KPT+

ជួបបញ្ហាហិរញ្ញវត្ថុក្នុងវិបត្តិកូរ៉ូណា? សាកអនុវត្តវិធីនេះសិនទៅ….

បានផុស

៤ years មុន

នៅ

ថ្ងៃសុក្រ ១១ ធ្នូ ២០២០

ដោយ

ចៀសមិនផុតទេ ដែលយើងភាគច្រើននឹងជួបបញ្ហាហិរញ្ញវត្ថុ នៅក្នុងអំឡុងពេលមានវិបិត្តកូវីដ១៩។ ប៉ុន្តែមានរឿងខ្លះដែលយើងអាចធ្វើ ដើម្បីរក្សាសាច់ប្រាក់ និងធ្វើឱ្យស្ថានភាពអាសន្នប្រែជាប្រសើរឡើងវិញ។

១. កំណត់អាទិភាព

ដំបូងគួរយល់ច្បាស់អំពីអាទិភាពលើការចំណាយដែលមិនមានស្មើគ្នា។ ចំណាយចម្បងគឺផ្ទះស្នាក់ បន្ទាប់គឺចំណីអាហារ ឧបករណ៍ប្រើប្រាស់ និងមធ្យោបាយធ្វើដំណើរ ហើយអាចមានអ្វីផ្សេងទៀត អាស្រ័យតាមស្ថានភាពរបស់អ្នក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. ញែកឲ្យដាច់រវាងភាពចាំបាច់និងទិញតាមចិត្ត

គួរតែធ្វើបញ្ជី ដើម្បីចាំត្រួតពិនិត្យឡើងវិញនូវការចាយវាយនានា។ បើស្ថានភាពលុយកំពុងរឹតត្បិត សូមកាត់បន្ថយឬផ្អាកការចំណាយទៅលើរបស់របរថ្លៃៗ ដូចជា សាច់ អាហារសមុទ្រ ឬកុម្មង់អាហារក្រៅ។ល។ ម្យ៉ាងទៀត អីវ៉ាន់និងសម្ភារមួយចំនួនដែលពុំចាំបាច់សម្រាប់រដូវកាលមេរោគរាតត្បាតនេះ គួេកុំទិញអី។

៣. អ្វីគួរចំណាយនិងមិនគួរចំណាយ

គិតម្ដងទៀត ពីការទិញទំនិញសំខាន់ៗ និងទំនិញណាដែលគួរកាត់ចេញ។ ខោអាវអាវប្រ៊េនៗ ការដេញស៊េរីទូរសព្ទ ប្ដូរម៉ាកទូរទស្សន៍ថ្លៃៗជាដើម ពុំចាំបាច់ចំណាយទេ។

៤. ពិនិត្យអ្នកមកបញ្ចុះបញ្ចូល

ឆ្លៀតឱកាសស្ថានភាពកំពុងមិនស្រួល តែងតែមានជនបោកប្រាស់ ដោយព្យាយាមប្រើវិធីផ្សេងៗដើម្បីយកប្រាក់ដូចជា ជំនួយសប្បុរសធម៌ កាវិនិយោគលើភាគហ៊ុន ផ្ដល់សេវាព្យាបាលជំងឺ។ល។

៥. ព្យាយាមសន្សំ

បើអ្នកកំពុងមានការងារធ្វើនៅឡើយ ហើយក៏មានចំណូលប្រចាំខែនៅឡើយ សូមឆ្លៀតសន្សំតាមដែលអាចធ្វើទៅបាន ទោះតិចតួចក្ដី ដើម្បីមានប្រាក់បម្រុងសម្រាប់ប្រើប្រាស់នៅគ្រាអាសន្ន៕

ប្រែសម្រួល៖ សាង ស្រីល័ក្ខ

ចុចអាន៖ ចង់បានលុយបន្ថែមពី YouTube កុំរំលងអត្ថបទនេះ!

ចុចអាន៖ រក្សាទង្វើ ៨ យ៉ាងនេះ កុំសង្ឃឹមលុយសល់ដូចគេ

Related Topics:ការគ្រប់គ្រងលុយ