ព័ត៌មានអន្ដរជាតិ
កិច្ចចរចានុយក្លេអ៊ែរជុំទីបួនរវាងអាមេរិក-អ៊ីរ៉ង់ ត្រូវបានពន្យារពេល
យោងតាមការចុះផ្សាយរបស់ទីភ្នាក់ងារព័ត៌មាន Reuters ការចរចានុយក្លេអ៊ែរជុំទីបួនរវាងសហរដ្ឋអាមេរិក និងអ៊ីរ៉ង់ ដែលដំបូងឡើយគ្រោងធ្វើឡើងនៅថ្ងៃទី៣ខែឧសភាឆ្នាំ២០២៥នៅទីក្រុងរ៉ូម ត្រូវបានពន្យារពេល។
រដ្ឋមន្ត្រីការបរទេសប្រទេសអូម៉ង់លោក Badr al-Busaidi ដែលកំពុងសម្រុះសម្រួលការពិភាក្សានោះ បានលើកឡើងពី«ហេតុផលខាងភស្តុភារ» សម្រាប់ការពន្យារពេលនេះ ដោយបញ្ជាក់ថា កាលបរិច្ឆេទថ្មីនឹងត្រូវបានប្រកាសនៅពេលដែលភាគីទាំងពីរបានព្រមព្រៀងគ្នាជាថ្មី។
ទោះជាយ៉ាងណា ការពន្យារពេលនេះ ត្រូវគេមើលឃើញថាកើតឡើងចំពេលមានភាពតានតឹងកាន់តែខ្លាំងឡើងរវាងអ៊ីរ៉ង់ និងអាមេរិក។ មន្ត្រីជាន់ខ្ពស់អ៊ីរ៉ង់ម្នាក់ បានប្រាប់ Reuters កាលពីថ្ងៃព្រហស្បតិ៍ទី១ឧសភាថា កាលបរិច្ឆេទថ្មីនឹងត្រូវបានកំណត់«អាស្រ័យលើវិធីសាស្រ្តរបស់សហរដ្ឋអាមេរិក» ដោយបន្ថែមថា៖ «ការដាក់ទណ្ឌកម្មរបស់អាមេរិកលើអ៊ីរ៉ង់ ក្នុងអំឡុងពេលកិច្ចចរចានុយក្លេអ៊ែរគឺមិនជួយភាគីក្នុងការដោះស្រាយជម្លោះនុយក្លេអ៊ែរតាមរយៈការទូតទេ»។
បញ្ហារវាងភាគីទាំងពីរកាន់តែស្មុគស្មាញ បន្ទាប់ពីប្រធានាធិបតីអាមេរិកលោក ដូណាល់ ត្រាំ បានប្រកាសកាលពីថ្ងៃទី១ខែឧសភាថា ប្រទេសណាដែលទិញប្រេង ឬផលិតផលគីមីឥន្ធនៈរបស់អ៊ីរ៉ង់ នឹងត្រូវប្រឈមមុខនឹងទណ្ឌកម្ម ដែលជាវិធានការជាពិសេសផ្តោតលើប្រទេសចិន ដែលជាអតិថិជនប្រេងចម្បងរបស់អ៊ីរ៉ង់។ ការប្រកាសរបស់លោក ត្រាំ ធ្វើឡើងបន្ទាប់ពីមានការព្រមានរបស់រដ្ឋមន្ត្រីការពារជាតិអាមេរិកលោក Pete Hegseth លើអ៊ីរ៉ង់ជុំវិញការគាំទ្ររបស់ខ្លួនចំពោះក្រុមឧទ្ទាមហ៊ូធីនៅប្រទេសយេម៉ែន។
សូមបញ្ជាក់ថា កិច្ចចរចានាពេលថ្មីៗនេះ គឺជាផ្នែកមួយនៃកិច្ចខិតខំប្រឹងប្រែងយ៉ាងទូលំទូលាយក្នុងការស្ដារទំនាក់ទំនងការទូតឡើងវិញ បន្ទាប់ពីការដួលរលំនៃកិច្ចព្រមព្រៀងនុយក្លេអ៊ែរឆ្នាំ២០១៥ (JCPOA)។ កិច្ចចរចាបីជុំដំបូង នៅរដ្ឋធានីវីយែន ដូហា និងម៉ាស្កាត បានផ្តោតទៅលើកម្រិតនៃការចម្រាញ់សារធាតុអ៊ុយរ៉ាញ៉ូមរបស់អ៊ីរ៉ង់ ការដកទណ្ឌកម្ម និងកិច្ចសហប្រតិបត្តិការរបស់អ៊ីរ៉ង់ជាមួយអធិការកិច្ចនុយក្លេអ៊ែរអន្តរជាតិ។ ខណៈមានការរីកចម្រើនខ្លះ ភាគីទាំងពីរបានចោទប្រកាន់គ្នាទៅវិញទៅមកអំពីការធ្វើឲ្យកិច្ចចរចាជាប់គាំង។
អ៊ីរ៉ង់ទទូចថា កម្មវិធីនុយក្លេអ៊ែររបស់ខ្លួនមានលក្ខណៈសន្តិភាព និងស្វែងរកការដកទណ្ឌកម្មដែលដឹកនាំដោយអាមេរិក ដែលបានធ្វើឲ្យសេដ្ឋកិច្ចរបស់ខ្លួនធ្លាក់ចុះ។ យ៉ាងណាមិញ អាមេរិកកំពុងស្នើឲ្យអ៊ីរ៉ង់អនុវត្តច្បាប់តឹងរ៉ឹងលើកម្មវិធីនុយក្លេអ៊ែរ ហើយបង្ហាញឲ្យពិភពលោកមើលឃើញថា ខ្លួនមិនព្យាយាមបង្កើតអាវុធនុយក្លេអ៊ែរនោះឡើយ៕
ដោយ៖ ឈាង
ចុចអាន៖ ប្រទេសចំនួនបី គំរាមដាក់ទណ្ឌកម្ម បើកិច្ចព្រមព្រៀងនុយក្លេអ៊ែរអ៊ីរ៉ង់បរាជ័យ
អ៊ីស្រាអែល ផ្តាច់ជីវិតមន្ត្រីចារកម្មកំពូលៗអ៊ីរ៉ង់៣នាក់ទៀត ខណៈមនុស្សស្លាប់ត្រឹម៣ថ្ងៃ កើនដល់ជាង២០០នាក់
ផ្លូវក្រវាត់ព្រំដែនប្រវែង ១១ គ.ម តម្លៃ ២,៥ លាន ដុល្លារ ក្រាលបេតុងនៅក្រុងបាវិត សម្ពោធដាក់ឲ្យប្រើប្រាស់
TASS ៖ អ៊ីរ៉ង់ត្រៀមខ្លួនទទួលយកកិច្ចព្រមព្រៀងនុយក្លេអ៊ែរ ក្រោយ៣ថ្ងៃនៃការផ្ទុះអាវុធ
ឱកាសការងារ ២៣ ម៉ឺនកន្លែង រង់ចាំពលករចាប់ឱកាសការងារភ្លាមៗនៅព្រំដែនកម្ពុជា-ថៃ
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ប្រទេស៣៦ទៀត រួមទាំងកម្ពុជាដែរ ប្រឈមការរឹតត្បិតឬហាមចូលអាមេរិក
ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
កម្ពុជា បដិសេធដាច់អហង្កាមិនទទួលស្គាល់ផែនទីថៃគូសស្រេចតែចិត្តឯង ឬ«ផែនទីចោរ» ដែលសម្ដេចតេជោ បានហៅ
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៣ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៦ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន