ព័ត៌មានជាតិ
ពលរដ្ឋស្នើអាជ្ញាធរចូលអាស្រ័យផលក្នុងដីស្ថានីយផ្សព្វផ្សាយ និងស្ថានីយស្តារព្រៃឈើ
ឧត្តរមានជ័យ៖ ប្រជាពលរដ្ឋរស់នៅក្នុងសង្កាត់សំរោង និងសង្កាត់កូនក្រៀល ក្រុងសំរោង ខេត្តឧត្តរមានជ័យ មកជួបជាគ្នា ក្នុងគោលបំណងមកស្នើសុំឱ្យអាជ្ញាធរ ឃុំ ស្រុក ក្រុង និងខេត្ត ជួយរកដំណោះស្រាយ ធ្វើយ៉ាងណាឱ្យប្រជាពលរដ្ឋដែលប្រកបរបបកសិកម្មបានចូលទៅអាស្រ័យផល និងបង្កបង្កើតផលនៅដីស្ថានីយផ្សព្វផ្សាយ និងស្ថានីយស្តារព្រៃឈើ (ជាដីប្លង់រឹងរបស់រដ្ឋ) នៅរដូវវស្សានេះ។
លោក អឹម សៅរ៍រិទ្ធិ ខណ្ឌរដ្ឋបាលព្រៃឈើខេត្តឧត្តរមានជ័យបានបញ្ជាក់ប្រាប់ប្រជាពលរដ្ឋថា ស្ថានភាពដីស្ថានីយផ្សព្វផ្សាយ និងស្ថានីយស្តារព្រៃឈើ ជាដីប្លង់រឹងរបស់រដ្ឋ មុននឹងចុះបញ្ជីជារបស់រដ្ឋ មានការដោះដូរកាត់ឆ្វៀលជាមួយបងប្អូនប្រជាពលរដ្ឋរួចហើយ ក៏មិនមាននរណាម្នាក់មានសិទ្ធិចាត់ចែង និងអនុញ្ញាត្តិឈូសឆាយរុករាន និងព័ទ្ធ ដីរបស់រដ្ឋបានទេ។ ពីព្រោះដីស្ថានីយផ្សព្វផ្សាយ និងស្ថានីយស្តារព្រៃឈើ ដីរបស់រដ្ឋ បច្ចុប្បន្ននេះគឺគ្រប់គ្រងដោយក្រសួងកសិកម្មរុក្ខាប្រមាញ់ និងនេសាទ មិនមែនដូចការចោទប្រកាន់របស់ប្រជាពលរដ្ឋថាដីក្រុមហ៊ុននេះទេ។
លោក បានមានប្រសាសន៍បន្តថា៖ “ចំណែកខ្ញុំជាមន្ត្រីរដ្ឋបាលព្រៃឈើ គ្មានសិទ្ធិអំណាចបែងចែកឱ្យបងប្អូនណាម្នាក់បាននោះទេ។ បើសិនបងប្អូនគ្មានដីស្រែចំការបង្កបង្កើនផលពិតប្រាកដមែន សូមបងប្អូនប្រជាពលរដ្ឋត្រូវស្នើសុំទៅអាជ្ញាធរភូមិ ឃុំ ស្រុក ខេត្ត ដើម្បីរៀបចំសំណើតាមនិតិវិធីច្បាប់ ទើបបងប្អូនអាចធ្វើការបង្កបង្កើន និងអាស្រ័យផលបាន”។
ក្នុងឱកាសនោះ លោក វ៉ាត ប៉ារ៉ានីន អភិបាលរងខេត្តបានថ្លែងបញ្ជាក់ប្រាប់ទៅប្រជាពលរដ្ឋថា លោកនឹងលើកយកសំណូមពររបស់ប្រជាពលរដ្ឋមានការខ្វះខាតដីធ្លីបង្កបង្កើនផលពិតប្រាកដ និងរាយការណ៍ជូនឯកឧត្តមអភិបាលខេត្ត ប្រធានក្រុមប្រឹក្សាខេត្ត និងក្រសួងពាក់ព័ន្ធទាំងអស់ ដើម្បីដាក់កិច្ចប្រជុំរកដំណោះស្រាយដាក់ជូនដល់ថ្នាក់ដឹកនាំឆាប់ៗខាងមុខនេះ។
លោកបានអំពាវនាវឱ្យប្រជាពលរដ្ឋដែលទទួលបានដីដែលកាត់ឆ្វៀល និងដោះដូរជូនររួចហើយ សូមនាំគ្នាទៅប្រកបមុខរបរកសិកម្ម និងបង្កបង្កើន អាស្រ័យផល ទៅលើផ្ទៃដីរបស់ខ្លួន៕
អត្ថបទ៖ ចាន់ ធី
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៩ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)