ព័ត៌មានជាតិ
ក្រៅពីវារីអគ្គិសនី កម្ពុជាបានទាញប្រភពភ្លើងជិត ៤០០ មេហ្គាវ៉ាត់ពីថាមពលព្រះអាទិត្យ
ភ្នំពេញ៖ កម្ពុជាដាក់ដំណើរការថាមពលពន្លឺព្រះអាទិត្យ៣៥០មេហ្គាវ៉ាត់ ត្រៀមសង់បន្ថែម១០០មេហ្គាវ៉ាត់ទៀត។ បច្ចុប្បន្ននេះកម្ពុជាកំពុងដាក់ឱ្យដំណើរការថាមពលពន្លឺព្រះអាទិត្យ៣៥០មេហ្គាវ៉ាត់ និងត្រៀមសាងសង់បន្ថែម ១០០ មេហ្គាវ៉ាត់ទៀតដើម្បីជួយសម្រួលដល់ប្រជាពលរដ្ឋឱ្យទទួលបានការប្រើប្រាស់អគ្គិសនី។
លោក វ៉ិច ទ័រហ្សូនា រដ្ឋលេខាធិការនិងជាអ្នកនាំពាក្យក្រសួងរ៉ែនិងថាមពល បានមានប្រសាសន៍នៅព្រឹកថ្ងៃទី២៣សីហានេះថា ចាប់តាំងពីឆ្នាំ២០១៨មក រាជរដ្ឋាភិបាលបានសម្រេចឱ្យមានការតភ្ជាប់ថាមពលពន្លឺព្រះអាទិត្យរហូតមកដល់ពេលនេះបាន៤៥៥មេហ្គាវ៉ាត់ ក្នុងនោះ៣៥០មេហ្គាវ៉ាត់ដាក់ដំណើរការរួចហើយ រួមមាន៣០មេហ្គាវ៉ាត់ នៅក្រុងបាវិតខេត្តស្វាយរៀង ៨០មេហ្គាវ៉ាត់នៅខេត្តកំពង់ស្ពឺ ៦០មេហ្គាវ៉ាត់នៅខេត្តកំពង់ឆ្នាំង ៩០មេហ្គាវ៉ាត់នៅខេត្តពោធិសាត់ ៦០មេហ្គាវ៉ាត់នៅបាត់ដំបង និង៣០មេហ្គាវ៉ាត់នៅបន្ទាយមានជ័យ។
លោកបានបន្តថា ចំណែក១០០មេហ្គាវ៉ាត់ ដែលជាគម្រោងរបស់ធនាគារអភិវឌ្ឍន៍អាស៊ីនៅខេត្តកំពង់ឆ្នាំងនៅមិនទាន់ដាក់ដំណើរការនៅឡើយទេ ក្នុងនោះមាន៦០មេហ្គាវ៉ាត់បានដាក់ដេញថ្លៃរួចរាល់ហើយ ដោយជ្រើសរើសបានក្រុមហ៊ុនវិនិយោគរួចហើយដែរមកពីប្រទេសថៃ និងនៅសល់៤០មេហ្គាវ៉ាត់ទៀតធនាគារអភិវឌ្ឍន៍អាស៊ីនិងអគ្គិសនីកម្ពុជា កំពុងដំណើរការដាក់ដេញថ្លៃ និងនៅមិនទាន់រកឃើញអ្នកទទួលសិទ្ធវិនិយោគនៅឡើយទេ។
លោក វ៉ិចទ័រ ហ្សូនា បានបន្ថែមទៀតថា ចំពោះគម្រោងវិនិយោគលើថាមពលពន្លឺព្រះអាទិត្យនេះ លោកមិនបានដឹងពីតម្លៃវិនិយោគសរុបប៉ុន្មាននោះទេ ព្រោះថាថាមពលសូឡានេះវិនិយោគដោយក្រុមហ៊ុនឯកជនទាំងអស់ អត់មានអគ្គិសនីវិនិយោគទេ។ ដូចជាធនាគារអភិវឌ្ឍន៍អាស៊ី ដែលមានគម្រោងវិនិយោគ១០០មេហ្គាវ៉ាត់នៅកំពង់ឆ្នាំង ធនគារជាអ្នកចាត់ចែងដេញថ្លៃបើក្រុមហ៊ុនណាឈ្នះ ខាងធនាគារជាអ្នកផ្តល់ហិរញ្ញវត្ថុដល់ក្រុមហ៊ុននោះសម្រាប់ដំណើរការប៉ុណ្ណោះ។
លោក បានបញ្ជាក់ថា នៅពេលក្រុមហ៊ុនដាក់ដំណើរការថាមពលពន្លឺព្រះអាទិត្យ បានគេលក់ដុំឱ្យអគ្គិសនីកម្ពុជាក្នុងតម្លៃ៧.៦សេនក្នុង១គីឡូវ៉ាត់ម៉ោង៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត