ជិះម៉ូតូដេញកាប់គ្នា ១ក្រុមដេកពេទ្យ ១ក្រុមដេកគុក ដោយសារគំនុំដណ្តើមស្រី
Connect with us
Helistar Cambodia - Helicopter Charter Services

ព័ត៌មានជាតិ

ជិះម៉ូតូដេញកាប់គ្នា ១ក្រុមដេកពេទ្យ ១ក្រុមដេកគុក ដោយសារគំនុំដណ្តើមស្រី

បានផុស

នៅ

ខេត្តបន្ទាយមានជ័យ៖ ដោយសាររឿងគំនុំដណ្តើមស្រីគ្នាមិនអាចបំភ្លេចបាន ក្មេងទំនើង២ក្រុមជិះម៉ូតូកាប់គ្នាដូចរឿងហុងកុង ១ក្រុមដេកពេទ្យចំណែក១ក្រុមទៀតចូលដេកគុក ដោយក្រោយពីកើតហេតុ ម្ដាយរបស់ជនរងគ្រោះ ដាក់ពាក្យប្តឹងទៅកងរាជអាវុធហត្ថ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយទទួលបានការអនុញ្ញាតពីលោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត លោកវរសេនីយ៍ត្រី នួននីណារ៉ូ មេបញ្ជាការមូលដ្ឋានអាវុធហ្ថក្រុងប៉ោយប៉ែត បានដឹកនាំអាវុធហត្ថ១ក្រុមចុះស្រាវជ្រាវដល់កន្លែងកើតហេតុឈានដល់ឃាត់ខ្លួនជនសង្ស័យជាបន្តបន្ទាប់បានចំនួន៥នាក់ ១ឈ្មោះ ស៊ុន រ៉ាម៉ី ភេទប្រុស អាយុ១៧ឆ្នាំ ២ឈ្មោះ ហៃ ម៉េងហាក់ ភេទប្រុស អាយុ១៧ឆ្នាំ ៣ឈ្មោះ ផាត ប្រុស ភេទប្រុស អាយុ១៦ឆ្នាំ ៤ឈ្មោះ ជិន មិថុនា ភេទប្រុស អាយុ១៨ឆ្នាំ ៥ឈ្មោះ ថន អារុណប្រាថ្នា ភេទប្រុស អាយុ១៩ឆ្នាំ។

វត្ថុតាងរួមមាន កាំបិតកែច្នៃដងដែកប្រវែង១៨៥សង់ទីម៉ែត្រចំនួន១ដើម កាំបិតប័ុងតោពណ៌ស ដងដែក១ដើម ពូថៅដងឈើ១ដើម និងម៉ូតូចំនួន២គ្រឿង ហើយបញ្ជូនមកមូលដ្ឋានអាវុធហត្ថក្រុងដើម្បីសាកសួរចម្លើយ។

ជនសង្ស័យបានឆ្លើយសារភាពថា ពួកគេមានគំនុំជាមួយឈ្មោះ ឌឿន រ៉ានុត ធ្លាប់កាប់មកលើពួកគេ និងដណ្ដើមសង្សារបស់ឈ្មោះ ស៊ុន រ៉ាម៉ី ទៀតផង។ ហើយឈ្មោះ ឌឿន រ៉ានុត ធ្លាប់បានទូរសព្ទដើម្បីណាត់កាប់គ្នា។ ក្រោយពីបានទទួលទូរសព្ទក្រុមខ្លួនបានប្រមូលគ្នាបានចំនួន៩នាក់ជិះម៉ូតូចំនួន៣គ្រឿងមានទាំងកាំបិតពូថៅ គ្រប់ដៃពេលជិះម៉ូតូទៅដល់ក្លិបហាត់ប្រាណស្ពតវើល ក៏បានជួបជាមួយក្រុមឈ្មោះ ឌឿន រ៉ានុត ស្រាប់តែពេលនោះក្រុម ឌឿន រ៉ានុត បានគប់ដុំថ្មមកលើក្រុមខ្លួន ទើបបើកការប្រយុទ្ធគ្នាយ៉ាងសាហាវ។ ក្នុងនោះបានជិះម៉ូតូដេញកាប់ទៅលើក្រុមឈ្មោះ ឌឿន រ៉ានុត វិញ ហើយឈ្មោះ សារ និងហ័រ ជាអ្នកកាប់ទៅលើឈ្មោះ នុត ជាច្រើនកាំបិត ចំណែកឈ្មោះ ស៊ុន រ៉ាម៉ី បានដេញកាប់ទៅលើឈ្មោះ នុត នៅទីបញ្ចប់ឈ្មោះ ឌឿន រ៉ានុត ដាច់កដៃខាងឆ្វេង និងរងរបួសក្បាលយ៉ាងធ្ងន់ធ្ងរជាច្រើនកន្លែង។ ក្រោយពីធ្វើសកម្មភាពរួច ពួកគេបាននាំគ្នារត់គេចរៀងៗខ្លួន។

ដោយផ្អែកលើពាក្យបណ្ដឹងរបស់ម្ដាយជនរងគ្រោះ លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើសបានឲ្យដឹងថា ជនសង្ស័យទាំ៥នាក់ រួមនឹងវត្ថុតាងត្រូវបានកម្លាំងការិយាល័យព្រហ្មទណ្ឌអាវុធហត្ថខេត្តបញ្ជូនទៅសាលាដំបូងខេត្តចាត់ការតាមច្បាប់ហើយនៅព្រឹកថ្ងៃសុក្រ ទី១៤ ខែឧសភា ឆ្នាំ២០២១នេះអស់ហើយ៕ អត្ថបទ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ នាទី មុន

ពិនិត្យ​សំណាក​ឃើញ​ថា​អវិជ្ជមាន​ ទើប​បញ្ជូន​ជន​សង្ស័យ ២ នាក់​ទៅ​តុលាការ ពាក់ព័ន្ធ​ករណី​គ្រឿងញៀន

ព័ត៌មានជាតិ២៨ នាទី មុន

និស្សិតខ្មែរ ៧ រូប ប្រកាសបញ្ចប់ការសិក្សាជោគជ័យលើជំនាញ មីសុីល និងកាំភ្លេីងធំ ពីប្រទេសរុស្ស៊ី

ព័ត៌មានជាតិ៥០ នាទី មុន

គណៈបញ្ជាការ​ឯកភាព​ខណ្ឌឫស្សីកែវ ចុះ​រុះរើ​បែរ​ត្រី​និង​ផ្ទះ​ទឹក​តាម​សង្កាត់​ទាំង​៥ ​បាន​ប្រហែល​៨០​ភាគរយ​ហើយ

កូវីដ-១៩៥៦ នាទី មុន

ដេកឈឺរុាំរ៉ៃនៅផ្ទះដល់ពេលស្លាប់ មានវិជ្ជមានកូវីដ ឆ្លងដល់ប្រពន្ធនិងកូន៤នាក់

ព័ត៌មានអន្ដរជាតិ១ ម៉ោង មុន

មន្ទីរពេទ្យស៊ីរី រងការវាយប្រហារខ្ទេចខ្ទីដោយមីស៊ីល ស្លាប់ ១៣ នាក់ និងរបួសជាច្រើន

Sokha Hotels

ព័ត៌មានពេញនិយម

Helistar Cambodia - Helicopter Charter Services