KPT+

យុទ្ធសាស្ត្របង្កើតគំនិតច្នៃប្រឌិតសម្រាប់ខ្លួនឯង នៅពេលកំពុងជាប់គាំងគិតអ្វីមិនចេញ

បានផុស

២ ខែ មុន

នៅ

ថ្ងៃអង្គារ ៨ មិថុនា ២០២១

ដោយ

គំនិតច្នៃប្រឌិតមិនមែនចេះតែកើតមានឡើងតាមចិត្តចង់ ឬអារម្មណ៍ដែលមានបានឡើយ។ បើសិនមនុស្សនោះគ្មានគំនិតច្នៃប្រឌិត គ្មានអីថ្មីសម្រាប់ខ្លួនឯង រឿងអស់នោះក៏វាមិនកើតឡើងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Kpt Plus សូមណែនាំនៅយុទ្ធសាស្ត្របង្កើតគំនិតច្នៃប្រឌិតសម្រាប់ខ្លួនឯង នៅពេលអ្នកកំពុងជាប់គាំងគិតអ្វីមិនចេញ៖

១ បន្ថែមរុក្ខជាតិបៃតងខ្លះៗនៅកន្លែងធ្វើការរបស់យើង

មនុស្សច្នៃប្រឌិតតែងត្រូវការអ្វីថ្មី ហើយប្លែកជានិច្ច។ ប្រសិនបើយើងត្រូវការការបំផុសគំនិតច្រើនសម្រាប់ខ្លួនឯង សូមហ៊ុមព័ទ្ធដោយរុក្ខជាតិនៅជុំវិញដូចជាដាក់ថូផ្កាលើតុតាំងលំអជាដើម។ យោងតាមការស្រាវជ្រាវរបស់ Human Spaces បានបង្ហាញថា មនុស្សដែលធ្វើការនៅក្នុងបរិស្ថានដែលរួមបញ្ចូលធាតុធម្មជាតិ បានបង្ហាញថាពួកគេមានផលិតភាព ៦ ភាគរយនិងច្នៃប្រឌិតជាង ១៥ ភាគរយ។

២ អានសៀវភៅនិងអត្ថបទខ្លីៗបន្ថែមជាពិសេសសៀវភៅកំណត់ហេតុ

យើងក៏អាចរកឃើញការបំផុសគំនិតនៅក្នុងសៀវភៅរឿងជាច្រើន ប៉ុន្តែសៀវភៅកំណត់ហេតុនឹងជាអនុស្សាវរីយ៍មួយដែលធ្វើឲ្យយើងស្ថិតនៅក្នុងកម្រិតនៃអារម្មណ៍ជ្រាលជ្រៅ។ សៀវភៅកំណត់ហេតុបានបន្សល់នូវអនុស្សាវរីយ៍ដែលកើតចេញពីមនុស្សនៅជុំវិញយើង ហើយវាបានរំលឹកការចងចាំពិសេសៗ នោះគឺមិនថាយើងថាជីវិតយើងដើរទៅមុខយ៉ាងណា តែបេះដូងនិងអ្វីដែលបានកសាងមករួមគ្នា គឺពិតជាមិនអាចបំភ្លេចបាន ហើយវាវាក៏ជាគំនិតមួយឈានទៅរកការបង្កើតអ្វីថ្មីដែរ។

៣ ព្យាបាលខ្លួនឯងដោយចិត្តសាស្រ្ត

មនុស្សមិនមែនកើតមកពូកែនិយាយគ្រប់គ្នាទេ ពេលខ្លះយើងមានគំនិតតែមិនពូកែនិយាយ ក៏មិនអាចបង្កើតអ្វីដែលយើងចង់បានមកដែរ។ នៅពេលដែលអ្នកមានអារម្មណ៍បែបនេះឬជាប់គាំងខាងផ្លូវចិត្ត សូមព្យាបាលខ្លួនឯងមួយថ្ងៃនៃការទំនាក់ទំនងសង្គម។ និយាយជាមួយមនុស្សច្រើនជាងធម្មតា សួរសំណួរដែលអ្នកគិតថាចង់សួរពួកគេ ហើយស្ដាប់ចម្លើយនោះ។ មនុស្សនៅជុំវិញយើងរស់នៅដោយសម្បូរបែប ជីវិតអ្នកខ្លះអាចជាទីគួរចាប់អារម្មណ៍ ជាពិសេសគឺបទពិសោធន៍របស់ពួកគេ អាចជំរុញការសម្រេចចិត្តដ៏មានឥទ្ធិពលដូចជាការប្ដេជ្ញាចិត្តចំពោះគោលដៅរកប្រាក់ចំណេញ។

៤ បង្កើតរបស់លេងដោយខ្លួនឯង

នៅក្នុងពិភពទំនើបនាពេលបច្ចុប្បន្ននេះ យើងអាចទិញអ្វីដែលត្រូវការដោយមិនចាំបាច់ចំណាយពេលព្យាយាមធ្វើវាដោយខ្លួនឯង។ ប៉ុន្តែពេលខ្លះវាជាគំនិតល្អក្នុងការចំណាយពេលវេលា ដើម្បីធ្វើវា។ ប្រសិនបើអ្នកប្រើវាតាមរបៀបត្រឹមត្រូវ អ្នកអាចជំរុញខ្លួនឯងឲ្យបង្កើតរបស់ដែលអ្នកពេញចិត្ត។

៥ វឹកហាត់ការងារច្នៃប្រឌិត

ការធ្វើលំហាត់ប្រាណដ៏ល្អ គឺការរៀបចំខួរក្បាលសម្រាប់ការបំផុសគំនិតដោយផ្ទាល់។ យកការងារច្នៃប្រឌិតណាមួយដែលយើងចូលចិត្ត ដូចជាការអានរឿងប្រលោមលោកឬខ្សែភាពយន្តហើយព្យាយាមកែប្រែចំណុចខ្សោយរបស់រឿង។ ឧទាហរណ៍ប្រសិនបើយើងគិតថាការសន្ទនារវាងតួអង្គគួរឲ្យធុញទ្រាន់ ចូរសរសេរវាឡើងវិញនូវរបៀបដែលយើងចង់បាន។ គំរូនេះនឹងធ្វើឲ្យអ្នកផ្ដោតអារម្មណ៍លើការដោះស្រាយបញ្ហាបាន ហើយងាយស្វែងរកដំណោះស្រាយនីមួយៗដើម្បីឈានទៅរករកលទ្ធភាពថ្មី៕

ប្រែសម្រួល៖ សាង ស្រីល័ក្ខ

ប្រភព៖success

ចុចអាន៖ជំនាញទីផ្សារ៖ ការច្នៃប្រឌិតហេតុអ្វីសំខាន់សម្រាប់អ្នកគ្រប់គ្រងទីផ្សារ?

ចុចអាន៖មនុស្សធ្លាប់ឆ្លងកាត់ពេលវេលាលំបាក ទើបអាចរឹងមាំមកដល់ថ្ងៃនេះបាន