កូវីដនៅកម្ពុជានិងថៃ ថ្ងៃនេះដូចគ្នាបេះបិទ ទាំងអ្នកឆ្លងនិងស្លាប់

នៅថ្ងៃចន្ទនេះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ (CCSA) បានរាយការណ៍ថា មានការឆ្លងថ្មីចំនួន៧៣ករណី និងអ្នកស្លាប់ម្នាក់។

ចំនួននេះគឺដូចនឹងកម្ពុជាដែរ ដែលក្រសួងសុខាភិបាលបានប្រកាសកាលពីព្រឹកមិញថា មានអ្នកឆ្លង៧៣ករណីនិងស្លាប់ម្នាក់។

អ្នកស្លាប់នៅប្រទេសថៃ គឺជាអ្នកក្រុងបាងកកអាយុ៦០ឆ្នាំ ដែលមានជំងឺមហារីកសួត ក៏ដូចជាជំងឺទឹកនោមផ្អែមនិងលើសឈាមផងដែរ។ គាត់បានធ្វើតេស្តវិជ្ជមានកាលពីថ្ងៃទី១៤ខែមីនា។

ចំពោះករណីនាំចូលទាំង៧ករណី គឺមានជនជាតិថៃចំនួន៣នាក់និងជនបរទេស៤នាក់។

ជនជាតិថៃទាំង៣នាក់ គឺមកពីសហរដ្ឋអាមេរិក ដាណឺម៉ាកនិងហុងគ្រី ចំណែកជនបរទេសគឺមានជនជាតិកូសូវូម្នាក់ដែលធ្វើដំណើរមកពីប្រទេសអាល្លឺម៉ង់ ជនជាតិន័រវែសម្នាក់មកពីកាតា និងមកពីប៉ូឡូញម្នាក់ព្រមទាំងបែលហ្ស៊ិកម្នាក់។

ស្របពេលជាមួយគ្នានោះដែរ អ្នកជំងឺចំនួន៦៥នាក់បានជាសះស្បើយ។

គិតត្រឹមថ្ងៃអាទិត្យ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់២៧,៨៧៦ករណី។ មនុស្សចំនួន ២៦,៦៦៣នាក់បានជាសះស្បើយ ហើយអ្នកស្លាប់បានកើនឡើងដល់៩១នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ បោះឆ្នោតទើបបានមួយថ្ងៃ មេបក្សប្រឆាំងធំបំផុតរបស់កុងហ្គោ ស្លាប់ដោយសារកូវីដ