អធិការនគរបាលក្រុងសំរោង ចុះទៅសួរសុខទុក្ខមន្ត្រីនគរបាលម្នាក់ជួបគ្រោះថ្នាក់ចរាចរណ៍

នៅថ្ងៃទី២៦ ខែឧសភា ឆ្នាំ២០២១ វេលាម៉ោង ១០៖៣០នាទី លោកវរសេនីយ៍ឯក  ហម  ភិរម្យ  អធិការនៃអធិការដ្ឋាន នគរបាលក្រុងសំរោង តំណាងដ៏ខ្ពង់ខ្ពស់ លោកឧត្តមសេនីយ៍ទោ ហួត សុធី ស្នងការនគរបាលខេត្ត បានដឹកនាំលោក អធិការរង  អញ្ជើញចុះទៅសំណេះសំណាល សួរសុខទុក្ខ លោក ព្រិន្ទ  បាលឯក មី  រួច មន្រ្តីនៃអធិការដ្ឋាននគរបាលក្រុងសំរោង ដែលបានជួបគ្រោះថ្នាក់ចរាចរណ៍  កាលពីថ្ងៃ ទី២២  ខែឧសភា  ឆ្នាំ២០២១  កំពុងសម្រាកព្យាបាលនៅមន្ទីពេទ្យ (  មិត្តភាព កម្ពុជា ជប៉ុន  )  ស្រុកមង្គលបូរី  ខេត្តបន្ទាយមានជ័យ។   

ក្នុងឱកាសនោះផងដែរ លោក អធិការ  ក៏បានពាំនាំនូវមតិផ្តាំផ្ញើរសួរសុខទុក្ខ ព្រមទាំងថវិការបស់ លោក ឧត្ដមសេនីយ៍ ទោ  ហួត   សុធី ស្នងការ ននគរបាលខេត្ត  និងសហការី    សរុបចំនួន ១,០០០,០០០  រៀល ជូនដល់ លោក ព្រិន្ទ បាល ឯក   មី   រួច  ផងដែរ ដើម្បីជួយសម្រួលបន្ទុកគ្រួសារក្នុងការព្យាបាលរបួស។

ឆ្លៀតក្នុងឱកាសនោះផងដែរ លោក ព្រិន្ទ បាល ឯក  មី   រួច និងក្រុមគ្រួសារ ក៏បានថ្លែងអំណគុណចំពោះថ្នាក់ដឹកនាំ ទាំងអស់ដែលតែងតែយកចិត្តទុកដាក់ និងគិតគូរអំពីសុខទុក្ខមន្ត្រីក្រោមឱវាទរាល់ពេលដែលមានទុក្ខលំបាកកើតឡើង ។ ហើយលោក និងក្រុមគ្រួសារ សូមពរដល់ថ្នាក់ដឹកនាំគ្រប់លំដាប់ថ្នាក់ ព្រមទាំងសហការីទាំងអស់ សូមមានសុខភាពល្អ ជួបប្រសព្វនូវ ពុទ្ធពរ៤ប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

អត្ថបទ៖ ចាន់ ធី