ព័ត៌មានអន្ដរជាតិ
តៃវ៉ាន់ ត្រៀមរៀបចំហ្គេមធ្វើសង្គ្រាម និងវីដេអូត្រាប់ការវាយប្រហាររបស់ចិន
កោះតៃវ៉ាន់នឹងរៀបចំហ្គេមធ្វើសង្គ្រាម និងវីដេអូជួយដោយកុំព្យូទ័រត្រាប់ការវាយប្រហាររបស់ចិនមកលើខ្លួនរយៈពេល ៨ ថ្ងៃក្នុងខែនេះ ។ នេះបើយោងតាមក្រសួងការពារជាតិតៃវ៉ាន់បាននិយាយនៅប៉ុន្មានថ្ងៃ បន្ទាប់ពីប្រទេសចិនបាននិយាយថា នាវាដឹកយន្តហោះមួយគ្រឿងកំពុងធ្វើសមយុទ្ធនៅក្បែរកោះនេះ ហើយថា សមយុទ្ធបែបនេះនឹងក្លាយជាទម្លាប់ ។
ក្រសួងការពារជាតិតៃវ៉ាន់បាននិយាយនៅថ្ងៃពុធនេះថា វីដេអូត្រាប់ការវាយប្រហាររបស់ចិនទៅលើកោះតៃវ៉ាន់នឹងត្រូវធ្វើឡើងចាប់ពីថ្ងៃទី ២៣ ដល់ថ្ងៃទី ៣០ ខែមេសា ហើយនឹងបង្កើតជាដំណាក់កាលដំបូងនៃហ្គេមសង្គ្រាមប្រចាំឆ្នាំធំបំផុតរបស់កោះតៃវ៉ាន់ដែលមានឈ្មោះថា សមយុទ្ធ Han Kuang ខណៈដំណាក់កាលទី ២ ដែលនឹងរួមបញ្ចូលការធ្វើសមយុទ្ធបាញ់គ្រាប់ពិតនឹងត្រូវធ្វើឡើងនៅខែកក្កដា ។
ដំណាក់កាលទី ២ នៃហ្គេមសង្គ្រាមរបស់កោះតៃវ៉ាន់នេះរួមមានការប្រមូលកងទាហានបម្រុងចំនួន ៨,០០០ នាក់ឲ្យចូលរួមក្នុងសមយុទ្ធបាញ់គ្រាប់ពិត ប្រឆាំងនឹងការចុះចតរបស់យន្តហោះ និងការជួយសង្គ្រោះអ្នកស្លាប់ និងរបួសធ្ងន់ធ្ងរអំឡុងការធ្វើសមយុទ្ធ ។
ទន្ទឹមនោះលោកឧត្តមសេនីយ៍ឯក Liu Yu-Ping បានប្រាប់អ្នកយកព័ត៌មានថា សមយុទ្ធនេះត្រូវបានរៀបចំឡើងដោយផ្អែកលើការគំរាមកំហែងដ៏ខ្លាំងក្លាបំផុតរបស់សត្រូវដោយធ្វើត្រាប់តាមសេណារីយ៉ូដែលអាចកើតមានទាំងអស់លើការឈ្លានពានរបស់សត្រូវនៅលើកោះតៃវ៉ាន់ ។
លោកបាននិយាយថា ការធ្វើសមយុទ្ធនេះនឹងប្រើប្រព័ន្ធត្រាប់រួម JTLS ហើយនឹងដំណើរការ ២៤ ម៉ោងក្នុងមួយថ្ងៃ ។
គួរបញ្ជាក់ថា បញ្ហានេះកើតឡើង បន្ទាប់ពីកងទ័ពជើងទឹកចិនបាននិយាយកាលពីថ្ងៃចន្ទថា ក្រុមនាវាដឹកយន្តហោះចិនកំពុងធ្វើសមយុទ្ធនៅជិតកោះតៃវ៉ាន់ ហើយសមយុទ្ធបែបនេះនឹងក្លាយជាសមយុទ្ធជាប្រចាំដែលបង្ហាញពីភាពតានតឹងកាន់តែកើនឡើងបន្ថែមទៀត ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ មិនធម្មតា! យន្តហោះយោធា ចិន ច្រើនបំផុតមិនធ្លាប់មាន ២០ គ្រឿងចូលទៅកោះតៃវ៉ាន់
ចុចអាន ៖ តៃវ៉ាន់ ចាប់ផ្តើមផលិតមីស៊ីលរយៈចម្ងាយឆ្ងាយច្រើនគ្រាប់ ទុកវាយបកសត្រូវ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»