ព័ត៌មានជាតិ
គណៈកម្មការផ្សារច្បារអំពៅ ស្នើអាជីវករទាំងអស់បន្តចូលរួមបង្ការទប់ស្កាត់ ការរីករាលដាលជំងឺកូវីដ-១៩
គណៈកម្មការផ្សារច្បារអំពៅ បានស្នើដល់អាជីវករទាំងអស់បន្តចូលរួមបង្ការទប់ស្កាត់ ការរីករាលដាលជំងឺកូវីដ-១៩ ខណៈបច្ចុប្បន្ននេះរាជរដ្ឋាភិបាលកម្ពុជា ក៏ដូចជាក្រសួងសុខាភិបាល បាននឹងកំពុងខិតខំប្រឹងប្រែងយ៉ាងយកចិត្តទុកបំផុតក្នុងការប្រយុទ្ធប្រឆាំងនឹងជំងឺកូវីដ-១៩ ពីព្រោះថាជំងឺដ៏សាហាវមួយនេះ កំពុងរីករាលដាលចូលទៅក្នុងសហគមន៍។
កត្តាទាំងនេះហើយ ដែលធ្វើឲ្យអាជ្ញាធរតាមមូលដ្ឋានគ្រប់លំដាប់ថ្នាក់ បាននឹងកំពុងចុះជាប់ជាប្រចាំជាមួយប្រជាពលរដ្ឋ ដើម្បីធ្វើការណែនាំអប់រំ ក្នុងការបង្ការទប់ស្កាត់នូវការរីករាលដាល នៃជំម្ងឺកូវីដ-១៩ មិនឲ្យឆ្លងបន្តកាន់តែធ្ងន់ធ្ងរនៅក្នុងសហគមន៍បន្តទៀត។
ចំណែកផ្សារច្បារអំពៅ ស្ថិតនៅក្នុងខណ្ឌច្បារអំពៅ រាជធានីភ្នំពេញ គណៈកម្មការគ្រប់គ្រងនេះ ក៏បាននឹងកំពុងមមាញឹក ក្នុងការរៀបចំសណ្តាប់ធ្នាប់ និងផ្សព្វផ្សាយ ណែនាំទៅដល់អាជីវករ ក៏ដូចជាអ្នកទៅទិញទំនិញ ម្ហូប អាហារ ក្នុងផ្សារទាំងអស់ សូមអនុវត្តនូវវិធានការនានារបស់រាជរដ្ឋាភិបាល ជាពិសេសក្រសួងសុខាភិបាល តែងតែផ្សព្វផ្សាយ អប់រំ ណែនាំ ឲ្យបងប្អូនប្រជាពលរដ្ឋទាំងអស់ មានការសំអាត លាងដៃ ជាមួយសាប៊ូ ឬជែល អាល់កុល និងពាក់ម៉ាសជាប់ជាប្រចាំ ជាពិសេសត្រូវរក្សាឲ្យបាននូវគម្លាតសង្គម ១ម៉ែត្រកន្លះឡើងទៅ។
លោក គ្រី ហ៊ុច អនុប្រធានគណៈកម្មការផ្សារច្បារអំពៅ ប្រាប់ឲ្យដឹងថា អាជ្ញាធរខណ្ឌច្បារអំពៅ ក្រោមការដឹកនាំរបស់លោក ចេង មុនីរ៉ា អភិបាល នៃគណអភិបាលខណ្ឌច្បារអំពៅ និងលោក គួច ចំណាន ប្រធានគណៈកម្មការគ្រប់គ្រងផ្សារច្បារអំពៅ ជារឿយៗតែងតែធ្វើសកម្មភាពផ្សព្វផ្សាយ ណែនា ទៅដល់អាជីវករ ក៏ដូចជាអ្នកទៅទិញទំនិញម្ហូបអាហារក្នុងផ្សារទាំងអស់ សូមអនុវត្តនូវវិធានការរបស់រាជរដ្ឋាភិបាល ៣ការពារ និង៣កុំ ព្រមទាំងសេចក្តីណែនាំរបស់ក្រសួងសុខាភិបាល តែងតែផ្សព្វផ្សាយ អប់រំ ណែនាំ ឲ្យបងប្អូនប្រជាពលរដ្ឋទាំងអស់ ត្រូវលាងដៃ ជាមួយសាប៊ូ ឬជែល អាល់កុល និងពាក់ម៉ាស បន្ថែមលើការចាក់វ៉ាក់សាំង។
លោក គ្រី ហ៊ុច លើកឡើងបន្តថា នៅតាមច្រកចេញ-ចូល នានានៅក្នុងបរិវេណផ្សារច្បារអំពៅ គណៈកម្មការគ្រប់គ្រងផ្សារ ក៏បានរៀបចំដាក់ម៉ាស៊ីនត្រួតពិនិត្យកំដៅ និងបញ្ចេញអាល់កុលស្វ័យប្រវត្តិ ដើម្បីតាមដាន និងបង្ការទប់ស្កាត់នូវការរីករាលដាល នៃជំងឺកូវីដ-១៩ផងដែរ៕ (ដោយ)៖ រ៉ាវុទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ