ័ណភាព និងរចនាប័ទ្មម៉ូតរបស់ជំទាវទី១របស់អាមេរិក។ ទាំង​នេះ​ជា​ម៉ូដ​ដែល​នារី​អាច​ពាក់បាន​រាល់​ថ្ងៃ​ ក៏មានភាពងាយស្រួលក្នុងការសម្របខ្លួន និងសមរម្យសម្រាប់រចនាប័ទ្មផ្សេងៗគ្នាជាច្រើន។ ការរចនាដ៏អស្ចារ្យមួយចំនួននៃការប្រមូលគ្រឿងអលង្ការរួមមានកងដៃមាស ចិញ្ចៀនភ្ចាប់ពាក្យ និងក្រវិលធំ។​ ក្នុងរយៈពេលមួយឆ្នាំចុងក្រោយនេះ យីហោនេះរកបានជាង ៧ លានដុល្លារ ដែលរួមចំណែកដល់ប្រាក់ចំណូលសរុបលើសពី ៤៥ លានដុល្លារពីការបណ្តាក់ទុនរបស់គាត់ក្នុងរយៈពេលមួយទសវត្សរ៍។

ទោះជាយ៉ាងនេះក្ដី អាជីវកម្មរបស់ភរិយាលោកត្រាំក៏ជាប់ពាក់ព័ន្ធក្នុងរឿងចម្រូងចម្រាសផងដែរ។ នៅឆ្នាំ ២០១៧ មេឡានែរនិងស្វាមីបានទទួលមតិចម្រុះអំពីការផ្សព្វផ្សាយគម្រោងអាជីវកម្មរបស់ពួកគេនៅលើ QVC ។ ​ក្រោយមក ស្ត្រីទីមួយលែងលក់គ្រឿងអលង្ការនៅលើ QVC ទៀតហើយ។ ទោះជាគ្រឿងអលង្ការលែងមានលក់ក្ដី ប៉ុន្តែអ្នកចូលចិត្តម៉ូដនៅតែអាចទិញផលិតផលចាស់ៗនៅលើវេទិកាដូចជា eBay និង Craigslist ក្នុងតម្លៃទាបជាងតម្លៃដើមដដែល។

មេឡានៀ ត្រាំ ក៏ធ្លាប់ធ្វើជំនួញក្នុងវិស័យសម្រស់ និងថែរក្សាស្បែកផងដែរ

សម្រស់ និងការថែរក្សាស្បែកក៏ជាចំណង់ចំណូលចិត្តរបស់ជំទាវទីមួយនៃសហរដ្ឋអាមេរិកផងដែរ។ ដូច្នេះហើយ ទើបរូបគាត់បង្កើតផលិតផលថែរក្សាស្បែក ដែលចម្រាញ់ចេញពីពងត្រី Caviar ។ លោកស្រីបានបង្កើតគំនិតបង្កើតផលិតផលថែរក្សាស្បែកដែលមានផ្ទុកពងត្រីនៅដើមទសវត្សរ៍ឆ្នាំ ២០០០​។ យោងតាមសារព័ត៌មាន Huffington Post ខ្សែផលិតផលរបស់លោកស្រីបានបើកដំណើរការនៅហាងលំដាប់ខ្ពស់ Lord & Taylor ក្នុងឆ្នាំ ២០១៣ ជាមួយនឹងតម្លៃចាប់ពី ៥០ ទៅ ២០០ដុល្លារ។

ដូចដែលបានរៀបរាប់ខាងលើ ធាតុផ្សំសំខាន់នៅក្នុងផលិតផលថែរក្សាស្បែកដូចជា ក្រមួនលាងមុខ, ស្រ្កាប់មុខដែលផ្ដល់ជាតិសំណើមពីម៉ាកយីហោសម្រស់របស់មេឡានែរត្រាំ គឺសារធាតុចម្រាញ់ពី caviar ​ សម្ភារៈនេះត្រូវបាននាំចូលពីភាគខាងត្បូងនៃប្រទេសបារាំង។

ចាប់តាំងពីឆ្នាំ ២០១៧ ផលិតផលថែរក្សាស្បែករបស់ជំទាវទី១មិនត្រូវបានផលិតទៀតទេ។ យោងតាមការស៊ើបអង្កេតរបស់ទីភ្នាក់ងារសារព័ត៌មានអាមេរិក Associated Press ទៅក្នុងកំណត់ត្រាហិរញ្ញវត្ថុរបស់លោកស្រីមេឡានៀ ប្រាក់ចំណូលពីអាជីវកម្មពីរបានធ្វើឲ្យភរិយាលោកត្រាំទទួលបានប្រាក់កម្រៃពី ១៥ ពាន់ទៅ៥០ម៉ឺនដុល្លារឯណោះ៕

អត្ថបទ៖ សាង ស្រីល័ក្ខ

ចុចអាន៖លោក ត្រាំ ជាប់ឆ្នោត​ភ្លាម កូនប្រុសពៅកម្ពស់២ម៉ែត្រ ក្លាយជាបុគ្គលលេចធ្លោជាថ្មី