ព័ត៌មានអន្ដរជាតិ
ណេតាន់យ៉ាហ៊ូ ថាអ៊ីស្រាអែលនឹងបន្តតាមប្រមាញ់មេដឹកនាំហាម៉ាសនៅបរទេស
នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ បាននិយាយអំឡុងពេលជួបជាមួយមួយរដ្ឋមន្ត្រីការបរទេសអាមេរិកលោក Marco Rubio ថាអ៊ីស្រាអែលអាចបើកការវាយប្រហារបន្ថែមទៀតលើមេដឹកនាំក្រុមហាម៉ាសនៅបរទេស បើទោះបីទើបតែបើកការវាយប្រហារនាពេលថ្មីៗនេះនៅក្នុងប្រទេសកាតាបង្កឱ្យមានកំហឹងអន្តរជាតិក៏ដោយ។ នេះបើយោងតាមការចេញផ្សាយរបស់សារព័ត៌មានBBC នៅថ្ងៃទី១៦ខែកញ្ញា។
គួររម្លឹកថាការវាយប្រហារដោយបើកចំហរបស់អ៊ីស្រាអែលទៅលើប្រទេសកាតា បានសម្លាប់មនុស្ស៦នាក់ ប៉ុន្តែមិនបានសម្លាប់មេដឹកនាំហាម៉ាសនោះទេ។ ប្រធានាធិបតីអាមេរិកលោក ដូណាល់ ត្រាំ បានសន្យាថា ប្រទេសកាតានឹងមិនជួបការវាយប្រហារបែបនេះម្តងទៀតទេ ប៉ុន្តែលោក ណេតាន់យ៉ាហ៊ូ ជំទាស់ថាអ៊ីស្រាអែលនឹងធ្វើសកម្មភាពតែម្នាក់ឯង។
នៅក្នុងសន្និសីទសារព័ត៌មានមួយនៅទីក្រុងហ្សេរុយសាឡឹម លោក ណេតាន់យ៉ាហ៊ូ បានបង្ហាញខ្លួនជាមួយរដ្ឋមន្ត្រីការបរទេសអាមេរិក។ ក្នុងនាមជារដ្ឋមន្ត្រីការបរទេសអាមេរិក លោក Marco Rubio បានទៅបំពេញទស្សនកិច្ចនៅអ៊ីស្រាអែល ដើម្បីបញ្ជាក់ឡើងវិញនូវការគាំទ្ររបស់សហរដ្ឋអាមេរិក និងពិភាក្សាអំពីជម្លោះអ៊ីស្រាអែល និងក្រុមហាម៉ាសជាមួយនាយករដ្ឋមន្ត្រីអ៊ីស្រាអែល ។
ដំណើរទស្សនកិច្ចរបស់លោកបានកើតឡើងចំពេលមានការថ្កោលទោសអន្តរជាតិចំពោះការវាយប្រហារតាមអាកាសរបស់អ៊ីស្រាអែលលើមេដឹកនាំក្រុមហាម៉ាសក្នុងប្រទេសកាតា និងការវាយលុកយោធាកាន់តែខ្លាំងនៅហ្គាហ្សា។ ទោះយ៉ាងលោក Rubio បាននិយាយថា សហរដ្ឋអាមេរិកនៅតែមានទំនាក់ទំនងរឹងមាំជាមួយបណ្តាប្រទេសឈូងសមុទ្រ ខណៈមេដឹកនាំទាំងពីរបានសរសើរទំនាក់ទំនងដ៏ជិតស្និទ្ធរវាងសហរដ្ឋអាមេរិក និងអ៊ីស្រាអែល។
ភាពតានតឹងក៏កើតមានដែរ ខណៈប្រទេសលោកខាងលិចមួយចំនួនត្រៀមទទួលស្គាល់ប៉ាឡេស្ទីននៅ អង្គការសហប្រជាតិ។ ទន្ទឹមនឹងនេះ អ៊ីស្រាអែលកំពុងពង្រីកប្រតិបត្តិការយោធារបស់ខ្លួននៅក្នុងទីក្រុងហ្គាហ្សា។ ផ្ទះជាច្រើនត្រូវបានបំផ្លាញ ហើយមនុស្សប្រហែល ២៥ម៉ឺន នាក់បានភៀសខ្លួនចេញពីភាគខាងត្បូង ប៉ុន្តែមនុស្សជាច្រើននាក់ទៀតមិនអាចចាកចេញដោយសារតែបញ្ហាថវិការ ខ្វះការដឹកជញ្ជូន ឬការភ័យខ្លាចនឹងការវាយប្រហារផ្លូវអាកាសថ្មី។ អង្គការសហប្រជាជាតិបានព្រមានថា ស្ថានការណ៍បច្ចុប្បន្នអាចក្លាយជាគ្រោះមហន្តរាយមនុស្សធម៌កាន់តែអាក្រក់ទៅៗ៕
អត្ថបទ៖ ប៊ុន សុភាព
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត