ព័ត៌មានជាតិ
អភិបាលខេត្តតាកែវ អញ្ជើញពិនិត្យតំបន់បិទខ្ទប់ ផ្នែកខ្លះភូមិសាស្ត្រភូមិអង្គរឃុំព្រែកផ្ទោល ស្រុកអង្គរបូរី
នៅព្រឹកថ្ងៃទី២៧ ខែកក្ដដា ឆ្នាំ២០២១នេះ លោក អ៊ូច ភា អភិបាលនៃគណៈអភិបាលខេត្តតាកែវ រួមដំណើរដោយលោកអភិបាលរងខេត្ត លោកប្រធានមន្ទីរសុខាភិបាល ខេត្តលោកស្នងការរងនគរបាលខេត្ត លោកអភិបាលស្រុក លោកអធិការនគរបាលស្រុក និងអាជ្ញាធរពាក់ព័ន្ធ បានអញ្ជើញពិនិត្យតំបន់បិទខ្ទប់ផ្នែកខ្លះ ភូមិសាស្ត្រភូមិអង្គរឃុំព្រែកផ្ទោល ស្រុកអង្គរបូរី ខេត្តតាកែវ បន្ទាប់ពីរដ្ឋបាលខេត្តចេញសេចក្ដីសម្រេចបិទខ្ទប់ជាបណ្ដោះអាសន្ន ក្រោយមានរកឃើញអ្នកវិជ្ជមានកូវីដ១៩ បានប៉ះពាល់ផ្ទាល់និងប្រយោលច្រើននាក់ ពាក់ព័ន្ធព្រឹត្តិការណ៍សហគមន៍២០កុម្ភៈ។
លោកអភិបាលខេត្តមានប្រសាសន៍ថា ដើម្បីចូលរួមទប់ស្កាត់និងប្រយុទ្ធប្រឆាំងជំងឺកូវីដ១៩ សូមបងប្អូនប្រជាពលរដ្ឋអនុវត្តឱ្យបានត្រឹមត្រូវ តាមការណែនាំរបស់ក្រសួងសុខាភិបាលនិងត្រូវថែរក្សាសុខភាពនិងរស់នៅទម្លាប់មានអនាម័យលាងដៃនិងសាប៊ូអាកុល និងត្រូវពាក់ម៉ាសឱ្យបានគ្រប់ៗគ្នាពេលចេញក្រៅផ្ទះមិនត្រូវជួបជុំគ្នាច្រើន ជាពិសេសមិនត្រូវនាំគ្នាផឹកស៊ី ដែលនាំឱ្យមានការឆ្លងរីករាលដាលជំងឺកូវីដ១៩ នៅក្នុងសហគមន៍របស់ខ្លួន។

ជាពិសេសលោកអភិបាលខេត្ត ក៏បានធ្វើការណែនាំដល់អាជ្ញាធរមូលដ្ឋានបន្តអប់រំផ្សាយដល់បងប្អូនប្រជាពលរដ្ឋនៅមូលដ្ឋានពីគ្រោះថ្នាក់នៃជំងឺកូវីដ១៩ និងត្រូវធ្វើយ៉ាងណាឱ្យបងប្អូនប្រជាពលរដ្ឋចូលរួមសហការជាមួយអាជ្ញាធរជាមួយរាជរដ្ឋាភិបាល ព្រោះប្រសិនបើគ្មានការចូលរួមអនុវត្តពីបងប្អូនប្រជាពលរដ្ឋនោះទេ យើងមិនអាចទប់ស្កាត់ជំងឺកូវីដ១៩បាននោះទេ។


ដោយឡែកតាមការបញ្ជាក់ពីលោក ឌឹម គឹមសាន អភិបាលស្រុកបានឱ្យដឹងដែរថា នៅភូមិអង្គរឃុំព្រែកផ្ទោល ដែលរដ្ឋបាលខេត្តសម្រេចបិទខ្ទប់នេះ គឺបានឃើញមានអ្នកឆ្លងវីរុសកូវីដ១៩ ចំនួន១៧នាក់ បន្ទាប់ពីបានយកសំណាកពលរដ្ឋចំនួន៦៣នាក់។ បន្ថែមលើសពីនេះ លោកអភិបាលស្រុកបានបញ្ជាក់ថា គិតត្រឹមថ្ងៃទី២៦ ខែកក្ដដា ឆ្នាំ២០២១ មានបងប្អូនប្រជាពលរដ្ឋស្ម័គ្រចិត្តបាន មកចាក់វ៉ាក់សាំងលើកទី១ មានចំនួន១៧៩០៣នាក់ស្រី៩៤៣២នាក់៕
អត្ថបទ៖ វីរៈ

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៥ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី