ដំណាំកញ្ឆានៅស្រុកគីរីវង់មិនថមថយសោះ មហាជនដាក់ការសង្ស័យចំណាត់ការរបស់អាជ្ញាធរមិនចំគោលដៅ
Connect with us
Helistar Cambodia - Helicopter Charter Services

ព័ត៌មានជាតិ

ដំណាំកញ្ឆានៅស្រុកគីរីវង់មិនថមថយសោះ មហាជនដាក់ការសង្ស័យចំណាត់ការរបស់អាជ្ញាធរមិនចំគោលដៅ

បានផុស

នៅ

កាលពីពេលថ្មីៗនេះ ស្នងការដ្ឋាននគរបាលខេត្តតាកែវ បានចេញសេចក្តីបំភ្លឺមួយ ដោយលេីកឡេីងថា ៦ខែដេីមឆ្នាំ២០២១នេះ សមត្ថកិច្ចខេត្តតាកែវបានបង្ក្រាបការលួចលាក់ដាំដុះដំណាំកញ្ឆាបានយ៉ាងច្រេីនសន្ធឹកសន្ធាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍បញ្ជាក់ថា ចម្ការកញ្ឆាចំនួន៤៤៣ទីតាំង ត្រូវបានបង្ក្រាបលេីផ្ទៃដីដាំដុះសរុប៦០៩៦៨៧ម៉ែត្រការ៉េ ហេីយកញ្ឆាក្រៀមចំនួន៨០,៥គីឡូក្រាម ត្រូវបានរឹបអូស ត្រឹមរយៈ៦ខែដេីមឆ្នាំ២០២១នេះ ជាមួយនឹងប្រតិបត្តការ៩៧លេីក ។ ក្នុងនោះអាងស្តុកទឹកចំនួន២៨២អាង ត្រូវបានបំផ្លាញចោលផងដែរ។ ដោយឡែកចំណាត់ការផ្លូវច្បាប់ត្រូវបានឃាត់ខ្លួនអ្នកទិញ -លក់ បានម្នាក់ ប្រុស និងអ្នកដាំដុះកញ្ឆាដែលត្រូវបានឃាត់ខ្លួនជាក់ស្តែង និងស្រាវជ្រាវបាន៤នាក់ (ប្រុស) ។

ស្របពេលការបង្ក្រាបលេីចម្ការកញ្ឆាមិនស្រាកស្រានរាប់ឆ្នាំមកហេីយនេះ មហាជនសង្ស័យថា តេីអាជ្ញាធរស្រុក ពិសេសលោក ស៊ុន ខុន ក្នុងនាមជាអភិបាលស្រុក និងជាប្រធានគណៈបញ្ជាការឯកភាពស្រុកផងនោះ លោកមានយុទ្ធសាស្ត្របង្ក្រាបឲ្យមានប្រសិទ្ធភាពដែរឬទេ ព្រោះនៅតែមានការដាំដុះបណ្តេីរៗ និងដកបំផ្លាញចោលពីសមត្ថកិច្ចជារឿយៗ។

ជាក់ស្តែងនៅថ្ងៃទី១០ ខែមិថុនា ឆ្នាំ២០២១ កម្លាំងជំនាញអធិការដ្ឋាននគរបាលស្រុកគីរីវង់ សហការជាមួយកម្លាំងប៉ុស្តិ៍នគរបាលរដ្ឋបាលឃុំទាំង១២ បានឡើងភ្នំរុករកកាប់ដុតបំផ្លាញដំណាំកញ្ឆាបានចំនួន១២ទីតាំងលេីផ្ទៃដីប្រមាណ២៨៦៥ម៉ែត្រការ៉េបន្ថែមទៀត និងអាងស្តុបទឹក០៨ នៅចំណុចដុបគុហារចិន និងដុបដាដំរីលេង ស្ថិតក្នុងភូមិសាស្ត្រ ឃុំព្រះបាទជាន់ជុំ ស្រុកគីរីវង់៕

អត្ថបទ ៖ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services