ព័ត៌មានជាតិ

លោក ឃួង ស្រេង ៖ បញ្ហាប្រឈមធំៗចំនួនបី ប៉ុន្តែអាចដោះស្រាយបានយ៉ាងល្អ

បានផុស

៦ years មុន

នៅ

ថ្ងៃព្រហស្បតិ៍ ១៩ វិច្ឆិកា ២០២០

ដោយ

ថ្លែងក្នុងឱកាសចុះសំណេះសំណាល និងផ្ដល់អំណោយ ជូនកម្លាំងសណ្ដាប់ធ្នាប់ខណ្ឌ នាព្រឹកថ្ងៃទី១៩ ខែវិច្ឆិកា ឆ្នាំ២០២០នេះ អភិបាលរាជធានីភ្នំពេញ លោក ឃួង ស្រេង បានលើកឡើងថា នៅឆ្នាំ២០២០នេះ រាជធានីភ្នំពេញ មានបញ្ហាប្រឈមធំៗចំនួន៣ ប៉ុន្តែក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រី បានជំនៈ និងដោះស្រាយបានយ៉ាងល្អ។

ចំពោះបញ្ហាប្រឈមទាំង៣ ត្រូវបានលោក ឃួង ស្រេង បញ្ជាក់ថា៖ បញ្ហាទី១ គឺបញ្ហាសំរាម ដោយសារកម្មករក្រុមហ៊ុន ស៊ីន ទ្រី ធ្វើកូដកម្ម មិនព្រមប្រមូលសំរាមនៅក្នុងរាជធានីភ្នំពេញ ហើយក្នុងខណៈនោះ ក្រោមការដឹកនាំរបស់សម្ដេចតេជោ ក្រសួងមហាផ្ទៃ បានសម្រេច បញ្ចេញនូវកម្លាំងចម្រុះ ដើម្បីធ្វើការប្រមូលសំរាម នៅក្នុងរាជធានីភ្នំពេញ ក្នុងនោះប្រជាការពារជាកម្លាំងស្នូល ក្នុងកិច្ចប្រតិបត្តិការនៃការប្រមូលសំរាមនេះ រហូតទទួលបាន លទ្ធផល ជោគជ័យ ដោយក្នុងមួយថ្ងៃ អាចប្រមូលសំរាមបានរហូតដល់៣ពាន់តោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកបញ្ហាប្រឈមទី២ គឺបញ្ហាទឹកជំនន់ ដែលបានជន់លិចរាជធានីភ្នំពេញ ប៉ុន្តែបញ្ហាប្រឈមនេះ ត្រូវបានដោះស្រាយទទួលបានជោគជ័យផងដែរ ដោយសារតែបានប្រើប្រាស់កម្លាំងសហការគ្នា ដោយបានជម្លៀសប្រជាពលរដ្ឋមកកាន់ទីទួលសុវត្ថិភាព ជាមួយនឹងការផ្ដល់ជាស្បៀងអាហារជូនពួកគាត់ ។

ដោយឡែកបញ្ហាប្រឈមទី៣ គឺព្រឹត្តិការណ៍ ថ្ងៃទី០៣វិច្ឆិកា តែក្រោមការដឹកនាំរបស់សម្ដេចតេជោ បានគ្រប់គ្រងបញ្ហាទទួលបានជោគជ័យ ដោយមិនធ្វើឱ្យរាលដាលដល់សហគមន៍នោះទេ ។

គួរបញ្ជាក់ផងដែរថា ក្នុងឱកាសនោះ លោកអភិបាលរាជធានីភ្នំពេញ បានចែកអំណោយជាអង្ករ មី ទឹកបរិសុទ្ធ ទឹកត្រី ទឹកស៊ីអ៊ីវ និងម៉ាស ជូនដល់កម្លាំងសណ្ដាប់ធ្នាប់ខណ្ឌព្រែកព្នៅ និងខណ្ឌឫស្សីកែវ ផងដែរ ៕

អត្ថបទ ៖ ស្រីរ័ត្ន

Related Topics:រដ្ឋបាលរាជធានីភ្នំពេញ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា