ព័ត៌មានអន្ដរជាតិ

លោក Netanyahu សារភាពថាជាអ្នកបើកភ្លើងខៀវឲ្យបំផ្ទុះឧបករណ៍ទាក់ទងនៅលីបង់

បានផុស

២ years មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

Chheang

នាយករដ្ឋមន្ត្រី លោក Benjamin Netanyahu បាននិយាយកាលពីថ្ងៃអាទិត្យថា លោកជាអ្នកបើកភ្លើងខៀវចំពោះការវាយប្រហារកាលពីខែកញ្ញាទៅលើឧបករណ៍ទាក់ទងរបស់ក្រុមសកម្មប្រយុទ្ធហេសបូឡា ដែលបានផ្ទុះដំណាលគ្នានៅប្រទេសលីបង់។ នេះគឺជាលើកដំបូង ដែលអ៊ីស្រាអែលបានទទួលស្គាល់ថាមានការពាក់ព័ន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក ក្រុមហេសបូឡា ធ្លាប់បានស្តីបន្ទោសអ៊ីស្រាអែលថានៅពីក្រោយការបំផ្ទុះឧបករណ៍ទាក់ទងប៉េកឺ (Pager) ដែលបានប៉ះពាល់យ៉ាងធ្ងន់ធ្ងរដល់ក្រុមសកម្មប្រយុទ្ធដែលគាំទ្រដោយអ៊ីរ៉ង់របស់ខ្លួន ហើយបានប្តេជ្ញាសងសឹកលើអ៊ីស្រាអែលវិញ។

លោក Omer Dostri អ្នកនាំពាក្យរបស់នាយករដ្ឋមន្ត្រីអ៊ីស្រាអែល បានប្រាប់ទីភ្នាក់ងារព័ត៌មាន AFP ពីការវាយប្រហារនេះថា៖ «លោក Netanyahu បានបញ្ជាក់កាលពីថ្ងៃអាទិត្យថា លោកបានអនុញ្ញាតប្រតិបត្តិការបំផ្ទុះឧបករណ៍ទាក់ទង Pager នៅក្នុងប្រទេសលីបង់»។

ឧបករណ៍ទាក់ទងដែលប្រើដោយហេសបូឡា បានផ្ទុះពីរថ្ងៃជាប់គ្នានៅទូទាំងប្រទេសលីបង់ កាលពីពាក់កណ្តាលខែកញ្ញា។ ហេតុការណ៍នេះ បានសម្លាប់មនុស្សជិត ៤០នាក់ និងរបួសជិត ៣ ០០០នាក់ ហើយក៏ជាដើមហេតុនៃការពង្រីកជម្លោះប្រដាប់អាវុធឲ្យកាន់តែធំឡើងរវាងអ៊ីស្រាអែល និងក្រុមហេសបូឡានៅភាគខាងត្បូងលីបង់៕

ដោយ៖ ឈាង

ចុចអាន៖ ឧបករណ៍ទាក់ទង ផ្ទុះដំណាលគ្នាទូទាំងប្រទេសលីបង់ ស្លាប់និងរបួសមនុស្សជិត ៣ ០០០នាក់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា