KPT+

ហេតុផល ៥ យ៉ាង កុំគិតច្រើនក្នុងពេលតែមួយ

បានផុស

៣ years មុន

នៅ

ថ្ងៃព្រហស្បតិ៍ ២៥ សីហា ២០២២

ដោយ

ការគិតអំពីរឿងជាច្រើនក្នុងពេលតែមួយ នឹងមិនធ្វើឲ្យបញ្ហារកឃើញចំណុចភ្លឺ ឬដំណោះស្រាយបានរហ័សទាន់ចិត្តឡើយ។ ជារឿយៗ អ្វីដែលកើតឡើង គឺថាអ្វីៗកាន់តែស្មុគស្មាញ និងរញ៉េរញ៉ៃបំផុត។ ប្រសិនបើយើងចង់លឿនហើយយកបញ្ហាមកច្របូកច្របល់ នោះកម្រិតនៃការដោះស្រាយ កាន់តែពិបាកហួសមុនទៀត។

នេះជាហេតុផលប្រាំយ៉ាង ដែលមិនគួរគិតច្រើន។ អានឲ្យចប់ ដើម្បីឲ្យអ្នកទទួលបានការយល់ដឹងដ៏ល្អប្រសើរក្នុងអត្ថបទមួយនេះ។

១ ធ្វើឲ្យបញ្ហាកាន់តែច្រើនឡើងៗ មិនអាចស្វែងរកដំណោះស្រាយត្រឹមត្រូវ

ការគិតអំពីរឿងជាច្រើនក្នុងពេលតែមួយ ឬជិតស្និទ្ធពេក ដោយមិនបានជួយដោះស្រាយបញ្ហាឲ្យធូរស្បើយឡើយ។ ខណៈរឿងមួយអ្នកមិនទាន់បានដោះស្រាយចប់ផង ក៏ចូលមកមួយរឿងទៀតទៅហើយ។ ប្រសិនបើអ្នកបន្តនៅក្នុងលំនាំដដែលនោះ នៅទីបំផុត អ្វីៗនឹងដួលរលំ ឬចប់ទៅទាំងអស់។ ព្រោះថា ដំណោះស្រាយមិនអាចត្រឹមត្រូវទេ ប្រសិនបើអ្នកគិតច្រើន។ វាជាការប្រសើរជាង បើអ្នកគិតហើយបញ្ចប់រឿងមួយជាមុនសិន ពេលចប់ហើយសឹមសម្រាក រួចបន្តទៅរឿងបន្ទាប់ទៀត។ ដូច្នេះ គំនិតរបស់អ្នកនឹងមិនធ្ងន់ពេកទេ ហើយអ្នកអាចទទួលបានដំណោះស្រាយសមរម្យសម្រាប់បញ្ហាជាក់លាក់ណាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ កម្រិតនៃការផ្តោតអារម្មណ៍កាន់តែទាប

ខណៈពេលដែលមានបន្ទុកការងារជាច្រើនដែលត្រូវគិត វាគួរតែត្រូវបានដោះស្រាយភ្លាមៗ។ ទោះជាយ៉ាងណាក៏ដោយ ប្រសិនបើអ្នកគិតអំពីវាក្នុងពេលតែមួយ វាពិតជាធ្វើឲ្យកម្រិតនៃការផ្តោតអារម្មណ៍ថយចុះកាន់តែច្រើន។ វាជារឿងធម្មតាសម្រាប់មនុស្សដែលមានតម្រូវការការងារច្រើន ប៉ុន្តែព្យាយាមពណ៌នាម្ដងមួយៗ ដើម្បីឲ្យលទ្ធផលដែលទទួលបានគួរជាទីពេញចិត្ត។ ការមានគំនិតច្រើន អាចកាត់បន្ថយកម្រិតនៃការផ្តោតអារម្មណ៍។ ប្រសិនបើការផ្តោតអារម្មណ៍របស់អ្នកបន្តធ្លាក់ចុះ ការងារទាំងអស់នឹងមិនត្រូវបានបញ្ចប់ទេ។ ចំនួននៃបន្ទុកនៅក្នុងចិត្ត អាចបង្វែរការផ្តោតអារម្មណ៍នៅក្នុងដំណើរការនៃការបញ្ចប់។ ដូច្នេះ ដើម្បីអាចផ្តោតអារម្មណ៍ឲ្យបានខ្ពស់ត្រូវគិតមួយដើរមួយសិន។

៣ បញ្ចប់ដោយភាពតានតឹង ដោយសារតែពិបាកក្នុងការផ្តោតអារម្មណ៍

ផ្តោតលើអ្វីដែលអ្នកកំពុងគិត ដើម្បីក្លាយជាអ្វីមួយដែលចាំបាច់ត្រូវផ្តល់អាទិភាព។ គំនិតដែលផ្តោតលើបញ្ហា ឬការងារនឹងប៉ះពាល់ដល់លទ្ធផល។ ប្រសិនបើអ្នកផ្តោត នោះលទ្ធផលគឺគុណភាព។ សម្រាប់អ្នកដែលនៅតែពិបាកផ្ដោតលើរឿងមួយ សូមអនុវត្តវាពីពេលនេះទៅ ដើម្បីឲ្យអ្នកស៊ាំនឹងវា។ សមត្ថភាពក្នុងការផ្តោតអារម្មណ៍ ត្រូវចំណាយពេលអនុវត្ត និងដំណើរការ បន្តព្យាយាមរហូតដល់អ្នកស៊ាំនឹងវា និងទទួលបានផាសុកភាពជាមួយនឹងផ្នត់គំនិតដែលដំណើរការ។

៤ បង្កឲ្យមានការកើនឡើងនៃកម្រិតថប់បារម្ភ

ហេតុផលបន្ទាប់ ដែលអ្នកមិនគួរគិតច្រើនពេក នោះគឺផ្នត់គំនិតនេះអាចជំរុញឲ្យកម្រិតនៃការថប់បារម្ភខ្លួនឯង បន្តកើនឡើង។ ពីព្រោះនៅពេលមានអ្វីមួយមិនត្រូវបានដោះស្រាយ វាជារឿងធម្មតាទេដែលអ្នកត្រូវព្រួយបារម្ភ។ ទោះជាយ៉ាងណាក៏ដោយ ប្រសិនបើអ្នកបង្ខំខ្លួនអ្នកឲ្យគិតអំពីរឿងផ្សេងទៀត ការថប់បារម្ភរបស់អ្នក នឹងកើនឡើងតែប៉ុណ្ណោះ។ សម្រាប់រឿងនោះ ការពាររឿងផ្សេងៗដែលចូលក្នុងគំនិតរបស់អ្នក នៅពេលដែលអ្នកកំពុងបញ្ចប់ការងារ ឬបញ្ហា។ វិធីនោះ កម្រិតនៃការថប់បារម្ភអាចគ្រប់គ្រងបាន ដូច្នេះវាមិនអាចគ្រប់គ្រងខ្លួនឯង ដែលកំពុងតស៊ូដើម្បីបំពេញបន្ទុកនៃការគិតនោះទេ។

៥ នៅទីបញ្ចប់ អ្នកអាចរីករាយនឹងសកម្មភាព

ការគិតអំពីរឿងជាច្រើនក្នុងពេលតែមួយ អាចធ្វើឲ្យចិត្តរបស់អ្នកនឹងបែកខ្ញែក។ សូម្បីតែភាពរីករាយនឹងសកម្មភាពដែលកំពុងធ្វើក៏ត្រូវជួបការលំបាកដែរ ព្រោះចិត្តកាន់តែវង្វេង។ បំណងប្រាថ្នាចង់លឿនក្នុងការបញ្ចប់ការងារ តាមការពិតវានឹងប្រែជាយឺតវិញ។ ដូច្នេះដំណោះស្រាយគឺជាវិធីគិតមួយៗ។ ព្យាយាមគ្រប់គ្រងគំនិត និងអារម្មណ៍របស់អ្នក ដើម្បីកុំឲ្យរូបរាងនៃបន្ទុកផ្សេងៗបំពេញចិត្តរបស់អ្នកបាន។ ព្រោះបើអ្នកមិនចេះគ្រប់គ្រងគំនិតរបស់អ្នក នោះរឿងអាក្រក់នឹងគ្របសង្កត់ចិត្តអ្នកវិញ៕

អត្ថបទ ៖ សាង ស្រីល័ក្ខ

Related Topics:ការលើកទឹកចិត្ត