ព័ត៌មានជាតិ

ត្រឹមមួយថ្ងៃមានអ្នកមានវិបត្តិ២នាក់មកលោតទឹកសម្លាប់ខ្លួនលើស្ពានជ្រោយចង្វារ

បានផុស

៥ years មុន

នៅ

ថ្ងៃពុធ ២៥ សីហា ២០២១

ដោយ

ត្រឹមរយៈពេលមួយថ្ងៃ មានយុវជនម្នាក់និងនារីម្នាក់បានសម្រេចចិត្តមកស្ពានជ្រោយចង្វារដើម្បីលោតទឹកសម្លាប់ខ្លួនក្នុងករណីផ្សេងពីគ្នាព្រោះតែមានវិបត្តិផ្លូវចិត្តគិតអ្វីមិនចេញ។ ប៉ុន្តែការប៉ងបញ្ចប់ជីវិតនោះមិនសម្រេចដូចបំណងនោះទេ ដោយបានគេជួយសង្គ្រោះទាន់ពេលទាំង២នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ហេតុការណ៍លោតទឹកលើកទី១ គឺមាននារីវ័យប្រមាណជា២០ឆ្នាំរូបស្រស់ស្អាតម្នាក់បានមកលោតទឹកលើស្ពានជ្រោយចង្វារចាស់កាលពីវេលាម៉ោង៤ទៀបភ្លឺថ្ងៃទី២៤ ខែសីហា ឆ្នាំ២០២១។ ដោយនារីរូបនោះបានដើរឡើងដល់ពាក់កណ្តាលស្ពានក៏ហក់ឡើងបង្កាន់ដៃស្ពានហក់លោតចូលទឹកទន្លេតែម្តង។ ប៉ុន្តែដោយសារតែនាងចេះហែលទឹកក៏ត្រូវបានបងប្អូនប្រជានេសាទបានប្រញាប់ចេញទូកទៅស្រង់នាងដាក់លើទូកដឹកមកឡើងច្រាំងហើយទំនាក់ទំនងទៅក្រុមគ្រួសារឲ្យមកទទួលវិលត្រឡប់ទៅផ្ទះវិញផងដែរ។

សមត្ថកិច្ចបន្តថា ចំណែកករណីទី២នៅវេលាម៉ោង២៣និង៣០នាទីយប់ថ្ងៃទី២៤ ខែសីហាឆ្នាំ២០២១គឺមានយុវជនម្នាក់អាយុ២២ឆ្នាំបានជិះម៉ូតូចេញផ្ទះរបស់គេនៅម្តុំក្រាំងធ្នង់ ខណ្ឌសែនសុខ មកស្ពានជ្រោយចង្វារ ពេលមកដល់ពាក់កណ្តាលស្ពានក៏ឈប់ម៉ូតូប្រុងលោតទឹកសម្លាប់ខ្លួនខណៈនោះក៏ត្រូវបានប្រជាពលរដ្ឋអ្នកដំណើរនាំគ្នារត់មកចាប់ឃាត់យុវជនរូបនោះទាន់ពេលរួចរាយការណ៍ឲ្យសមត្ថកិច្ចគោលដៅស្ពានខាងកើតចុះមកនាំយុវជនរូបនោះទៅសួរនាំរឿងហេតុផងដែរ។

បើតាមយុវជនដែលប៉ុនប៉ងសម្លាប់ខ្លួននោះបានប្រាប់សមត្ថកិច្ចថាមូលហេតុនៅខ្លួនធ្វើដូច្នេះដោយសារតែខ្លួនមានវិបត្តិផ្លូវចិត្តជាមួយនឹងលោកឪពុកដែលតែងតែប្រើអំពើហិង្សានិងជេរស្ដីឲ្យខ្លួនរាល់ថ្ងៃធ្វើឲ្យរូបគេតូចចិត្តលែងចង់រស់នៅតទៅទៀតក៏សម្រេចចិត្តជិះម៉ូតូពីផ្ទះឆ្ពោះមកស្ពានជ្រោយចង្វារដើម្បីបញ្ចប់ជីវិតដូច្នេះតែម្ដង។

សមត្ថកិច្ចបញ្ជាក់ទៀតថា ពាក់ព័ន្ធនឹងការប៉ុនប៉ងសម្លាប់ខ្លួនរបស់យុវជននិងយុវនារីពីរនាក់ក្នុងករណីផ្សេងគ្នានោះដែរ ត្រូវបានសមត្ថកិច្ចអប់រំណែនាំអោយពួកគាត់ឈប់មានបំណងគិតខ្លីហើយក៏បានទំនាក់ទំនងទៅក្រុមគ្រួសារឲ្យមកទទួលពួកគាត់យកទៅផ្ទះសម្បែងវិញផងដែរ៕

អត្ថបទ ៖ រស្មី

Related Topics:សម្លាប់ខ្លួន

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា