ជំងឺកូវីដបំប្លែងខ្លួនថ្មីក៏កំពុងអុកឡុក អាមេរិក ក្រោយរកឃើញអ្នកឆ្លងសរុប ១៣,០០០ ករណី

យោងតាមទិន្នន័យចុងក្រោយបង្អស់របស់មជ្ឈមណ្ឌលគ្រប់គ្រង និងបង្ការជំងឺសហរដ្ឋអាមេរិក (CDC) បានបង្ហាញថា សហរដ្ឋអាមេរិកបានកត់ត្រាករណីឆ្លងជំងឺកូវីដ ១៩ បំប្លែងខ្លួនថ្មីជាង ១៣,០០០ ករណី ។

ក្នុងចំណោមករណីឆ្លងជំងឺកូវីដ ១៩ បំប្លែងខ្លួនថ្មីសរុបចំនួន ១៣,០៥២ ករណីដែលបញ្ជាក់ដោយ CDCក្នុងនោះមាន ១២,៥០៥ ករណីត្រូវបានបង្កឡើងដោយវ៉ារ្យ៉ង់ B.1.1.7 ដែលត្រូវបានរកឃើញដំបូងនៅក្នុងប្រទេសអង់គ្លេស ។

ចំណែក ៣២៣ ករណីគឺជាវ៉ារ្យង់ B.1.351 របស់អាហ្វ្រិកខាងត្បូង និង ២២៤ ករណីជាវ៉ារ្យង់ P.1 ត្រូវបានរកឃើញដំបូងនៅក្នុងប្រទេសប្រេស៊ីល ។

លើសពីនេះទៅទៀតវ៉ារ្យង់ប្រភេទ B.1.427 និង B.1.429 ដែលជាជំងឺកូវីដ ១៩ បំប្លែងខ្លួនថ្មីចំនួន ២ ដែលត្រូវបានរកឃើញដំបូងនៅរដ្ឋកាលីហ្វ័រញ៉ាក៏កំពុងត្រូវបានត្រួតពិនិត្យយ៉ាងដិតដល់ពី CDC ផងដែរ ។

បច្ចុប្បន្នជំងឺកូវីដ ១៩ បំប្លែងខ្លួនថ្មីចំនួន ៥ ប្រភេទនេះត្រូវបានចាត់ថ្នាក់ដោយ CDC ថាជា “វ៉ារ្យង់នៃការព្រួយបារម្ភ” ហើយវាជាភស្តុតាងបង្ហាញពីការកើនឡើងនៃការឆ្លង ការកើនឡើងនៃអ្នកជំងឺចូលសម្រាកនៅមន្ទីរពេទ្យ ឬការស្លាប់ ហើយវាក៏បង្ហាញពីការយកឈ្នះលើអង់ទីគ័រដែលបង្កើតឡើងក្នុងអំឡុងពេលឆ្លង ឬចាក់វ៉ាក់សាំងជាដើម ។

គួរបញ្ជាក់ថា គិតត្រឹមពេលនេះសហរដ្ឋអាមេរិកមានករណីឆ្លងជំងឺកូវីដ ១៩ ចំនួន ៣១,៣១៤,៦២៥ ករណី និងមានអ្នកស្លាប់ចំនួន ៥៦៧,៦១០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ អាមេរិក រកឃើញអ្នកឆ្លងកូវីដបំប្លែងខ្លួនថ្មីជាង ១ ម៉ឺនករណី និងព្រមានពីជំងឺថ្មីផ្សេងទៀត

ចុចអាន ៖ ក្តីសង្ឃឹមដ៏ធំរបស់ពិភពលោក! អាមេរិកកំពុងធ្វើតេស្តថ្នាំលេប ដែលអាចព្យាបាលទាំងជំងឺកូវីដ-១៩ធម្មតា និងបំប្លែងខ្លួន