ព័ត៌មានជាតិ
ខេត្តព្រះវិហារ ប្រកាសឲ្យពលរដ្ឋប្រុងប្រយ័ត្ន និងត្រៀមបង្ការគ្រោះមហន្តរាយជាយថាហេតុដោយទឹកជំនន់
រដ្ឋបាលខេត្តព្រះវិហារ បានប្រកាសឲ្យប្រជាពលរដ្ឋធ្វើការប្រុងប្រយ័ត្ន និងត្រៀមបង្ការនូវគ្រោះមហន្តរាយជាយថាហេតុដោយទឹកជំនន់ដែលនឹងអាចកើតឡើងនាពេលខាងមុខនេះ ខណៈទឹកស្ទឹងសែន មានកម្ពស់ទឹកជិតប្រកាសអាសន្ន។
យោងតាមរបាយការណ៍របស់មន្ទីរធនធានទឹក និងឧតុនិយមខេត្តព្រះវិហារ គិតត្រឹមថ្ងៃទី ២៥ ខែ កញ្ញា ឆ្នាំ ២០២១ ទឹកស្ទឹងសែន នៅភូមិសាស្ត្រខេត្តព្រះវិហារ ទឹកមានកម្ពស់ ១១,៣៨ ម៉ែត្រ ហើយកម្ពស់ទឹកស្ទឹងសែនដែលត្រូវប្រកាសអាសន្ន គឺ ១១,៥០ ម៉ែត្រ។
រដ្ឋបាលខេត្តព្រះវិហារ ណែនាំដល់បងប្អូនប្រជាពលរដ្ឋ ជាពិសេសអ្នកកំពុងរស់នៅតាមដងស្ទឹងសែន និងមាត់ទន្លេមេគង្គ ឲ្យបានជ្រាបថា ផ្អែកតាមសេចក្ដីជូនដំណឹងអាកាសធាតុរបស់ក្រសួងធនធានទឹក និងឧតុនិយម ចុះថ្ងៃទី ២១ ខែកញ្ញា ឆ្នាំ ២០២១ ព្រះរាជាណាចក្រកម្ពុជា នឹងទទួលរងនូវឥទ្ធិពលប្រព័ន្ធសម្ពាធទាប (TCZ) ដែលអូសបន្លាយកាត់លើជួរភ្នំដងរែក និងខ្ពង់រាបឦសាន ជាមួយខ្យល់មូសុងនិរតីបក់ក្នុងល្បឿនពីខ្លាំងទៅបង្គួរ។ ស្ថានភាពបែបនេះ ខេត្តព្រះវិហារ អាចនឹងមានជំនន់ទឹកភ្លៀង។ ជាមួយគ្នានេះ ក្នុងរយៈពេលប៉ុន្មានថ្ងៃកន្លងទៅនេះ ក្នុងភូមិសាស្ត្រខេត្តព្រះវិហារទាំងមូលមានភ្លៀងធ្លាក់ជាបន្តបន្ទាប់ និងកំពុងតែមានភ្លៀង ធ្វើឲ្យទឹកស្ទឹងហក់ឡើងលឿន អាចឈានទៅដល់កម្រិតមួយបង្កឲ្យមានការលិចលង់។
ដើម្បីធានាសុវត្ថិភាព និងបង្ការនូវគ្រោះមហន្តរាយជាយថាហេតុ សូមបងប្អូនប្រជាពលរដ្ឋក្នុងខេត្ត ទាំងអស់ ជាពិសេសអ្នកកំពុងរស់នៅតាមដងស្ទឹងសែន និងមាត់ទន្លេមេគង្គ ព្រមទាំងបងប្អូនកំពុងរស់នៅតាមតំបន់ងាយរងគ្រោះដោយសារទឹកជំនន់មួយចំនួន មេត្តាប្រុងប្រយ័ត្នខ្ពស់ និងស្វែងរកទីទួលមានសុវត្ថិភាពដែលនៅជិត ចៀសវាងកើតមានឡើងនូវគ្រោះថ្នាក់ផ្សេងៗ។
ក្នុងករណីបងប្អូនប្រជាពលរដ្ឋជួបគ្រោះទឹកជំនន់ សូមមេត្តារាយការណ៍ និងផ្តល់ព័ត៌មានឲ្យបានឆាប់បំផុតដល់អាជ្ញាធរ ភូមិ ឃុំ សង្កាត់ ក្រុង ស្រុក ខេត្តជាបន្ទាន់ ដើម្បីអាជ្ញាធរមានលទ្ធភាពចាត់វិធានការដោះស្រាយ ការពារ និងសង្គ្រោះទាន់ពេលវេលា។
រដ្ឋបាលខេត្ត មានសង្ឃឹមជឿជាក់ថា បងប្អូនប្រជាពលរដ្ឋនឹងមានការប្រុងប្រយ័ត្ន បង្កើនការយកចិត្តទុកដាក់ខ្ពស់ចំពោះស្ថានភាពទឹកទន្លេ និងទឹកស្ទឹងសែន ដែលកំពុងតែហក់ឡើងជាបន្តបន្ទាប់៕
អត្ថបទ ៖ សំអឿន
លោក តាន់ ហ្សង់ហ្វ្រង់ស័រ៖ ដោះស្រាយបញ្ហាព្រំដែន ត្រូវការតែអ្នកជំនាញមុតស្រួច មិនត្រូវការអ្នកជាតិនិយម អ្នកនយោបាយឡើយ
អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ
អភិបាលខេត្តកំពង់ចាម ចុះពិនិត្យវឌ្ឍនភាពការសាងសង់ផ្លូវ និងដោះស្រាយបញ្ហាប្រឈមមួយចំនួនជូនពលរដ្ឋ
តៃវ៉ាន់ ធ្វើសមយុទ្ធយោធាបាញ់មីស៊ីលពីដីទៅអាកាស
កម្មករ-និយោជិត នៃរោងចក្រ ញូ ស្កាយ ព្រីនធីង អរគុណ រាជរដ្ឋាភិបាល ដែលបើកប្រាក់ឈ្នួលដល់ខ្លួន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៤ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២២ ម៉ោង agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ