ព័ត៌មានជាតិ

រដ្ឋបាលខេត្តសៀមរាប បើកសន្និបាតបូកសរុបលទ្ធផលការងារប្រចាំឆ្នាំ ២០២៥ និងលើកទិសដៅអនុវត្តបន្តឆ្នាំ ២០២៦

បានផុស

៤ ខែ មុន

នៅ

ថ្ងៃព្រហស្បតិ៍ ២៩ មករា ២០២៦

ដោយ

កាលពីព្រឹកថ្ងៃទី ២៩ ខែមករា ឆ្នាំ ២០២៦ នេះ រដ្ឋបាលខេត្តសៀមរាប បានបើកអង្គសន្និបាតបូកសរុបលទ្ធផលការងារប្រចាំឆ្នាំ ២០២៥ និងលើកយុទ្ធសាស្ត្រអនុវត្តបន្តឆ្នាំ ២០២៦ ដើម្បីបន្តពង្រឹងសុវត្ថិភាពសេវាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គសន្និបាតនេះ ក្រោមអធិបតីភាពលោក លី សំរិទ្ធ ប្រធានក្រុមប្រឹក្សាខេត្តសៀមរាប និងលោក ប្រាក់ សោភ័ណ អភិបាល នៃគណៈអភិបាលខេត្តសៀមរាប ដោយមានការចូលរួមពី ឯកឧត្ដម លោកជំទាវ ជាសមាជិក-សមាជិកាក្រុមប្រឹក្សាខេត្ត លោក លោកស្រី ជាគណៈអភិបាលខេត្ត នាយក នាយករងរដ្ឋបាលសាលាខេត្ត ថ្នាក់ដឹកនាំមន្ទីរ អង្គភាព ទីចាត់ការ អង្គភាពចំណុះសាលាខេត្ត ស្នងការ មេបញ្ជាការ បញ្ជាការរង មន្ត្រីរាជការ រដ្ឋបាលក្រុង-ស្រុក ក្រុមប្រឹក្សាឃុំ-សង្កាត់ តំណាងអង្គការសង្គមស៊ីវិល ជាសមាជិក-សមាជិកាអង្គសន្និបាតចូលរួមប្រមាណជា ៧០០ នាក់។

លោក លី សំរិទ្ធ លើកឡើងថា កម្មវិធីបានកំពុងប្រព្រឹត្តនាពេលនេះ ក្នុងគោលបំណងសំខាន់លើការឆ្លុះបញ្ចាំង និងការបង្ហាញអំពីលទ្ធផល សមិទ្ធផលដែលរដ្ឋបាលខេត្តសៀមរាបសម្រេចបានក្នុងឆ្នាំ ២០២៥ ព្រមទាំងធ្វើការរំលេចនូវបញ្ហាប្រឈមដែលបានជួបប្រទះក្នុងឆ្នាំ ២០២៥ ចំពោះការងារដែលបានអនុវត្តនូវតួនាទី ភារកិច្ចរបស់មន្ទីរ អង្គភាព និងស្ថាប័នពាក់ព័ន្ធ ក្នុងការផ្តល់សេវាសាធារណៈ និងការថែរក្សាសន្តិសុខសណ្ដាប់ធ្នាប់សាធារណៈ និងសុវត្ថិភាពជូនប្រជាពលរដ្ឋ និងភ្ញៀវទេសចរជាតិ-អន្តរជាតិ ដែលបានចូលមកទស្សនាកម្សាន្តនៅខេត្តប្រវត្តិសាស្ត្រមួយនេះ។

លោកប្រធានក្រុមប្រឹក្សាខេត្ត គូសបញ្ជាក់ថា ទោះបីស្ថានភាព នៃការកើតឡើងនៅតាមបណ្ដោយព្រំដែនមានសភាពធូរស្រាលបន្តិច នៅក្រោយកិច្ចព្រមព្រៀងការឈប់បាញ់ កាលពីថ្ងៃទី ២៧ ខែធ្នូ ឆ្នាំ ២០២៥ នោះ ក៏ប៉ុន្តែចំពោះផលវិបាកដែលបានបន្សល់ទុកនៅតែជាបញ្ហាអាទិភាព ដែលត្រូវរួមគ្នាក្នុងការដោះស្រាយ ក្នុងស្មារតី នៃមហាសាមគ្គីគ្រួសារខ្មែរតែមួយ។

លោកក៏បានបន្តទៀតថា ថ្វីបើជនភៀសសឹកមួយចំនួនបានវិលទៅកាន់ភូមិឋានរបស់ខ្លួនមួយចំនួន តែពលរដ្ឋភៀសសឹកដែលរងគ្រោះដោយផ្ទះសម្បែងពួកគាត់ត្រូវសត្រូវឈ្លានពានបានបំផ្លិចបំផ្លាញក្នុងភូមិឋានរបស់ខ្លួន ដែលបន្សល់ទៅដោយយុទ្ធភណ្ឌមិនទាន់ផ្ទុះ ដែលក្រុមកងកម្លាំងស៊ីម៉ាក់មិនទាន់បានបោសសម្អាតនោះ និង ជាតំបន់ផុយស្រួយ ត្រូវបានអាជ្ញាធរមូលដ្ឋានក៏មិនទាន់អនុញ្ញាតឲ្យពួកគាត់ចូលទៅរស់នៅ ហើយពួកគាត់បានបន្តស្នាក់នៅតាមមណ្ឌលសុវត្ថិភាព និងផ្ទះបងប្អូនផងដែរ។

ក្នុងនោះ លោកក៏បានថ្លែងអំណរគុណដល់ថ្នាក់ដឹកនាំគ្រប់ជាន់ថ្នាក់ និងសប្បុរសជនជាតិ-អន្តរជាតិ ដែលបានចូលរួមបរិច្ចាគនូវធនធាន សម្ភារៈ ស្បៀងអាហារ ជូនដល់វីរកងទ័ព នគរបាលជាតិ ដែលកំពុងឈរជើងការពារ បូរណភាពទឹកដី តាមខ្សែបន្ទាត់ព្រំដែន និងគ្រួសារភៀសសឹក ដែលកំពុងស្នាក់នៅក្នុងភូមិសាស្ត្រខេត្តសៀមរាប។

លោក លី សំរិទ្ធ ក៏បានស្នើដល់អង្គសន្និបាតទាំងមូល សូមចូលរួមជាយោបល់ទៅលើកិច្ចពិភាក្សា ទៅតាមប្រធានបទដែលអង្គសន្និបាតបានលើកឡើង ឲ្យបានផុលផុស ដើម្បីទទួលបាននូវធាតុចូលក្នុងការពង្រឹងការអនុវត្តទិសដៅឆ្នាំបន្តរបស់រដ្ឋបាលខេត្តឆ្នាំ ២០២៦ ឲ្យប្រកបទៅដោយប្រសិទ្ធភាព តម្លាភាព និងគណនេយ្យភាព ស្របតាមគោលនយោបាយ កំណែទម្រង់ស៊ីជម្រៅ នៃយុទ្ធសាស្ត្របញ្ចកោណ ដំណាក់កាលទី ១ របស់រាជរដ្ឋាភិបាលកម្ពុជា នីតិកាលទី ៧ នៃរដ្ឋសភា ក្រោមកិច្ចដឹកនាំដ៏ឈ្លាសវៃរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕

អត្ថបទ ៖ គឿន វេត

Related Topics:ខេត្តសៀមរាប

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា