ព័ត៌មានជាតិ

ឈ្មួញតាមខេត្តមកដឹកជញ្ជូនទំនិញនៅច្បារអំពៅ មុនឆ្នាំសកល

បានផុស

៤ years មុន

នៅ

ថ្ងៃចន្ទ ១២ ធ្នូ ២០២២

ដោយ

នាខែធ្នូនេះ គេសង្កេតឃើញរថយន្តធុនធំរបស់ឈ្មួញតាមបណ្ដាខេត្តចូលមកទិញទំនិញភាគច្រើនគ្រឿងចាប់ហួយ ដើម្បីយកទៅលក់ចេញបន្តឲ្យបានមុនឆ្លងឆ្នាំសកល ២០២២ ចូលឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាន់ ប៊ុណ្ណា ប្រធានគ្រប់គ្រងផ្សារបន្លែច្បារអំពៅ បានឲ្យដឹងនាថ្ងៃទី ១២ ខែធ្នូនេះថា នៅក្នុងអំឡុងខែធ្នូនេះ ឈ្មួញតាមបណ្ដាខេត្តបានចូលមកទិញទំនិញនៅផ្សារច្បារអំពៅ នាខណ្ឌច្បារអំពៅ រាជធានីភ្នំពេញ ដើម្បីយកទៅបោះឲ្យម៉ូយតាមបណ្ដាខេត្តជាបន្ត។

លោកប្រធានផ្សារបញ្ជាក់ថា ឈ្មួញតាមបណ្ដាខេត្តចូលមកទិញទំនិញយកទៅគឺមានខេត្តកំពង់ស្ពឺ កំពត កំពង់ឆ្នាំង តាកែវ ព្រៃវែង កំពង់ធំ និងខេត្តកណ្ដាល។ ហើយការខកខានរបស់ឈ្មួញកន្លងមក គឺក្នុងអំឡុងចុងឆ្នាំ ២០២០ និងដើមឆ្នាំ ២០២១ ខណៈជំងឺកូវីដ-១៩ ផ្ទុះឡើងខ្លាំងនោះ។

ដោយឡែកលោក ចាន់ វ៉ីន ដែលជាឈ្មួញកណ្ដាលមកពីខេត្តកំពង់ស្ពឺបានប្រាប់ថា លោកមកទិញទំនិញនៅផ្សារច្បារអំពៅភាគច្រើនជាទំនិញចាប់ហួយតែម្ដង។ ព្រោះនៅច្បារអំពៅសម្បូរទៅដោយសិប្បកម្មផលិតគ្រឿងចាប់ហួយក្នុងស្រុកយើងផ្ទាល់ ដែលមិនដាក់សារធាតុគីមី មិនប៉ះពាល់សុខភាពផង៕

អត្ថបទ ៖ នរា