លោក ត្រាំ ជាប់ឆ្នោត​ភ្លាម កូនប្រុសពៅកម្ពស់២ម៉ែត្រ ក្លាយជាបុគ្គលលេចធ្លោជាថ្មី

លោកដូណាល់ ត្រាំ បានថ្លែងសុន្ទរកថានៅរដ្ឋផ្លរីដា ក្នុងយប់ថ្ងៃទី០៦ ខែវិច្ឆិកា ដោយប្រកាសខ្លួនឯងជាអ្នកឈ្នះការបោះឆ្នោតប្រធានាធិបតីឆ្នាំ២០២៤​​ និងហៅវាថាជាជ័យជម្នះដ៏អស្ចារ្យសម្រាប់ប្រជាជនអាមេរិក។​ បន្ទាប់​ពី​ទទួល​បាន​ជ័យ​ជម្នះ​នេះ លោកនិង​ក្រុម​គ្រួសារ​បាន​ចេញ​មុខ​នៅ​ចំពោះ​មុខ​ប្រព័ន្ធ​ផ្សព្វផ្សាយ។ ក្នុងចំណោមនោះកូនប្រុសពៅ បារ៉ុន ត្រាំ​ (Barron Trump) ទទួលបានការចាប់អារម្មណ៍ជាមួយនឹងកម្ពស់ដ៏គួរឲ្យចាប់អារម្មណ៍។

អ្នកទស្សនាជាច្រើនបានសម្លឹងមើលសមាជិកម្នាក់ទៀតនៃគ្រួសាររត្រាំ គឺ បារ៉ុន ត្រាំ បានក្លាយជាចំណាប់អារម្មណ៍មនុស្សរាប់លាន់នាក់ ជាពិសេសប្រព័ន្ធផ្សព្វផ្សាយ និងបណ្តាញសង្គមទូទាំងពិភពលោក។ កម្ពស់របស់គេ ខ្ពស់ជាងអ្នកប្រយុទ្ធ MMA Colby Covington និងអ្នកជំនួញដែលមានវត្តមាននៅក្នុងព្រឹត្តិការណ៍នេះទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូនប្រុសតែមួយគត់របស់ជំទាវទី១ Melania ពីមុនមកត្រូវគេស្គាល់ដោយសារតែជាក្មេងប្រុសស្ងប់ស្ងាត់ ពុំសូវនិយាយច្រើន និងកម្រលេចមុខលើបណ្ដាញសង្គមណាស់។ ជាពិសេស នៅពេលដែលលោកត្រាំចូលកាន់តំណែងកាលពីឆ្នាំ ២០១៦ ក្មេងជំទង់ទទួលបានការចាប់អារម្មណ៍ពីសាធារណជន ដោយសាររូបរាងដ៏លេចធ្លោ និងសម្រស់ដែលបានទទួលពីឪពុក។ ពេលនេះបារ៉ុនកាន់តែមានភាពចាស់ទុំជាងមុន មិនត្រឹមតែមានមុខមាត់ស្រស់សង្ហាប៉ុណ្ណោះទេ ថែមទាំងមានស្ទីលម៉ូដសម្លៀកបំពាក់បែបសាមញ្ញនៅពេលបង្ហាញខ្លួនក្បែរឪពុកម្ដងៗ។

ជារឿយៗកូនប្រុសរបស់លោកត្រាំ តែងតែជ្រើសរើសសំលៀកបំពាក់ពណ៌ស្រាលៗ ដូចជា អាវប៉ូឡូ ខោកាគី និងស្បែកជើងប៉ាតា ដែលជាស្ទីលមួយរបស់ក្មេងជំទង់។ ប៉ុន្តែនៅឯព្រឹត្តិការណ៍ផ្លូវការប៉ារ៉ុន ស្រាប់តែបង្ហាញឈុតពណ៌ទឹកប៊ិចចាស់អាវធំបែបចាស់ទុំកាន់តែគួរឲ្យស្រលាញ់ជាងមុន។ ដូច្នេះហើយ រូបថតនេះមិនត្រឹមតែបង្ហាញពីកម្ពស់របស់បារ៉ុនប៉ុណ្ណោះទេ ប៉ុន្តែថែមទាំងបង្ហាញពីអាកប្បកិរិយាស្ងប់ស្ងាត់ និងកាយវិការរបស់គាត់ផងដែរ។ អ្នក​គាំទ្រ​ជា​ច្រើន​គិត​ថា​កូនលោកត្រាំកាន់តែមាន​ភាព​ចាស់​ទុំ​ច្រើន ហើយក៏កំពុងតែត្រៀម​ខ្លួន​ជា​ស្រេច​សម្រាប់​ជំហាន​ធំៗ​នៅ​ពេល​អនាគតផងដែរ។

មិនត្រឹមតែប៉ុណ្ណឹងទេ សូម្បីតែរូបភាពរបស់បារ៉ុន ត្រាំ កាលនៅនៅវិមាន Mar-a-Lago ស្រាប់តែត្រូវបានគេសម្រុកជីកកកាយសារជាថ្មីម្ដងទៀត ហើយទាក់ទាញអ្នកទស្សនាជាង ២៨លានដងនៅលើវេទិកា X។ កែវភ្នែកទាំងអស់បានផ្តោតលើកម្ពស់ដ៏លេចធ្លោ​ និងរូបរាងដ៏សង្ហារបស់គ្រួសារលោក ដូណាល់ ត្រាំ ។ នៅក្នុងបទសម្ភាសន៍មួយដែលផ្សាយជាមួយ Fox News លោកត្រាំធ្លាប់បានចែករំលែកដោយមោទនភាព និងសរសើរកូនប្រុសចំៗថា រូបគេពិតជាក្មេងដ៏អស្ចារ្យ ហើយក៏ជាសិស្សល្អបំផុត បើទោះជាគេមានឪពុកជាប្រធាធិបតីអាមេរិកក៏ដោយ។

កាលពីកន្លងទៅ សូម្បីតែមហាសេដ្ឋីជំនួញជនជាតិអាមេរិក-អ៊ីរ៉ង់ លោក Patrick Bet-David ដែលជាអ្នកស្គាល់គ្នាក្នុងគ្រួសារត្រកូលត្រាំ ក៏បានសរសើរកូនប្រុសពៅថា ជាមនុស្សម៉ឺងម់ាត់ កំប្លែង និងមានអាកប្បកិរិយាល្អ ហើយថែមទាំងមានអត្តចរិតសុភាពរាបសា ចេះដាក់ខ្លួននឹងមនុស្សចាស់ជាងខ្លួន៕

អត្ថបទ៖ សាង ស្រីល័ក្ខ

ចុចអាន៖ត្រួសៗពីទ្រព្យសម្បត្តិរបស់ ដូណាល់ ត្រាំ ក្រោយឈ្នះឆ្នោតប្រធានាធិបតីឆ្នាំ ២០២៤