Connect with us

ព័ត៌មានជាតិ

គណៈកម្មការផ្សារច្បារអំពៅ មិនអនុញ្ញាតឲ្យព្រះសង្ឃ និមន្តបិណ្ឌបាតក្នុងផ្សារឡើយ

បានផុស

នៅ

គណៈកម្មការផ្សារច្បារអំពៅ ដោយមានការសម្របសម្រួល ពីព្រះតេជគុណក្រុមសណ្តាប់ធ្នាប់ព្រះសង្ឃរាជធានីភ្នំពេញ និងក្រុមសណ្តាប់ធ្នាប់ព្រះសង្ឃខណ្ឌច្បារអំពៅ បាននិមន្តធ្វើសណ្តាប់ធ្នាប់ ដោយមិនអនុញ្ញាតឲ្យ ព្រះសង្ឃនិមន្តបិណ្ឌបាត ចូលទៅក្នុងផ្សារឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក គ្រី ហ៊ុច អនុប្រធានគណៈកម្មការផ្សារច្បារអំពៅ បានប្រាប់កម្ពុជាថ្មីថា ក្នុងកិច្ចការងារនេះ បានធ្វើឡើងជារៀងរាល់សប្តាហ៍ ដើម្បីធ្វើការទប់ស្កាត់ មិនឲ្យមានព្រះសង្ឃនិមន្តបិណ្ឌបាតក្នុងផ្សារឡើយ ព្រោះខុសនឹងវិន័យសង្ឃ ព្រោះថា នៅក្នុងទីផ្សារមានមនុស្សគ្រប់ភេទដើរប្រជ្រៀតគ្នា ដែលងាយនិងប៉ះពាល់ដល់ព្រះសង្ឃ ដែលនិមន្តបិណ្ឌបាត ក្នុងផ្សារទៀតផង។

លោក គ្រី ហ៊ុច បានបញ្ជាក់ទៀតថា ចាប់តាំងពីមានផែនការ ចុះប្រតិបត្តិការណ៍ហាមឃាត់ព្រះសង្ឃនិមន្តបិណ្ឌបាតក្នុងផ្សាររួចមក គឺសង្កេតឃើញថា ពុំមានសង្ឃអង្គរណារកឃើញនិមន្តបិណ្ឌបាត ក្នុងផ្សារឡើយ ខុសប្លែកពីមុនមក គឺពិតជាមានមែន។

ក្នុងនោះលោកអនុប្រធានផ្សារ ក៏សុំការសហការណ៍ពីអាជីវករ ដែលលក់ដូរក្នុងផ្សារពេលឃើញមានព្រះសង្ឃនិមន្តបិណ្ឌបាត ក្នុងផ្សារច្បារអំពៅសុំរាយការណ៍ជាបន្ទាន់ មកគណៈកម្មការផ្សារ ដើម្បីមានវិធានការណ៍តាមផ្លូវច្បាប់ ព្រោះខុសទៅនិងវិន័យធម៌ សម្រាប់ព្រះសង្ឃ៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម