រដ្ឋបាលរាជធានីប្រជុំទាំងយប់សម្រេចបិទខ្ទប់ភ្នំពេញទាំងស្រុង
Connect with us
Helistar Cambodia - Helicopter Charter Services

ព័ត៌មានជាតិ

រដ្ឋបាលរាជធានីប្រជុំទាំងយប់សម្រេចបិទខ្ទប់ភ្នំពេញទាំងស្រុង

បានផុស

នៅ

ភ្នំពេញ៖ គណៈបញ្ជាការឯកភាពរាជធានីភ្នំពេញ បានសម្រេចបិទខ្ទប់រាជធានីភ្នំពេញទាំងស្រុង ដោយមិនឱ្យប្រជាពលរដ្ឋចេញចូលពីផ្ទះមួយទៅផ្ទះមួយ និងពីភូមិមួយទៅភូមិមួយឡើយ។ បើមានបញ្ហាអ្វីមួយដូចជាបញ្ហាសុខភាព ត្រូវតែមានការអនុញ្ញាតពីអាជ្ញាធរ។ ប៉ុន្តែទោះបីជាយ៉ាងណាក្តីទីផ្សារបន្លែ ត្រីសាច់ ហូប ចុក មិនត្រូវបានបិទនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមការបញ្ជាក់របស់លោក ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញក្នុងកិច្ចប្រជុំបន្ទាន់មួយតាមរយៈ video conference នៅរាត្រីថ្ងៃទី១៤ ខែមេសា ឆ្នាំ២០២១នេះ ជាមួយអាជ្ញាធរខណ្ឌទាំង១៤ មេប៉ូលីស និងមេកងរាជអាវុធហត្ថរាជធានីភ្នំពេញ នៅសាលារាជធានីភ្នំពេញ។

លោក ឃួង ស្រេង ក្នុងកិច្ចប្រជុំនោះបានបញ្ជាក់ថា ការសម្រេចរបស់គណៈបញ្ជាការឯកភាពរាជធានីភ្នំពេញ គឺបិទខ្ទប់រាជធានីភ្នំពេញទាំងស្រុងតែម្តង ដូចដែលយើងបានបិទខ្ទប់ខណ្ឌ៣កន្លងមកអ៊ីចឹងដែរ ដោយមិនឱ្យប្រជាពលរដ្ឋចេញចូលពីផ្ទះមួយទៅផ្ទះមួយ និងពីភូមិមួយទៅភូមិមួយឡើយ។ លោកបន្តថា ចំពោះទីផ្សារលក់គ្រឿងឧបភោគបរិភោគ បន្លែត្រីសាច់ យើងមិនបានបិទទេ ហើយប្រជាពលរដ្ឋអាចចេញពីផ្ទះទៅផ្សារបានក្នុង១សប្តាហ៍ម្តង ឬ២ដង ជាក់ស្តែង ទៅតាមការអនុញ្ញាតរបស់អាជ្ញាធរ។ ប្រជាពលរដ្ឋក៏អាចចេញទៅទិញថ្នាំពេទ្យ ឬទៅទទួលសេវាព្យាបាលបាន បើមានជម្ងឺជាក់ស្តែង។

លោក ឃួង ស្រេងបន្តថា ការបិទខ្ទប់រាជធានីភ្នំពេញទាំងស្រុងនេះនឹងចាប់ផ្តើមអនុវត្តនៅ​ម៉ោង០០​ឆ្លងចូលថ្ងៃទី១៥ មេសានេះ។ ចំពោះគោលដៅដែលត្រូវដាក់បិទការធ្វើដំណើរចេញចូល រាជធានី មានច្រើនគោលដៅ ក្នុងនោះមាន ផ្លូវជាតិលេខ១ នៅព្រំប្រទល់ខេត្តកណ្តាល ផ្លូវជាតិលេខ២ នៅព្រំប្រទល់ខេត្តកណ្តាល ផ្លូវជាតិលេខ៣ នៅព្រំប្រទល់ខេត្តកណ្តាល ផ្លូវជាតិលេខ៤ នៅព្រំប្រទល់ស្រុកអង្គស្នួលខេត្តកណ្តាល  ផ្លូវជាតិលេខ៥ នៅព្រំប្រទល់ស្រុកពញ្ញាឮ ខេត្តកណ្តាល ផ្លូវជាតិលេខ៦ នៅព្រំប្រទល់ស្រុកមុខកំពូល ខេត្តកណ្តាល។

ប៉ុន្តែទោះបីជាយ៉ាងណាក្តី លោក ឃួង ស្រេង បានជ្រុញឱ្យអាជ្ញាធរយកចិត្តទុកដាក់ចំពោះប្រជាពលរដ្ឋនៅក្នុងមូលដ្ឋានរបស់ខ្លួន ដោយមិនអោយគាត់ពិបាករហូតគ្មានអីហូបចុកនោះទេ៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

បុគ្គល​សង្ស័យ​ម្នាក់ទៀត​ ដែល​ជា​មិត្ត​ភ័ក្តិ​អ្នកវិជ្ជមាន​កូវី១៩ ត្រូវ​បាន​រក​ឃើញ​ផ្ទុក​វិជ្ជមាន​មេរោគ​កូ​វីដ​១៩​ដែរ

ចរាចរណ៏៤ ម៉ោង មុន

រថយន្ត​ដឹក​ថ្ម​គ្រួស​បុក​ម៉ូតូ​ពីក្រោយ​ រួច​កិន​បណ្តាល​ឲ្យ​បុរស​ម្នាក់​ស្លាប់​ពេល​បញ្ជូនទៅ​មន្ទីរពេទ្យ

ព័ត៌មានជាតិ៥ ម៉ោង មុន

រដ្ឋមន្រ្តីក្រសួងសុខាភិបាលណែនាំ ឱ្យ គ្រប់ មន្ទីរពេទ្យរដ្ឋទាំងអស់ តេស្តជំងឹ កូវីដ១៩ មុននឹងអនុញ្ញាតឱ្យ សម្រាក ព្យាបាល

ព័ត៌មានជាតិ៦ ម៉ោង មុន

ដំណឹង​ល្អ!! ​ រដ្ឋាករ​ទឹក​ក្រុង​ភ្នំពេញ ជួយបង់ថ្លៃប្រើប្រាស់ទឹកស្អាតជំនួស​កម្មករ សិស្ស និស្សិត ដែល​ស្នាក់នៅតាមបណ្តាផ្ទះជួល ក្នុងតំបន់ក្រហម កំពុងបិទខ្ទប់៣ខែ

ព័ត៌មានជាតិ៦ ម៉ោង មុន

គិត​ត្រឹម​ព្រឹក​ថ្ងៃទី​៨​ឧសភា​នេះ ខេត្តកំពង់ស្ពឺ​មាន​អ្នក​ឆ្លង​កូ​វីដ ១៩​កើនឡើង​ដល់​ជាង​១០០​នាក់​និង​ស្លាប់​៥​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services