ព័ត៌មានអន្ដរជាតិ
ថៃ ប្រកាសបិទសាលារៀនជិត២០០កន្លែងចាប់ពី១ថ្ងៃដល់១សប្ដាហ៍ ព្រោះខ្យល់ពុល
សាលារៀនជិត២០០កន្លែងក្នុងទីក្រុងបាងកក ត្រូវបានបិទ ខណៈដែលអាជ្ញាធរបានជំរុញឲ្យមនុស្សធ្វើការពីផ្ទះ និងដាក់កម្រិតលើយានយន្តធុនធ្ងន់នៅក្នុងទីក្រុង ព្រោះតែការបំពុលខ្យល់ដ៏គ្រោះថ្នាក់។
គិតត្រឹមព្រឹកថ្ងៃព្រហស្បតិ៍ទី២៣មករា២០២៥ រាជធានីបាងកកគឺជាទីក្រុងធំលំដាប់ទី៦ ដែលមានការបំពុលខ្យល់ខ្លាំងបំផុតនៅលើពិភពលោក។ នេះបើយោងតាម IQAir។
កំហាប់ភាគល្អិត PM2.5 បានឈានដល់កម្រិតពណ៌ក្រហម ក្នុងបរិមាណ ១២២មីក្រូក្រាមនៅក្នុងមួយម៉ែត្រគូប ខណៈអង្គការសុខភាពពិភពលោកបានផ្តល់អនុសាសន៍ថា កំហាប់ភាគល្អិតជាមធ្យមក្នុងរយៈពេល២៤ម៉ោងមិនគួរលើសពី ១៥មីក្រូក្រាមក្នុងមួយម៉ែត្រគូបនោះឡើយ។
កាលពីដើមសប្តាហ៍នេះ អាជ្ញាធរក្រុងបាងកក បានប្រកាសថា សាលារៀននៅក្នុងតំបន់ដែលមានកម្រិត PM2.5 អាចបិទសម្រាកបាន។ ហើយគិតមកទល់ឥលូវ សាលាចំនួន ១៩៤ ក្នុងចំណោម ៤៣៧សាលាដែលស្ថិតនៅក្រោមការគ្រប់គ្រងរបស់អាជ្ញាធរក្រុងបាងកក បានបិទទ្វាររបស់ពួកគេ ដែលប៉ះពាល់ដល់សិស្សរាប់ពាន់នាក់។
សម្រាប់ថ្នាក់មត្តេយ្យដល់អនុវិទ្យាល័យរដ្ឋ ការបិទអាចធ្វើឡើងចាប់ពីមួយថ្ងៃទៅមួយសប្តាហ៍។
យ៉ាងណា ទិន្នន័យនៃការបិទសាលារៀនឯកជនផ្សេងៗទៀត ពុំមានបញ្ជាក់ឲ្យដឹងនោះទេ។
សូមបញ្ជាក់ថា តួលេខនេះ គឺជាចំនួនខ្ពស់បំផុតនៃការបិទសាលារៀនរដ្ឋចាប់តាំងពីឆ្នាំ២០២០ ដោយសារការបំពុលបរិយាកាស៕
ដោយ៖ ឈាង
ចុចអាន៖ ខេត្តថៃចំនួន៤៤ នៅតែគ្របដណ្តប់ដោយខ្យល់ពុលដ៏គ្រោះថ្នាក់
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ