ទឹកជំនន់​ឆ្នាំ​២០២៤ បណ្តាល​ឲ្យ​ម៉ាឡេស៊ីខាតបង់ប្រាក់ចំនួន២១១លានដុល្លារ

ប្រទេសម៉ាឡេស៊ីបានកត់ត្រាការខាតបង់ទាក់ទងនឹងទឹកជំនន់សរុបចំនួន ៩៣៣.៤​ លានរីងហ្គីត (២១០.៥៨លានដុល្លារ) អាមេរិកក្នុងឆ្នាំ២០២៤កើនឡើងពី១៧០.៨០លានដុល្លារក្នុងឆ្នាំ ២០២៣។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Xinhua នៅថ្ងៃទី២០ខែមីនានេះ។

នាយកដ្ឋានស្ថិតិម៉ាឡេស៊ី (DOSM) បានបង្ហាញទិន្នន័យផ្លូវកាលពីថ្ងៃពុធថា ការខាតបង់ទាក់ទងនឹងទឹកជំនន់គឺស្មើនឹង ០.០៥ ភាគរយនៃផលិតផលក្នុងស្រុកសរុបបន្ទាប់បន្សំ (GDP) កាលពីឆ្នាំមុន ធៀបនឹង ០.០៤ ភាគរយកាល ពី ២០២៣។

ការខាតបង់ដែលបានរាយការណ៍រួមមានតម្លៃនៃការខូចខាតដល់លំនៅដ្ឋាន យានយន្ត អាជីវកម្ម និងឧស្សាហកម្ម។ ការ ខាតបង់ខ្ពស់បំផុតត្រូវបានកត់ត្រាលើគឺការខាតបង់ផ្នែកជីវភាពរស់នៅ ដោយកើនឡើងដល់៨៤.១៥លានដុល្លាក្នុងឆ្នាំ ២០២៤ ពី៣៨.០៥លានដុល្លារក្នុងឆ្នាំ២០២៣ បន្ទាប់មកទ្រព្យសម្បត្តិសាធារណៈ និងហេដ្ឋារចនាសម្ព័ន្ធចំនួន ៦៨.៦០ លានដុល្លារ ធ្លាក់ចុះពី ៣៨០.៧ លានដុល្លារក្នុងឆ្នាំ ២០២៣។

ទន្ទឹមនឹងនេះ ការខាតបង់របស់វិស័យកសិកម្មបានកើនឡើងដល់៤១.៨៧លានដុល្លារ កើនឡើងពី ២៧.២៧លានដុល្លារក្នុងឆ្នាំ ២០២៣ ។ ចំណែកវិស័យពាណិជ្ជកម្មបានកត់ត្រាការខាតបង់ចំនួន១២.២៣ លានដុល្លារ ដែលកើនឡើងពី ១២.០៣លានដុល្លារក្នុងឆ្នាំ ២០២៣។

ការខូចខាតយានយន្តមានចំនួន៣.៩១លានដុល្លារធ្លាក់ចុះពី៥.០៤លានដុល្លារក្នុងឆ្នាំ ២០២៣។ ចំពោះវិស័យផលិតកម្មបានជួបប្រទះផលប៉ះពាល់តិចបំផុតគឺ០.២៧លានដុល្លារ ធ្លាក់ចុះពី ២.៣៣លានដុល្លារក្នុងឆ្នាំ២០២៣។

នៅក្នុងខែវិច្ឆិកាឆ្នាំ២០២៤ ប្រទេសម៉ាឡេស៊ីបានជួបគ្រោះទឹកជំនន់យ៉ាងធ្ងន់ធ្ងរ ដោយសារតែភ្លៀងធ្លាក់ខ្លាំងពីខ្យល់មូសុងឦសាន ដែលប៉ះពាល់ដល់រដ្ឋចំនួន៩ រួមមានរដ្ឋ Kelantan និង Terengganu ។

មនុស្សជិត១៣៩០០០នាក់ត្រូវបានផ្លាស់ទីលំនៅ ដោយមានអ្នកស្លាប់ចំនួន៣នាក់ត្រូវបានរាយការណ៍ ហើយមនុស្ស ៩៤៧៧៨នាក់ត្រូវបានជម្លៀសទៅកាន់ទីជម្រកបណ្តោះអាសន្ន។ ស្ថានភាព​ក្នុង​រដ្ឋ Kelantan មាន​សភាព​ធ្ងន់ធ្ងរ​ជា​ងគេ ដោយ​មាន​មនុស្ស​ជាង ៩១០០០​នាក់​ស្នាក់នៅ​ក្នុង​មណ្ឌល​សង្គ្រោះ៕

អត្ថបទ៖ ប៊ុន សុភាព