ព័ត៌មានជាតិ
អាជ្ញាធរខេត្តកំពង់ស្ពឺសម្រេចបិទខ្ទប់ភូមិចំនួន២រយៈពេល២សប្តាហ៍
កំពង់ស្ពឺ ៖ អាជ្ញាធរខេត្តកំពង់ស្ពឺ បានសម្រេចបិទខ្ទប់ភូមិត្រពាំងទម្លាប់និងមួយផ្នែកនៃភូមិព្រៃស្រឡែងឃុំទួលអំពិលស្រុកបរសេដ្ឋខេត្តកំពង់ស្ពឺដែលជាតំបន់ឆ្លងរាលដាលជំងឺកូវីដ ១៩សម្រាប់រយៈពេលពីរសប្តាហ៍ចាប់ពីថ្ងៃទី០៤ដល់ថ្ងៃទី១៧ ខែឧសភា ឆ្នាំ២០២១ ដើម្បីទប់ស្កាត់មិនឲ្យឆ្លងរាលដាលនៅក្នុងសហគមន៍។
លោក វ៉ីសំណាង អភិបាលខេត្តកំពង់ស្ពឺបានឲ្យដឹងថាក្នុងអំឡុងពេលនៃការអនុវត្តវិធានបិទខ្ទប់នេះបុគ្គលគ្រប់រូបត្រូវហាមឃាត់ការធ្វើដំណើរចេញពីដំណឹងឋានឬទីសំណាក់បច្ចុប្បន្នលើកលែងតែក្នុងករណីចាំបាច់ដូចជាការធ្វើដំណើរទៅបំពេញការងារប្រកបមុខរបរ ឬ អាជីវកម្មក្នុងភូមិសាស្ត្រដែលត្រូវបានបិទខ្ទប់និងដែលមិនមានការហាមឃាត់ដោយត្រូវភ្ជាប់មកជាមួយនូវលិខិតបញ្ជាក់អំពីការងារមុខរបរឬអាជីវកម្ម។
ការធ្វើដំណើរទៅកន្លែងម្ហូបអាហារឬគ្រឿងឧបភោគបរិភោគនិងសម្ភារៈប្រើប្រាស់ចាំបាច់ប្រចាំថ្ងៃដែលអនុញ្ញាតឲ្យបើកដំណើរការដោយអាជ្ញាធរមានសមត្ថកិច្ចការធ្វើដំណើរក្នុងគោលបំណងនេះអាចធ្វើឡើងដោយមានសមាជិកយ៉ាងច្រើនពីរនាក់ក្នុងមួយលំនៅឋានឬទីសំណាក់មិនឲ្យលើសពី២ដងក្នុងមួយសប្តាហ៍នឹងនៅក្នុងរង្វង់ភូមិសាស្ត្រដែលត្រូវបានបិទខ្ទប់។
ការធ្វើដំណើរទៅមណ្ឌលសុខភាពពេទ្យមណ្ឌលសុខភាពសម្ភពទីកន្លែងព្យាបាលឬឱសថស្ថានដោយមូលហេតុសុខភាពបន្ទាន់ចេញក្រៅពីរង្វង់ភូមិសាស្ត្រដែលត្រូវបានបិទខ្ទប់អាចធ្វើទៅបានដោយមានការអនុញ្ញាតពីអាជ្ញាធរដែលទទួលបន្ទុកការអនុវត្តវិធានការបិទខ្ទប់។ ការធ្វើដំណើរទៅបង្ហាញខ្លួនឱ្យមន្ត្រីសុខាភិបាលយកវត្ថុសំណាកទៅវិភាគរកមេរោគកូវីដ-១៩និងដើម្បីទទួលការចាក់វ៉ាក់សាំងការពារកូវីដ ១៩តាមការកំណត់និងក្នុងរង្វង់ភូមិសាស្ត្របិទខ្ទប់។ ការធ្វើដំណើររបស់បុគ្គលិកពេទ្យ ក្រុមពន្លត់អគ្គីភ័យកងកម្លាំងប្រដាប់អាវុធគ្រប់ប្រភេទ។ ការធ្វើដំណើរចូលរួមសកម្មភាពដែលបម្រើផលប្រយោជន៍សាធារណៈក្នុងគោលបំណងចាំបាច់ផ្សេងទៀតការធ្វើដំណើរដោយមូលហេតុចាំបាច់និងបន្ទាន់ផ្សេងទៀតដែលមានការអនុញ្ញាតពីអាជ្ញាធរមានសមត្ថកិច្ចដែលទទួលបន្ទុកអនុវត្តផែនការបន្ទប់។
លោកអភិបាលខេត្តបានបញ្ជាក់ថា បុគ្គលឬនីតិបុគ្គលទាំងឡាយណា ដែលមិនអនុវត្តតាមខ្លឹមសារខាងលើនឹងត្រូវផ្ដន្ទាទោសដូចមានកំណត់ក្នុងច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ១៩ និងជំងឺកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត និង លិខិតបទដ្ឋានគតិយុត្តិពាក់ព័ន្ធជាធរមាន។
បើតាមក្រសួងសុខាភិបាលគិតត្រឹមព្រឹកថ្ងៃទី៤ ខែឧសភា ឆ្នាំ២០២១នេះ ខេត្តកំពង់ស្ពឺមានអ្នកឆ្លងជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈចំនួន៧៤នាក់ ជាសះស្បើយចំនួន១៤នាក់ស្លាប់ចំនួន២នាក់និងមានអ្នកជំងឺចំនួន៥៨នាក់កំពុងសម្រាកព្យាបាលនៅមន្ទីរពេទ្យ៕
ដោយ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ