ព័ត៌មានជាតិ
សមត្ថកិច្ច ចាប់ផ្តើមបង្កើនការចុះល្បាតពេលយប់ ឃ្លាំមើលការជួបជុំប្រមូលផ្តុំផឹកស៊ី
ភ្នំពេញ៖ កងកម្លាំងសមត្ថកិច្ចនៅរាជធានីភ្នំពេញ នឹងបង្កើនការចុះល្បាតពិសេសនៅពេលយប់ ដើម្បីតាមឃ្លាំមើលការជួបជុំប្រមូលផ្តុំផឹកស៊ី ដែលរំខានដល់ការរស់នៅរបស់ប្រជាពលរដ្ឋ និងល្មើសទៅនឹងសេចក្តីណែនាំរបស់សាលារាជធានីភ្នំពេញ។
លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានមានប្រសាសន៍នៅរសៀលថ្ងៃទី៣ មិថុនា ថា ស្នងការដ្ឋាននគរបាលរាជធានីភ្នំពេញ តែងតែធ្វើការណែនាំដល់កងកម្លាំងនគរបាលប៉ុស្តិ៍ឬខណ្ឌឱ្យអនុវត្តជាប្រចាំការចុះល្បាត ដើម្បីធានាសុខសុវត្តិភាពជួនដល់ប្រជាពលរដ្ឋ។
លោកបានបន្តទៀតថា «ជាទូទៅកងកម្លាំងយើងតែងតែបន្តយាមកាម នៅតាមគោលដៅព្យាបាលជំងឺកូវីដ‑១៩និងគោលដៅកំពុងធ្វើចត្តាឡីស័ក ហើយការចុះល្បាតកម្លាំងប៉ុស្តិ៍និងខណ្ឌ នៅតែបន្តចុះល្បាតដើម្បីធានាការពារសន្តិសុខសណ្តាប់ធ្នាប់ជួនប្រជាពលរដ្ឋ និងពេលយប់ចុះល្បាតទាក់ទិននឹងការជួបជុំផឹកស៊ី ដែលបង្កសំឡេងរំខានដល់អ្នកដទៃនិងខុសគោលការណ៍ណែនាំរបស់សាលារាជធានីភ្នំពេញ»។
លោក បន្តទៀតថា ប៉ុន្តែកន្លងមកយើងតែងតែមានការអនុគ្រោះដោយធ្វើការណែនាំអប់រំឱ្យពួកគាត់បញ្ឈប់ទង្វើនេះជាបន្តទៀតហើយក្នុងករណីមិនព្រមរាងចាលនោះយើងអនុវត្តទៅតាមច្បាប់។
យ៉ាងណាក៏ដោយ លោក វរសេនីយ៍ឯក សាន សុខសីហា បានអំពាវនាវដល់ប្រជាពលរដ្ឋមានការយោគយល់និងសូមចូលរួមអនុវត្តតាមសេចក្តីសម្រេចថ្មីរបស់សាលារាជធានីភ្នំពេញទាំងអស់គ្នា និងសហការគ្នាជួយគ្នាក្នុងការបង្ការនិងទប់ស្កាត់ការឆ្លងជំងឺកូវីដ‑១៩ ក៏ដូចជាកាត់ផ្តាច់ព្រឹត្តិការណ៍២០កម្ភៈឱ្យបានលឿនបំផុត។
លោក វរសេនីយ៍ឯក សាន សុខសីហា បាន បន្តទៀតថា «ប្រសិនជា មិនមានការចូលរួមពីបងប្អូនប្រជាពលរដ្ឋទេវាពិតជាមានការលំបាក និងមិនអាចឈានទៅកាត់ផ្តាច់ព្រឹត្តិការណ៍សហគមន៍២០កម្ភៈបានឡើយ»។
គួរបញ្ជាក់ថា នៅថ្ងៃទី២មិថុនា សាលារាជធានីភ្នំពេញបានដាក់ចេញវិធានការរដ្ឋបាលផ្អាកជាបណ្ដោះអាសន្នការជួបជុំ ឬការប្រមូលផ្ដុំមនុស្សជាលក្ខណៈឯកជន ដែលមានលក្ខណៈកកកុញ មិនឲ្យលើសពី១៥នាក់ឡើយ ដើម្បីទប់ស្កាត់ការឆ្លងរាលដាលជំងឺកូវីដ‑១៩។ វិធានការរដ្ឋបាលនេះមានសុពលភាពរយៈពេល១៤ថ្ងៃ ដោយចាប់អនុវត្តពីថ្ងៃទី៣ដល់ថ្ងៃទី១៦មិថុនា។
ប៉ុន្តែលើកលែងចំពោះករណីមួយចំនួនដូចជា ការជួបជុំក្នុងចំណោមសមាជិកគ្រួសារ និងរង្វង់សាច់ញាតិ ដែលរស់នៅក្នុងលំនៅដ្ឋានឬទីសំណាក់ជាមួយគ្នា ពិធីបុណ្យសពតែត្រូវគោរពតាមការកំណត់របស់អាជ្ញាធរមានសមត្ថកិច្ច។
ចំណែកការប្រមូលផ្ដុំមនុស្ស និងការជួបជុំរបស់បុគ្គលិកសុខាភិបាល ក៏ទទួលបានការលើកលែង ក្នុងករណីយកសំណាកមកវិភាគរកមេរោគកូវីដ១៩ និងដំណើរការចាក់វ៉ាក់សាំងបង្ការកូវីដ១៩ និងការជួបជុំឬការប្រមូលផ្ដុំមនុស្សដើម្បីបំពេញសកម្មភាពការងារ មុខរបរ ឬអាជីវកម្មដែលមិនត្រូវបានហាមឃាត់ដូចក្នុងប្រការពីរនៃសេចក្ដីសម្រេចនេះក៏ត្រូវបានលើកលែងដែរ៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)