ព័ត៌មានអន្ដរជាតិ
ម៉ាឡេស៊ីចេញមុខបរិហារ ត្រាំ លើដំណោះស្រាយតំបន់ហ្គាហ្សា ថាជាការបោសសម្អាតពូជសាសន៍
រដ្ឋាភិបាលម៉ាឡេស៊ីដែលមានជំហរគាំទ្រប៉ាឡេស្ទីនតាំងពីដើមមកនោះ បានឲ្យដឹងថា ខ្លួនប្រឆាំងដាច់អហង្ការចំពោះការតាំងទីលំនៅថ្មីដោយបង្ខំរបស់ជនជាតិប៉ាឡេស្ទីននៅតំបន់ហ្គាហ្សា បន្ទាប់ពីប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រកាសជាសាធារណៈថា ទីក្រុងវ៉ាស៊ីនតោននឹងកាន់កាប់តំបន់នេះក្រោមផែនការអភិវឌ្ឍន៍ឡើងវិញដ៏អស្ចារ្យមួយ។
ការចេញផ្សាយរបស់សារព័ត៌មាន Al Jazeera នៅថ្ងៃទី០៦ខែកុម្ភៈនេះ បានឲ្យដឹងថា ក្រសួងការបរទេសម៉ាឡេស៊ីបាននិយាយនៅថ្ងៃព្រហស្បតិ៍ថា ការផ្លាស់ប្តូរទីលំនៅដោយបង្ខំរបស់ជនជាតិប៉ាឡេស្ទីននឹងបង្កើតជាការបោសសម្អាតជនជាតិភាគតិច និងការរំលោភលើច្បាប់អន្តរជាតិ និងដំណោះស្រាយជាច្រើនរបស់អង្គការសហប្រជាជាតិ។
ក្រសួងការបរទេសម៉ាឡេស៊ី ថា៖«ការប៉ុនប៉ងណាមួយមិនថាដោយផ្ទាល់ ឬដោយប្រយោល ចំពោះការដោះស្រាយជាឯកតោភាគី និងដោយបង្ខំ ដែលមិនគោរពសិទ្ធិសម្រេចដោយខ្លួនឯងរបស់ប្រជាជនប៉ាឡេស្ទីន និងរំលោភលើសេរីភាពរបស់ពួកគេ គឺជាការមិនអាចទទួលយកបាន មិនសមហេតុផល ហើយនឹងធ្វើឱ្យកាន់តែធ្ងន់ធ្ងរបន្ថែមទៀតនូវជម្លោះនៅក្នុងតំបន់»។
ក្រសួងបានបន្ថែមថា៖«ម៉ាឡេស៊ីបន្តឈរក្នុងសាមគ្គីភាពជាមួយប្រជាជនប៉ាឡេស្ទីន។ ផ្លូវដែលអាចសម្រេចបានតែមួយគត់ដើម្បីសន្តិភាព និងស្ថិរភាពយូរអង្វែងនៅមជ្ឈិមបូព៌ាគឺតាមរយៈការបង្កើតរដ្ឋឯករាជ្យ និងអធិបតេយ្យភាពរបស់ប៉ាឡេស្ទីន ដោយផ្អែកលើព្រំដែនមុនឆ្នាំ ១៩៦៧ ដែលមានទីក្រុងJerusalemខាងកើតជារដ្ឋធានីរបស់ខ្លួន»។
លើសពីនេះសហគមន៍អន្តរជាតិគួរតែរួបរួមគ្នានៅក្នុង «ដំណោះស្រាយដែលអាចទុកចិត្តបាន និងជាអចិន្ត្រៃយ៍ដែលអាចទទួលយកបានសម្រាប់ប៉ាឡេស្ទីន»។
ប្រទេសម៉ាឡេស៊ី ដែលមានប្រជាជនប្រហែល២ភាគ៣ជាប្រជាជនម៉ូស្លីម មិនមានទំនាក់ទំនងការទូតជាមួយអ៊ីស្រាអែលទេ និងជាអ្នកគាំទ្រដ៏រឹងមាំនៃបុព្វហេតុប៉ាឡេស្ទីនជាយូរមកហើយ។
នាយករដ្ឋមន្ត្រីម៉ាឡេស៊ី លោក Anwar Ibrahim បានប្រឆាំងនឹងសង្គ្រាមរបស់អ៊ីស្រាអែលនៅតំបន់ហ្គាហ្សា ដោយគាំទ្រករណីប្រល័យពូជសាសន៍របស់អាហ្វ្រិកខាងត្បូងប្រឆាំងនឹងប្រទេសនេះនៅតុលាការយុត្តិធម៌អន្តរជាតិ ក៏ដូចជាការអំពាវនាវឱ្យមានការបណ្តេញចេញពីអង្គការសហប្រជាជាតិ។
មេដឹកនាំម៉ាឡេស៊ីក៏បានច្រានចោលការគាបសង្កត់ពីលោកខាងលិចក្នុងការផ្តាច់ទំនាក់ទំនងជាមួយក្រុមហាម៉ាសដែលជាក្រុមប្រដាប់អាវុធប៉ាឡេស្ទីនដែលគ្រប់គ្រងតំបន់ហ្គាហ្សាផងដែរ។
គួររម្លឹកថា សំណើរបស់លោក ត្រាំ ក្នុងការកាន់កាប់តំបន់ហ្គាហ្សាបណ្ដោះអាសន្នដើម្បីធ្វើការសាងសង់ឡើងវិញដែលតម្រូវឲ្យប្រជាជានប៉ាឡេស្ទីនផ្លាស់ទៅនៅកន្លែងផ្សែង ត្រូវបានច្រានចោលដោយអង្គការប៉ាឡេស្ទីន រួមទាំងក្រុមហាម៉ាស អាជ្ញាធរប៉ាឡេស្ទីន និងអង្គការរំដោះប៉ាឡេស្ទីន ហើយត្រូវបានរិះគន់យ៉ាងទូលំទូលាយពីសហគមន៍អន្តរជាតិ រួមទាំងអគ្គលេខាធិការអង្គការសហប្រជាជាតិលោក Antonio Guterres ផងដែរ៕
អត្ថបទ៖ ប៊ុន សុភាព
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ