ព័ត៌មានអន្ដរជាតិ
ជប៉ុន បង្ហោះវីដេអូផ្ទុភ្នំភ្លើងជា AI ដើម្បីព្រមានពលរដ្ឋឲ្យត្រៀមខ្លួន
រដ្ឋាភិបាលរបស់ប្រទេសជប៉ុន នៅថ្ងៃទី ២៨ ខែសីហានេះ បានចេញផ្សាយការក្លែងធ្វើបញ្ញាសិប្បនិម្មិត (AI) នៃការផ្ទុះភ្នំភ្លើង Fuji ជាការព្រមានដល់អ្នករស់នៅទីក្រុងតូក្យូចំនួន ២០ លាននាក់ឲ្យចេះត្រៀមខ្លួនទុកមុន និងដឹងពីផលប៉ះពាល់យ៉ាងធ្ងន់ធ្ងរដល់សុខភាព ដែលអាចបណ្តាលមកពីផេះគ្របដណ្តប់ក្នុងរយៈពេល២ម៉ោង ។
យោងតាមសារព័ត៌មាន CNN បានបញ្ចាក់ថា ទីភ្នាក់ងារការពារគ្រោះមហន្តរាយរបស់រដ្ឋាភិបាលទីក្រុងតូក្យូបានបញ្ចេញនូវវីដេអូមួយ បង្ហាញអំពីព្រឹត្តិការណ៍ដែលអាចកើតឡើងដោយមិននឹកស្មានដល់ ហើយឃ្លិបនេះបានប្រើ AI ដើម្បីក្លែងធ្វើការខូចខាត បណ្តាលមកពីការផ្ទុះភ្នំ Fuji និងជំរុញឲ្យពលរដ្ឋត្រៀមខ្លួនសម្រាប់ព្រឹត្តិការណ៍បែបនេះ ប្រសិបើបើវាផ្ទុះពិតមែន។
រដ្ឋាភិបាលបានបញ្ជាក់ថា ប្រសិនបើការផ្ទុះទ្រង់ទ្រាយធំកើតឡើង ផេះភ្នំភ្លើងប្រហែល ១.៧ ពាន់លានម៉ែត្រគូប (៦០ពាន់លានហ្វីតគូប) ដែលនៅក្នុងនោះប្រហែល ៤៩០ លានម៉ែត្រគូប នឹងត្រូវបញ្ចេញ ហើយគេរំពឹងថានឹងកកកុញនៅលើផ្លូវថ្នល់ អគារ និងតំបន់ដីផ្សេងទៀត ដែលទាមទារឲ្យមានការជួសជុលកែលម្អឡើងវិញ។ ជាងនេះ គំនរផេះអាចបណ្តាលឲ្យផ្ទះឈើទាបៗដួលរលំ ឬឆាបឆេះឡើងមកភ្លាមៗ។
លើសពីនេះទៀតដែរ ការខាតបង់សេដ្ឋកិច្ចពីការផ្ទុះភ្នំ Fuji ត្រូវបានគេប៉ាន់ប្រមាណថាមានរហូតដល់ ២.៥ ពាន់ពាន់លានយ៉េន (១៦.៦ ពាន់លានដុល្លារ)។ សូម្បីតែផេះភ្នំភ្លើងដែលកកកុញតិចតួចក៏អាចបញ្ឈប់រថភ្លើងមិនឲ្យរត់បានដែរ ហើយប្រសិនបើភ្លៀងធ្លាក់ទៀតនោះ ផេះដែលកកកុញដល់ជម្រៅលើសពី៣ សង់ទីម៉ែត្រ អាចធ្វើឲ្យផ្លូវមិនអាចធ្វើដំណើរសម្រាប់យានយន្តបានឡើយ។
ថ្វីដ្បិតតែ មិនមានរបាយការណ៍អំពីការផ្ទុះភ្នំភ្លើង Fuji ដែលនឹងជិតមកដល់ក៏ពិតមែន ប៉ុន្តែភ្នំ Fuji គឺជាភ្នំភ្លើងសកម្មដែលមានប្រវត្តិនៃការផ្ទុះក្នុងរយៈពេល ១,០០០ ឆ្នាំកន្លងមកនេះ ហើយការផ្ទុះចុងក្រោយបានកើតឡើង ៣១៨ ឆ្នាំមុនមកម៉្លេះ។
ទោះជាយ៉ាងណាក៏ដោយ នេះក៏មិនមែនជាលើកទីមួយទេដែលរដ្ឋាភិបាលប្រទេសជប៉ុន ចេញការព្រមានបែបនេះដល់ប្រជាជន។ កាលពីខែមីនា រដ្ឋាភិបាលបានណែនាំប្រជាជនឲ្យស្តុកទុកនូវការផ្គត់ផ្គង់ និងស្បៀងអាហារដែលមានតម្លៃពីរសប្តាហ៍ក្នុងករណីមានការផ្ទុះ។ ជាពិសេស ដោយសារតែជប៉ុនស្ថិតនៅលើខ្សែបន្ទាត់ Ring of Fire ដែលជាតំបន់នៃការរញ្ជួយដីញឹកញាប់ និងសកម្មភាពភ្នំភ្លើងផ្ទុះខ្លាំងនៅសងខាងនៃមហាសមុទ្រប៉ាស៊ីហ្វិក។
អត្ថបទ៖ សាង ស្រីល័ក្ខ
ចុចអាន៖តារាចម្រៀងកូរ៉េម្នាក់ កំពុងស្ថិតក្រោមការស៊ើបអង្កេតរបស់ប៉ូលិស ពីបទប្រើគ្រឿងញៀន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ