ព័ត៌មានជាតិ
ករណីឆ្លងថ្មីបន្តបន្ទាប់នេះ មិន មែន ដោយសារតែការទៅផ្សារទេ
អ្នកនាំពាក្យក្រសួងសុខាភិបាល បានលើកឡើងថា យើងមិនអាចសន្និដ្ឋានថា ការបន្តរកឃើញករណីឆ្លងកូវីដ-១៩ ជាបន្តបន្ទាប់រហូតមកដល់ពេលនេះ កើតឡើងដោយការទៅផ្សារទិញទំនិញ ឬកាលទៅទិញអីវ៉ាន់ និងស្បៀងអាហារស្តុកទុកនោះទេ។
លោកស្រី ឱ វណ្ណឌីន ជារដ្ឋលេខាធិការ និងជាអ្នកនាំពាក្យក្រសួងសុខាភិបាល បានមានប្រសាសន៍បញ្ជាក់ប្រាប់ កម្ពុជាថ្មី នៅរសៀលនេះថា យើងអាចទៅផ្សារបាន ប៉ុន្តែកុំទៅក្នុងរយៈពេលយូរពេក ពិសេសកុំប្រជ្រៀតគ្នានៅកន្លែងមនុស្សច្រើន និងត្រូវពាក់ម៉ាស លាងសំអាតដៃឱ្យបានត្រឹមត្រូវ។
លោកស្រី មានប្រសាសន៍បន្ថែមថា៖ “ការឆ្លងជំងឺកូវីដពេលនេះ សំខាន់លើការចល័តរបស់មនុស្ស ដោយមិនអាចនិយាយថា ដោយសារទៅទិញទំនិញនោះទេ។ ពិសេសគឺការចល័តរបស់អ្នកផ្ទុកមេរោគកូវីដ-១៩ នៅពេលពួកគាត់ចល័យ ហើយជួបមនុស្សម្នាច្រើនទៅ គឺឆ្លងតគ្នា ហ្នឹងហើយដែលសំខាន់”។
លោកស្រី ឱ វណ្ណឌីន មានប្រសាសន៍បន្តដោយសំណូមពរប្រជាពលរដ្ឋសូមចូលរួមអនុវត្តនូវវិធានការ បិទខ្ទប់ របស់ប្រមុខរាជរដ្ឋភិបាល និងវិធានការសុខាភិបាល។
លោកស្រី មានប្រសាសន៍បញ្ជាក់ថា៖ “គ្មានអ្នកណាចង់ធ្វើ [បិទខ្ទប់រាជធានីខេត្ត] អ៊ីចឹងទេ តែលទ្ធផលបានមកពីការអនុវត្តរបស់យើងគ្រប់ៗគ្នាហ្នឹងឯង។ ប្រសិនជាបុគ្គលគ្រប់រូបអនុវត្តឱ្យបានម៉ឺងម៉ាត់ នោះយើងនឹងឆាប់វិលត្រឡប់ទៅស្ថានភាពធម្មតាឡើងវិញ ប៉ុន្តែបើគាត់នៅតែមិនអនុវត្តទេ យើងនឹងវិត្តទៅរកជ្រោះមហន្តរាយ ស្ថានភាពមួយដែលយើងនឹកស្មានមិនដល់”។
គួរបញ្ជាក់ថា គិតត្រឹមរសៀលថ្ងៃទី២២ ខែមេសានេះ កម្ពុជារកឃើញអ្នកថ្មីឆ្លងក្នុងសហគមន៍ ៤៤៦នាក់ទៀត។ នាំឱ្យអ្នកឆ្លងសរុបឡើងដល់ ៨,១៩៣នាក់ អ្នកកំពុងព្យាបាល ៥,២០៤នាក់ និងអ្នកស្លាប់ ៥៩នាក់៕
អត្ថបទ៖ ច័ន្ទ វីរៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ