សុខភាព

ពិនិត្យខ្លួនផង! អាការមួយទៀតគិតថាធម្មតា ច្រើនកើតលើអ្នកឆ្លងកូវីដមិនចេញរោគសញ្ញា

បានផុស

៤ years មុន

នៅ

ថ្ងៃសុក្រ ៦ សីហា ២០២១

ដោយ

កន្ទួលលើស្បែក គឺជារោគសញ្ញាមួយទៀត ដែលអាចត្រូវបានរកឃើញចំពោះអ្នកជំងឺដែលឆ្លងកូវីដ ១៩ ។ អ្នកជំងឺទាំងនោះ ច្រើនមិនបង្ហាញរោគសញ្ញាអ្វីទេ រាងកាយពួកគេមានសុខភាពធម្មតាដូចមនុស្សទូទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសាស្ត្រាចារ្យ Prawit Aswanon នៅមន្ទីពេទ្យ Chulalongkorn បានបញ្ជាក់ថា ថ្មីៗនេះរោគសញ្ញាកូវីដ គឺលេចចេញមកប្លែកៗ ដែលត្រូវបានរកឃើញថា មានកន្ទួលលើជើងឬម្រាមជើង និងត្រូវបានសម្គាល់ដោយពងបែកក្រហម រូបរាងដូចសំណាញ់សរសៃតូចៗនៅលើជើងឬផ្នែកផ្សេងទៀតនៃរាងកាយ។

កន្ទួលលើស្បែក ជាធម្មតាត្រូវបានរកឃើញចំពោះអ្នកជំងឺដែលមិនបង្ហាញរោគសញ្ញា ឬបង្ហាញរោគសញ្ញាតិចតួចបំផុត រួមទាំងអ្នកខ្លះដែលអាចមានរោគសញ្ញាផ្លូវដង្ហើមមុនឬក្រោយកន្ទួលកើតឡើង។ ការលេចឡើងនៃរោគសញ្ញាស្បែក អាចត្រូវបានពន្យល់នៅពេលអ្នកជំងឺមានបញ្ហាសរសៃឈាមឬកោសិកាឈាម។ ទោះយ៉ាងណាក៏ដោយកន្ទួលដោយសារឆ្លងកូវីដមិនសូវកើតមានទេនៅក្នុងប្រទេសតំបន់ត្រូពិក។

លក្ខណៈនៃកន្ទួលដែលមានសក្តានុពលចំពោះអ្នកដែលឆ្លងមេរោគកូវីដ ទោះបីមិនមានរោគសញ្ញាផ្សេងទៀតគឺមានដូចខាងក្រោម៖

មានកន្ទួលក្រហមដែលប្រហាក់ប្រហែលនឹងសំណាញ់ឬសរសៃតូច។

មានចំណុចហូរឈាមតាមកន្ទួលនិងស្នាមដែលយើងអេះ។

មានកន្ទួលហើម ឡើងក្រហមស្រដៀងនឹងរោលស្បែក។ ខ្លះអាចមានពងបែកមួយក្រុម ដែលស្រដៀងនឹងជំងឺពងបែក។ រោគសញ្ញាភ្លាមៗរួមជាមួយគ្រុនក្តៅ ក្អក កណ្តាស់ និងជំងឺផ្លូវដង្ហើមផ្សេងទៀត។

ប្រសិនបើអ្នកជួបប្រទះភាពមិនប្រក្រតីនៃស្បែក រួមជាមួយគ្រុនក្ដៅ ក្អក ឬរោគសញ្ញាផ្លូវដង្ហើមផ្សេងទៀតសូមទៅជួបគ្រូពេទ្យដើម្បីតេស្តសំណាកជាបន្ទាន់ ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖ក្រោយចាក់វ៉ាក់សាំងរួច ស្រាប់តែឈឺក្បាល នេះអាចចាត់ទុកថាជាករណីរោគសញ្ញា Delta ដែរទេ?

ចុចអាន៖អ្នកខ្លាំងផឹកស្រារាល់ថ្ងៃ កំពុងប្រឈមហានិភ័យនៃវីរុសបំប្លែងខ្លួនគ្រប់ប្រភេទ ជាពិសេស Delta

Related Topics:កន្ទួលលើស្បែក