មានងារជាព្រះនាង Kate នៃចក្រភពអង់គ្លេស តែទ្រង់គ្រងក្រវិលតម្លៃត្រឹម ២៧ ដុល្លារប៉ុណ្ណោះ

ក្នុងកម្មវិធីពានរង្វាន់ភាពយន្ត British Academy លើកទី ៧៦ វត្តមាននៃព្រះអង្គម្ចាស់និងព្រះនាងនៃប្រទេស Wales បង្កការចាប់អារម្មណ៍ជាពិសេសព្រោះទ្រង់ខានចូលរួមតាំងពីឆ្នាំ ២០២០ មកម្ល៉េះ ។

បើយើងងាកមកគយគន់ព្រះនាង Kate Middleton ព្រះជន្ម ៤១ វស្សាដែលបង្ហាញព្រះកាយក្នុងកម្មវិធី British Academy យើងឃើញថាទ្រង់ស្លៀករ៉ូបវែងពណ៌សវាលព្រះអង្សាមួយចំហៀងម៉ាក Alexander McQueen លម្អដោយក្រវិលម៉ាក Zara តម្លៃ ២៧ ដុល្លារប៉ុណ្ណោះ ចំណែកកាលពីឆ្នាំ ២០២០ វិញ ព្រះនាងក៏ស្លៀករ៉ូបម៉ាក Alexander McQueen ដែរ ។

ក្រៅពីនេះព្រះនាងបានជ្រើសរើសស្រោមព្រះហស្តវែងពណ៌ខ្មៅស៊ីនឹងរ៉ូប បន្ថែមជាមួយកាបូបខ្មៅនិងព្រះសុពណ៌បាទ ពណ៌មាសដ៏ប្រណិតប្រៀបដូចទេពធីតាក្នុងរឿងព្រេងបេះដាក់ ។

គួររំលឹកដែរថាព្រះនាង Kate និងព្រះអង្គម្ចាស់ William ខកខានចូលរួមកម្មវិធីឆ្នាំមុនដោយសារការសោយទិវង្គតរបស់ព្រះអង្គម្ចាស់ Philip ជាព្រះបិតា ។

ដោយឡែកវត្តមានតារាកិត្តិយសក្នុងកម្មវិធីមានដូចជា Austin Butler, Viola Davis, Cate Blanchett និង Jamie Lee Curtis ជាដើម ជាពិសេសអ្នកស្រី Helen Mirren ដែលជាតារាសម្ដែងតួម្ចាស់ក្សត្រី Elizabeth II ហើយធ្លាប់ឈ្នះពានរង្វាន់ BAFTA និង អូស្ការទៀតផង ៕

ប្រែសម្រួល ៖ វារី

ចុចអាន ៖ វិន័យ ៥ យ៉ាង តម្រូវឲ្យព្រះអង្គម្ចាស់ William ធ្វើតាម ប៉ុន្តែព្រះអនុជ Harry មិនធ្វើក៏បាន