Connect with us

KPT+

អ្នកជំនាញ ២រូបបារម្ភចំពោះការប្រើប្រាស់ភាសាខ្មែររបស់ប្រជាជនកម្ពុជា

បានផុស

នៅ

អ្នកជំនាញ២រូប ដែលមកពីស្ថាប័នផ្សេងៗគ្នា មានក្តីបារម្ភចំពោះការប្រើប្រាស់ភាសា និងអក្សរខ្មែររបស់ប្រជាជនកម្ពុជា ដែលមួយចំនួនធំនៅមិនទាន់អាចប្រើប្រាស់ទៅតាមក្បួនខ្នាតវេយ្យាករណ៍ និងអក្សរជាតិ ជាពិសេស គឺអត្ថន័យតែម្តង នៅប្រើប្រាស់មិនបានត្រឹមត្រូវនៅឡើយ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសិក្ខាសាលាស្តីពី “វិការភាពនៃការប្រើប្រាស់ភាសាខ្មែរបច្ចុប្បន្ន” លោកស្រី ជា វណ្ណី ប្រធាននាយកដ្ឋានធម្មសាស្ត្រ ចរិយាសាស្ត្រ និងយេនឌ័រ នៃវិទ្យាស្ថានមនុស្សសាស្ត្រ និងវិទ្យាសាស្ត្រសង្គម នៃរាជបណ្ឌិត្យបណ្ឌិតសភាកម្ពុជា បានលើកឡើងថា លោកស្រីមានការខកចិត្តជាខ្លាំង នៅពេលដែលនិស្សិតសិក្សាថ្នាក់បរិញ្ញាបត្រនៅសាកលវិទ្យាល័យមួយចំនួន បែរជាមិនចេះអានភាសាខ្មែរបានល្អ និងត្រឹមត្រូវ។ ចំណែក កង្វល់មួយទៀតរបស់លោកស្រី គឺកូនខ្មែរជំនាន់ក្រោយ អាចមិនសូវចេះនិយាយ ឬអាន និងសរសេរអក្សរខ្មែរបានរលូន ព្រោះឳពុកម្តាយមួយចំនួនបានឱ្យកូនសិក្សានៅសាលាអន្តរជាតិ និងភាសាបរទេស មុននឹងពួកគេសិក្សាភាសាខ្មែរ។ ចំណុចនេះ អាចនាំឱ្យកូនខ្មែរជំនាន់ក្រោយមិនចេះអក្សរជាតិរបស់ខ្លួន។ 

លោកស្រីក៏បានសំណូមពរឱ្យអាណាព្យាបាលគ្រប់រូប បញ្ជូនកូនចូលសាលារដ្ឋ មុនសាលាឯកជន នឹងព្យាយាមនិយាយភាសាខ្មែរឱ្យបានច្រើន​ ចៀសវាងកូនខ្មែរ មិនចេះភាសាខ្មែរ ឬរៀនចប់ផ្នែកភាសាបរទេសហើយ ទើបឱ្យកូនៗមករៀនភាសាជាតិជាក្រោយ។ លោកស្រីក៏បានសំណូមពរដល់អ្នកលេងបណ្តាញសង្គមគ្រប់រូប ចាំបាច់ត្រូវតែប្រើភាសាជាតិឱ្យបានល្អ និងត្រឹមត្រូវ ដើម្បីថែរក្សាភាសាជាតិឱ្យបានគង់វង្ស និងរុងរឿងទៅមុខទៀត។ 

ចំពោះ លោកស្រី នង ធួក ជាទីប្រឹក្សាក្រសួងព័ត៌មាន ក៏បានអះអាងថា បច្ចុប្បន្ននេះ សូម្បីតែអ្នកបម្រើការខាងសារព័ត៌មានមួយចំនួន ក៏សរសរមិនត្រូវទៅតាមវេយ្យាករណ៍របស់ខ្មែរ និងអត្ថន័យរបស់ខ្មែរផងដែរ។ បញ្ហាចម្បង គឺមនុស្សមួយចំនួនទម្លាប់យកភាសានិយាយ យកទៅសរសេរក្នុងអត្ថបទ ឬរបាយការណ៍ផ្សេងៗ។ ដូច្នេះ ក្បូនខ្នាតរបស់ភាសាជាតិ ក៏ដូចជាវេយ្យាករណ៍ខ្មែរ ត្រូវបានមើលរំលង។ រីឯ ជនបរទេស ក៏ពិបាកក្នុងការរៀនភាសាបន្តពីខ្មែរ នៅពេលដែលខ្មែរប្រើប្រាស់ភាសារបស់ខ្លួន មិនត្រឹមត្រូវតាមវេយ្យាករណ៍ និងក្បូនខ្នាតនៃអក្សរជាតិរបស់ខ្លួន។ 

លោកស្រី នង ធួក ក៏បានបន្ថែមថា បុគ្គលដែលមានសារៈសំខាន់ក្នុងប្រព័ន្ធផ្សព្វផ្សាយ ជួយអភិរក្សអក្សរខ្មែរមានដូចជា អ្នកនិពន្ធ និពន្ធនាយក អ្នកដឹកនាំថត អ្នករាយការណ៍ព័ត៌មាន និងអ្នកសារព័ត៌មាន ឬ ពិធីករល្បីៗ និងជនជាច្រើនទៀត។ បុគ្គលទាំងនេះ គឺជាអ្នកដែលមានតួនាទីសំខាន់ក្នុងការផ្សព្វផ្សាយ និងប្រុងប្រយ័ត្នខ្ពស់ចំពោះការប្រើប្រាស់ពាក្យពេចន៍ ព្រមទាំងអក្ខរាវិរុទ្ធខ្មែរ។ 

ជាមួយគ្នានេះ លោកស្រីក៏បានណែនាំដល់សាធារណជនគ្រប់រូបថា ដើម្បីដោះស្រាយនូវបញ្ហាទាំងនេះបាន គឺផ្តើមចេញពីការប្តេជ្ញាចិត្តរបស់មនុស្សម្នាក់ៗ ក្នុងការប្រើភាសាខ្មែរឱ្យបានល្អ។ បន្ទាប់មក នៅពេលដែលឃើញកូនចៅ ឬ មនុស្សជុំវិញខ្លួនប្រើប្រាស់ពាក្យមិនបានត្រឹមត្រូវ ត្រូវធ្វើការណែនាំដោយពាក្យសម្តីល្អៗ ក្នុងន័យស្ថាបនា។ បន្ថែមពីនោះ គឺប្រើប្រាស់ភាសាឱ្យ ត្រូវនឹងវេយ្យាករណ៍ ព្រោះបរទេសរៀនភាសាខ្មែរពីប្រជាជនខ្មែរដូចគ្នា៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

អ្នកការទូតកំពូលរបស់ចិន នឹងពិភាក្សារឿងកោះតៃវ៉ាន់ជាមួយទីប្រឹក្សាសន្តិសុខជាតិអាមេរិក

ព័ត៌មានជាតិ៤ ម៉ោង មុន

បេក្ខជនជិត ២ពាន់នាក់ នឹងត្រូវចូលរួមប្រឡងជ្រើសរើសគ្រូអប់រំកាយ និងកីឡា ខណៈជ្រើសរើសតែ ១០០នាក់ប៉ុណ្ណោះ

ព័ត៌មានជាតិ៤ ម៉ោង មុន

លោក លី ធុជ ចូលប្រជុំនៅស្វីស ដើម្បីសម្រេចគោលដៅអាទិភាព ពេលកម្ពុជារៀបចំកិច្ចប្រជុំស្ដីពីពិភពលោកគ្មានមីន

ព័ត៌មានជាតិ៥ ម៉ោង មុន

លោក សេង ម៉ៅ ៖ ទោះអាយុជិត ៤០ ឆ្នាំ ក៏នៅសង្វាតជំនាញបច្ចេកទេស ព្រោះចង់បើករបរឯស្រុកកំណើត

ព័ត៌មានអន្ដរជាតិ៥ ម៉ោង មុន

​សេដ្ឋកិច្ច​ជប៉ុន​រង​ផល​ប៉ះពាល់ខ្លាំង ចាប់តាំងពីគ្រោះ​រញ្ជួយ​ដីថ្ងៃឆ្លងឆ្នាំ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍១ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

Sokha Hotels

ព័ត៌មានពេញនិយម