ព័ត៌មានជាតិ

ឃុំខ្លួនអ្នកម៉ៅការសាងសង់ការ៉ាស់សាំង ឆបោកប្រាក់២៤ម៉ឺនដុល្លារ

បានផុស

៦ years មុន

នៅ

ថ្ងៃចន្ទ ៣០ វិច្ឆិកា ២០២០

ដោយ

ចៅក្រមសាលាដំបូងរាជធានីភ្នំពេញ នៅថ្ងៃទី ៣០វិច្ឆិកា ឆ្នាំ២០២០នេះ បានចេញដីកាសម្រេចឃុំខ្លួនបុរសម្នាក់ ជាអ្នកម៉ៅការសាងសង់ការ៉ាស់សាំង ពីបទមិនបំពេញកាតព្វកិច្ចចំពោះឧបករណ៍ ដែលអាចជួញដូរបាន ពាក់ព័ន្ធនិងបទល្មើសចេញសែកអត់លុយ ២៤ម៉ឺនដុល្លារ ប្រព្រឹត្តកាលពីថ្ងៃទី១០កញ្ញា ឆ្នាំ២០២០ ក្នុងរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនត្រូវចោទឈ្មោះ ឌៀប វង់ឌី ភេទប្រុស អាយុ៣៧ឆ្នាំ មានលំនៅឋានលេខ ៧ ផ្លូវលេខ៨ បុរីប៉េងហួរបឹងស្នោរ សង្កាត់និរោធ ខណ្ឌច្បារអំពៅ។ តាមដីកាសម្រេចឃុំខ្លួនរបស់ចៅក្រមឈ្មោះ ឡុង វណ្ណា បានបង្គាប់ឲ្យសមត្ថកិច្ចនាំយកឈ្មោះ ឌៀប វង់ឌី ទៅឃុំខ្លួននៅពន្ធនាគារប៉េហ្ស៉ី។

ពាក់ព័ន្ធករណីនេះ ប្រភពព័ត៌មានពីសាលាដំបូងបានឲ្យដឹងថា កាលពីថ្ងៃទី១០កញ្ញា ឆ្នាំ២០២០ ឈ្មោះ ឌៀប វង់ឌី បានទំនាក់ទំនងអ្នកមានប្រាក់ក្រាស់ក្រែលម្នាក់ ដើម្បីសាងសង់ការ៉ាស់សាំង ដែលមានតម្លៃរហូតដល់២៤ម៉ឺនដុល្លារ។

លុះពេលបានសាច់លុយទាំងដុំរួចហើយ ឈ្មោះឌៀប វង់ឌី មិនបានសាងសង់ការ៉ាស់សាំងឲ្យម្ចាស់លុយទេ គឺគេបង្វិលទៅកម្សាន្តលេងនៅកាស៊ីណូរហូតដល់អស់លុយ។ ដោយបាត់យូរពេក មិនឃើញបានលទ្ធផល ម្ចាស់ក៏បានទាមទារយកប្រាក់វិញ ពេលនោះឈ្មោះ ឌៀប វង់ឌី បានចេញសែកចំនួន៤សន្លឹកមានលុយចំនួន២៤ម៉ឺនដុល្លារឲ្យម្ចាស់ប្រាក់វិញ ប៉ុន្តែពេលទៅបើកលុយ ធនាគារបញ្ជាក់ថា សែកស្អុយ អត់មានលុយទេ ទើបម្ចាស់ប្រាក់ឆេះដុំ ក្ដៅក្រហាយក៏ប្ដឹងឲ្យសមត្ថកិច្ចចាប់ខ្លួនបញ្ជូនឡើងតុលាការតែម្ដង៕

អត្ថបទ៖ មករា

សូមចុចអាន៖ ថ្នាំញៀនប្រភេទ (WY) ២០០០០គ្រាប់ ត្រូវសមត្ថកិច្ចបង្ក្រាប នៅខេត្តស្ទឹងត្រែង

Related Topics:ឃាត់ខ្លួន

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា