ព័ត៌មានជាតិ
គណបក្ស «បេះដូងជាតិ» ដាក់លិខិតស្នើសុំចុះបញ្ជី ចូលក្រសួងមហាផ្ទៃរួចហើយ
លោក សៀម ភ្លុក តំណាងស្ថាបនិកគណបក្សបេះដូងជាតិ បានថ្លែងប្រាប់កម្ពុជាថ្មី នៅព្រឹកថ្ងៃទី១៦ ខែកក្កដា ឆ្នាំ២០២១នេះថា លោកបានដាក់លិខិត ចូលក្រសួងមហាផ្ទៃរួចហើយ កាលពីវេលាម៉ោងប្រមាណ៣ និង៣០នាទីរសៀលថ្ងៃទី១៥ ខែកក្កដា ឆ្នាំ២០២១ម្សិលមិញ ហើយលិខិតចដែលដាក់ចូលក្រសួងមហាផ្ទៃនោះ គឺជាលិខិតស្នើសុំចុះបញ្ជីគណបក្សនយោបាយនៅក្រសួងមហាផ្ទៃ ដើម្បីមានសិទ្ធិធ្វើសកម្មភាពនយោបាយស្របតាមច្បាប់។
បើតាមលោក សៀម ភ្លុក ការចេញមកបង្កើតគណបក្សនយោបាយនៅពេលនេះ គោលបំណងមាន២គឺ ទីមួយ ដើម្បីទាមទារដោះស្រាយបញ្ហាជាតិ ដែលកំពុងមានវិបត្តិ ហើយទីពីរ គឺដើម្បីប្រកួតប្រជែង ពីព្រោះបើមកបង្កើតគណបក្សធ្វើនយោបាយ មិនប្រកួតប្រជែងមិនបាច់ធ្វើទេ។ លោកបញ្ជាក់យ៉ាងនេះថា «ទីមួយ អ្នកធ្វើនយោបាយ ដើម្បីទាមទារបញ្ហា ហើយប្រជែងប្រគួត ដើម្បីបានអំណាចមកដោះស្រាយបញ្ហា»។
សូមបញ្ជាក់ថា គណបក្សបេះដូងជាតិ ត្រូវបានក្រសួងមហាផ្ទៃ សម្រេចអនុញ្ញាតឲ្យបង្កើត កាលពីថ្ងៃទី២១ មិថុនា ឆ្នាំ២០២១ ដែលសរសេរជាអក្សរកាត់ «គ.ប.ជ» មានអាសយដ្ឋាន ទីស្នាក់ការកណ្តាល ស្ថិតនៅផ្ទះលេខ២០៩ជ ផ្លូវបេតុងថ្មី ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
ប៉ុន្តែមកដល់ពេលនេះ គណបក្សនេះ នៅតែមិនទាន់បង្ហាញឲ្យដឹងពីរចនាសម្ព័ន្ធក្បាលម៉ាស៊ីនដឹកនាំនៅឡើយទេ ដែលបញ្ហានេះ នាំឲ្យមានការសង្ស័យពីសាធារណជាន ជាពិសេសអ្នកគាំទ្រអតីតគណបក្សសង្រ្គោះជាតិ ក៏ដូចជាសារព័ត៌មានមួយចំនួនដាក់មន្ទិលសង្ស័យថា គណបក្សថ្មីនេះត្រូវបង្កើតឡើង ដោយមានការគាំទ្រពីសំណាក់ក្រុមលោកសម រង្ស៊ី ពីក្រៅប្រទេស។
មកដល់ពេលនេះ មានគណបក្សនយោបាយជាច្រើន ដែលទើបបង្កើតឡើងដោយក្រុមអតីតថ្នាក់ដឹកនាំ នៃអតីតគណបក្សសង្រ្គោះជាតិ ដើម្បីចូលរួមការបោះឆ្នោតនាពេលខាងមុខ ហើយក្រៅពីគណបក្សនេះ ក៏មានគណបក្សមួយចំនួនទៀតដូចជា៖ គណបក្សខ្មែរអភិរក្ស គណបក្សខ្មែរស្រឡាញ់ជាតិ និងគណបក្សកែទម្រង់កម្ពុជាជាដើម៕ (ដោយ)៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ