ឧត្ដមសេនីយ៍ត្រី សាន សុខសីហា៖ អ្នកបើកកង់បីបញ្ច្រាសផ្លូវ និងយកដែកទីបរកវាយអ្នកដំណើរកំពុងសួរនាំបន្ថែម

លោកឧត្ដមសេនីយ៍ត្រី សាន សុខសីហា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានឲ្យដឹងនៅព្រឹកថ្ងៃទី១៦សីហា នេះថា បុរសអ្នកបើកម៉ូតូកង់បីដែលបើកបញ្ច្រាសផ្លូវ និងយកដែកទីបរកវាយអ្នកធ្វើដំណើរនៅផ្លូវព្រះនរោត្ដម គឺកំពុងសួរនាំបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសអ្នកបើកម៉ូតូកង់បីបញ្ច្រាស​ទិសដៅ​ចរាចរ​ណ៍ហើយ​គំរាមយកដែកទីបរកវាយអ្នកដំណើរនោះ ត្រូវបានកម្លាំងសមត្ថកិច្ចនៃស្នងការដ្ឋាននគរបាលខេត្តកណ្ដាល សហការជាមួយកម្លាំងនៃស្នងការដ្ឋាននគរបាលរាជធានីភ្នំពេញ ធ្វើការឃាត់ខ្លួនបាន​នៅ​ស្រុក​ខ្សាច់កណ្ដាល កាលពីយប់ថ្ងៃទី១៥សីហា ម្សិលមិញ បន្ទាប់ពីបង្កបាតុភាពបើកបង់បីបញ្ច្រាសផ្លូវនៅចំណុចខាងមុខក្រសួងមហាផ្ទៃ ផ្លូវព្រះនរោត្ដម និងយកដែកទីបវាយអ្នកធ្វើដំណើរស្របទិស។

សូមបញ្ចាក់ថា កាលពីរសៀលថ្ងៃទី១៥ ខែសីហា មានការចែករំលែកនូវវីដូវមួយពីសកម្មភាពបុរសអ្នកបើកម៉ូតូកង់បីឥណ្ឌាមួយគ្រឿងបានធ្វើដំណើរបញ្ច្រាសផ្លូវ ហើយថែមទាំងបង្កជាជម្លោះពាក្យសម្ដីជាមួយអ្នកបើករថយន្ដមួយគ្រឿង និងថែមទាំងយកដែកទីបពីក្នុងកង់បីមករកវាយអ្នកបើករថយន្ដទៀតផង។ ករណីនេះធ្វើឲ្យហាជនជាច្រើនមានការហួសចិត្តនឹងទង្វើរបស់អ្នកបើកម៉ូតូកង់បីរូបនោះ នឹងស្នើឲ្យសមត្ថកិច្ចស្រាវជ្រាវឃាត់ខ្លួនមកអនុវត្តច្បាប់ផងដែរ៕

អត្ថបទ៖​ សុខុម