ព័ត៌មានជាតិ
សំណុំរឿងជនសង្ស័យ១៧នាក់ក្លែងបន្លំជាព្រះសង្ឃត្រូវតុលាការសម្រេចអប់រំ និងដោះលែងវិញ
ភ្នំពេញ៖ សំណុំរឿងក្រុមជនសង្ស័យ១៧នាក់គ្រងស្បង់ចីពរក្លែងបន្លំជាព្រះសង្ឃ និងម្នាក់ទៀតជាអ្នកបើកបររថយន្ត ដែលប៉ុន្មានថ្ងៃមុន ត្រូវបានកម្លាំងនគរបាលព្រហ្មទណ្ឌខណ្ឌកំបូលឃាត់ខ្លួននោះ ឥឡូវត្រូវបានសាលាដំបូងរាជធានីភ្នំពេញ សម្រេចអប់រំ ធ្វើកិច្ចសន្យា ហើយដោះលែងវិញ ដោយសារពុំមានបទល្មើសព្រហ្មទណ្ឌ។ នេះបើយោងតាមប្រភពព័ត៌មានដែល “កម្ពុជាថ្មី” ទទួលបានពីសមត្ថកិច្ចនគរបាលខណ្ឌកំបូល កាលពីរសៀលថ្ងៃទី១៧ ខែកក្កដា ឆ្នាំ២០២១។
ជនសង្ស័យ១៨នាក់ ក្នុងចំណោមនោះមានមួយចំនួនជាមុខសញ្ញាប្រើប្រាស់គ្រឿងញៀនបានធ្វើសកម្មភាពខុសច្បាប់ បង្កឱ្យប៉ះពាល់កិត្តិយសព្រះពុទ្ធសាសនា ត្រូវបាននគរបាលខណ្ឌកំបូលចាប់ខ្លួន ខណៈពួកគេគ្រងស្បង់ចីពរក្លែងជាព្រះសង្ឃ ដើរបិណ្ឌបាត្រ រៃអង្គាសប្រាក់ពីប្រជាពលរដ្ឋរស់នៅក្នុងភូមិសាស្ត្រខណ្ឌកំបូល រាជធានីភ្នំពេញ។
ជនសង្ស័យទាំង១៨នាក់ ក្នុងនោះ ១៧នាក់ជាព្រះសង្ឃក្លែងក្លាយ និង ០១នាក់ជាអ្នកបើករថយន្ត ត្រូវបាននគរបាល ខណ្ឌកំបូល ចាប់ខ្លួនជាបន្តបន្ទាប់កាលពីថ្ងៃទី១២ ខែកក្កដា ឆ្នាំ២០២១ ស្ថិតនៅភូមិព្រៃបឹង សង្កាត់កន្ទោក ខណ្ឌកំបូល រាជធានីភ្នំពេញ។
លោកវរសេនីយ៍ទោ ឈឹម សាវុទ្ធ អធិការរង ទទួលការងារព្រហ្មទណ្ឌ នៃអធិការដ្ឋាននគរបាលខណ្ឌកំបូល ប្រាប់បញ្ជាក់ឱ្យដឹងថាការចាប់ខ្លួនជនសង្ស័យខាងលើ កម្លាំងនគរបាលខណ្ឌកំបូលបានទទួលព័ត៌មានប្តឹងរាយការណ៍ពីប្រជាពលរដ្ឋ នៅក្នុងមូលដ្ឋានថា មានមនុស្សមួយក្រុមបានមកជួលផ្ទះស្នាក់នៅក្នុងបុរីពិភពថ្មី ក្នុងខណ្ឌកំបូល ហើយនៅពេលព្រឹកបានគ្រងស្បង់ចីពរក្លែងជាព្រះសង្ឃ ដើរបិណ្ឌបាត្រ រៃអង្គាសប្រាក់ប្រជាពលរដ្ឋនៅក្នុងមូលដ្ឋានខណ្ឌកំបូល ជាយូរមកហើយ។
ក្រោយពីទទួលព័ត៌មាននោះភ្លាមៗ លោកអធិការនគរបាល ខណ្ឌកំបូល បានចាត់កម្លាំងចុះតាមដានស្រាវជ្រាវ អំពី សកម្មភាពមុខសញ្ញាជនសង្ស័យ។ នៅថ្ងៃខាងលើ ជនសង្ស័យ១០នាក់ ក្នុងនោះគ្រងស្បង់ចីពរក្លែងជាព្រះសង្ឃ០៩នាក់ និង០១នាក់ទៀតជាអ្នកបើករថយន្ត ត្រូវបានចាប់ខ្លួន ខណៈកំពុងបើករថយន្តម៉ាកកូរ៉ូឡា ដឹកប្រមូលសង្ឃក្លែងក្លាយទាំងនោះពីគោលដៅមួយចំនួន ក្រោយពីរៃអង្គាសប្រាក់ពីប្រជាពលរដ្ឋនៅក្នុងមូលដ្ឋាន។ បន្ទាប់ពីសាកសួរ ជនសង្ស័យទាំងនោះ កម្លាំងនគរបាល ខណ្ឌកំបូល បានបន្តចាប់ខ្លួនជនសង្ស័យក្លែងជាព្រះសង្ឃ០៨នាក់ទៀត។
ជនសង្ស័យជាសង្ឃក្លែងក្លាយ បន្ទាប់មកត្រូវបានព្រះអនុគុណ ខណ្ឌកំបូល បានចាប់ផ្សឹក ហើយប្រគល់ជនសង្ស័យ និង វត្ថុតាង ស្បង់ចីពរទៅសមត្ថកិច្ចដើម្បីចាត់ការតាមផ្លូវច្បាប់។ ក្នុងចំណោមជនសង្ស័យទាំងនោះ មាន០៧នាក់បានធ្វើតេស្តរកឃើញមានផ្ទុកសារធាតុញៀន។
លោកវរសេនីយ៍ទោ ឈឹ ម សាវុទ្ធ អធិការរង ទទួលការងារព្រហ្មទណ្ឌ នៃអធិការដ្ឋាននគរបាល ខណ្ឌកំបូល ប្រាប់ឱ្យ ដឹងទៀតថា បើតាមចម្លើយសារភាពពីជនសង្ស័យ ពួកគេធ្វើសកម្មភាពក្លែងជាព្រះសង្ឃដើរបិណ្ឌបាត្រជាយូរមកហើយ ក្រោមការចាត់ចែងរបស់មេខ្យល់មានឈ្មោះ ម៉េង ភេទប្រុស អាយុប្រហែល២៥ឆ្នាំ ដោយក្នុង០១ថ្ងៃ ពួកគេរៃអង្គាសប្រាក់បានពី ៨ម៉ឺន ទៅ១០ម៉ឺនរៀល ក្នុងនោះមេខ្យល់តម្រូវបង់ឱ្យគេក្នុង០១នាក់ពី ៣ម៉ឺន ទៅ ៣ម៉ឺន៥ពាន់រៀល ក្នុង០១ថ្ងៃ នៅសល់ប្រាក់ប៉ុន្មាទៀត គឺពួកខ្លួនយកមកចាត់ចែងចាយវាយ៕
អត្ថបទ៖ រ៉ាវុទ្ធ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង