ព័ត៌មានជាតិ
រយៈពេល ៤ខែ នគរបាលរាជធានីភ្នំពេញ ចុះធ្វើអត្តសញ្ញាណប័ណ្ណជូនពលរដ្ឋបានជាង ៤ម៉ឺននាក់
ក្នុងរយៈពេល ៤ខែកន្លងមកនេះ កម្លាំងនគរបាលជំនាញនៃស្នងការដ្ឋាននគរបាលរាជធានីភ្នំពេញ បានចុះធ្វើអត្តសញ្ញាណប័ណ្ណ ជូនប្រជាពលរដ្ឋរស់នៅរាជធានីភ្នំពេញ ដល់តាមភូមិ និងដល់តាមខ្នងផ្ទះបានចំនួនជាង ៤ម៉ឺននាក់ហើយ។
លោកឧត្ដមសេនីយ៍ត្រី សាន សុខសីហា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានឲ្យដឹងនៅព្រឹកថ្ងៃទី ៤ ខែមេសានេះថា ចាប់ពីថ្ងៃទី ១ ខែធ្នូ ឆ្នាំ ២០២២ មកដល់ថ្ងៃទី ១ ខែមេសា ឆ្នាំ ២០២៣ គឺកម្លាំងនគរបាលរាជធានីភ្នំពេញ បានចុះធ្វើអត្តសញ្ញាណប័ណ្ណ ជូនប្រជាពលរដ្ឋរស់នៅរាជធានីភ្នំពេញដល់តាមភូមិ និងតាមខ្នងផ្ទះបានចំនួន ៤៦,៦៣៦នាក់ហើយ។
លោកឧត្ដមសេនីយ៍ត្រី លើកឡើងថា ការចុះធ្វើអត្តសញ្ញាណប័ណ្ណជូនប្រជាពលរដ្ឋ ដល់តាមភូមិ និងដល់តាមខ្នងផ្ទះនេះ គឺជាគំនិតផ្ដួចផ្ដើមរបស់លោកឧត្ដមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ហើយធ្វើឲ្យប្រជាពលរដ្ឋរស់នៅរាជធានីភ្នំពេញ មានក្ដីសប្បាយរីករាយជាខ្លាំង។
អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ ឲ្យដឹងបែបនេះថា «ដូចខ្ញុំធ្លាប់បានអញ្ចឹង គឺជាគំនិតផ្ដួចផ្ដើមមួយដ៏ល្អ ដែលមានការគាំទ្រ និងការសាទរយ៉ាងច្រើនពីបងប្អូនប្រជាពលរដ្ឋ ហើយបងប្អូនប្រជាពលរដ្ឋ នៅរាជធានីភ្នំពេញទាំងអស់ ក៏បានបង្ហាញក្ដីសប្បាយរីករាយ ចំពោះសកម្មភាពនេះដែរ ព្រោះពួកគាត់បានចំណេញពេលវេលាច្រើន ព្រោះមិនបាច់ធ្វើនៅពេលថ្ងៃ ឬក៏ព្រឹក ដោយពួកគាត់អាចឆ្លៀតពេលល្ងាច នៅពេលពួកគាត់ចប់ពីការបំពេញភារកិច្ច និងតួនាទីរបស់ពួកគាត់»។
បើតាមលោកឧត្ដមសេនីយ៍ត្រី សាន សុខសីហា គឺកម្លាំងនគរបាលជំនាញ នៃស្នងការដ្ឋានគរបាលរាជធានីភ្នំពេញ បាននិងកំពុងចុះធ្វើអត្តសញ្ញាណប័ណ្ណ ជូនប្រជាពលរដ្ឋរស់នៅរាជធានីភ្នំពេញ ដល់តាមភូមិ និងដល់តាមខ្នងផ្ទះ រហូតដល់ពេលយប់ តាមស្ថានភាពជាក់ស្ដែង ហើយការចុះធ្វើនេះរហូតដល់លែងមានប្រជាពលរដ្ឋធ្វើបន្តទៀត៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ