ព័ត៌មានជាតិ
របៀបចិញ្ចឹមអន្ទង់បានថ្លៃខ្ពស់ ត្រូវតាមបច្ចេកទេស ទទួលផលល្អ១០០ភាគរយ
អន្ទង់មានច្រើនប្រភេទ មានអន្ទង់ដំណើប អន្ទង់គ្រាយ និងអន្ទង់ព្រ័ត្រ ជាពូជក្នុងស្រុក។ បើចិញ្ចឹមតាមស្តង់ដារ អន្ទង់ បានផលល្អ ក្នុងនោះមានទម្ងន់ក្នុង១ក្បាល២ ទៅ៣ខាំ ដែលធ្វើឲ្យការចិញ្ចឹមទទួលបានជោគជ័យ។
តាមការធ្វើបទបង្ហាញរបស់ លោក ថូ វណ្ណា អ្នកចិញ្ចឹមអន្ទង់ក្នុងស្រុករលាប្អៀរ ខេត្តកំពង់ឆ្នាំង ដែលមានបទពិសោធន៍យូរឆ្នាំ ក្នុងការចិញ្ចឹមអន្ទង់នេះ បានមានប្រសាសន៍ថា នៅឆ្នាំទី១ និងឆ្នាំទី២ មុខរបរចិញ្ចឹមអន្ទង់ខាតច្រើន។ តែនៅពេលរកឃើញចន្លោះខ្វះខាត នៃរបៀបចិញ្ចឹមនេះ បានធ្វើឲ្យអន្ទង់រស់១០០ភាគរយ។ ដោយសារតែពិនិត្យទៅលើទឹកស្អាតជាតម្រូវការនោះ ទើបបានឃើញថា ការចិញ្ចឹមនោះ មានការវិវត្តន៍ឡើងដោយតម្លៃក្នុងទីផ្សារ ១គីឡូក្រាម ថ្លៃ២ម៉ឺនរៀល។
លោក វណ្ណា បន្តថា ពូជអន្ទង់នេះ ទទួលទិញពីប្រជាពលរដ្ឋដែលចាប់តាមបឹងក្រោមកំប្លោកយកមកប្រស់ក្នុងអាងចិញ្ចឹមរយៈពេល១៥ថ្ងៃ។ អាងនោះ មានប្រវែង២ម៉ែត្រ គុណនឹង៣ម៉ែត្រ ដោយដាក់ចូលក្នុងបន្ទះឫស្សីបីជាន់ ចងឲ្យណែន ដើម្បីសង្កត់ពីលើ មិនអាចឲ្យអន្ទង់ចេញបាន។ ក្នុងអាងនីមួយៗ អាចដាក់អន្ទង់បាន១៥០គីឡូក្រាម ហើយចិញ្ចឹមក្នុងរយៈពេល៧ ទៅ៨ខែ ទើបអាចចាប់លក់បាន។ លក្ខណៈកត់ចំណាំរបស់វា ក្នុងការចិញ្ចឹមត្រូវការទឹកស្អាត និងធ្វើការផ្លាស់ប្ដូរទឹក២ថ្ងៃម្តង។ បើទឹកមិនស្អាត ឬស្អុយ វាមិនស៊ីចំណី អាចឲ្យវាងាប់ភ្លាមក្នុងរយៈពេល៣ថ្ងៃ។ ចំពោះចំណីអន្ទង់ គឺយកកូនត្រីមកចិញ្ច្រាំពូតដុំៗជាមួយជន្លេន។ អាងចិញ្ចឹមអន្ទង់របស់ លោក វណ្ណា មានចំនួន៣៤អាង។ ក្នុងនោះ អាងនីមួយៗ ទទួលបានផលអន្ទង់ចំនួន៥០០គីឡូក្រាម៕
អត្ថបទ៖ កញ្ញា វ៉ាត
សូមចុចអាន៖ អ្នកប្រកបរបរចិញ្ចឹមត្រីសមុទ្រ ត្អូញត្អែររឿងទីផ្សារ ដោយសារជំងឺកូវីដ-១៩
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ