Connect with us

ព័ត៌មានជាតិ

ដំណោះស្រាយ រវាងក្រុមរថយន្តដឹកផ្លែឈើ ជាមួយគយច្រកអន្តរជាតិដូង ត្រូវផ្អែកលើគោលការណ៍ ៣ចំណុច

បានផុស

នៅ

ការរកដំណោះស្រាយ រវាងក្រុមរថយន្តសាំងយ៉ុងដឹកផ្លែឈើ ជាមួយអង្គភាពគយប្រចាំច្រកអន្តរជាតិដូង ស្រុកកំរៀង ខេត្តបាត់ដំបង កំពុងឈរលើគោលការណ៍ ៣ចំណុច ដើម្បីឲ្យភាគីទាំងសងខាង អាចទទួលយកបាន នៅក្នុងថេរ:វេលា ១ខែពេញ។

គួររំលឹកថា កាលពីថ្ងៃទី២៣ ខែកញ្ញា ឆ្នាំ២០២១ កន្លងទៅថ្មីៗនេះ មានការប្រមូលផ្តុំគ្នាមួយ ពីសំណាក់ក្រុមអ្នកបើករថយន្តសាំងយ៉ុង ដែលមានមុខរបរដឹកផ្លែឈើ ចេញ-ចូល តាមច្រកអន្តរជាតិដូង ជាមួយនឹងអង្គភាពគយ ដែលឈរ ជើងនៅទីនោះ ដោយការតវ៉ានេះ បានធ្វើឡើងនៅមុខស្នាក់ការគយ និងរដ្ឋាករ ក្នុងភូមិអូរដារ ឃុំអូរដារ ស្រុកកំរៀង ខេត្តបាត់ដំបង។

ទិសដៅនៃការតវ៉ា គឺពួកគេបានស្នើសុំឲ្យគយបញ្ចុះតម្លៃ លើការយកលុយក្បាលឡាន ពី២០ម៉ឺនរៀល សុំមកនៅត្រឹម ៥ម៉ឺនរៀលវិញ ដោយសារតែបច្ចុប្បន្ន ពួកគេរកមិនសូវបាន។ ឯប្រេងក៏ថ្លៃ មិនអាចមានប្រាក់ចំណេញ ដើម្បីទប់ទល់ក្នុងជីវភាពប្រចាំថ្ងៃបានឡើយ។

ក្រោយពីមានបញ្ហាដោះស្រាយមិនចេញរួចមក លោក សុខ គឹមខុន អភិបាល  នៃគណៈអភិបាលស្រុកកំរៀង និងសហការី បានដឹកនាំកងកម្លាំងមានសមត្ថកិច្ច បានចុះសំណេះសំណាល និងរកដំណោះស្រាយ ជាមួយភាគីទាំងសងខាង ដោយមានការអញ្ជើញចូលរួម ពីសំណាក់អភិបាលរងខេត្តមួយរូបផងដែរ។

ដំណោះស្រាយនោះ គឺឈរលើគោលការណ៍ ៣ចំណុច ទី១.អង្គភាពគយ និងរដ្ឋាករច្រកដូង ព្រមតាមសំណូមពររបស់អាជីវករ ក្នុងតម្លៃ ៥ម៉ឺនរៀល ជាបណ្តោះអាសន្នក្នុងរយ:ពេល១ខែ សម្រាប់ក្បាលឡានមួយជើង។ ទី២. សុំទុកឱកាសឲ្យអង្គភាពគយ និងរដ្ឋាករច្រកដូងធ្វើសំណើ និងរាយការណ៍ទៅថ្នាក់ដឹកនាំរបស់ខ្លួនសិន ដើម្បីរង់ចាំការសម្រេច។ និងទី. ក្រោយពីមានការសម្រេចពីថ្នាក់ដឹកនាំហើយ មន្ត្រីគយ នឹងចុះមកជួបក្រុមអាជីវករម្តងទៀត ដើម្បីរិះរកតម្លៃណាមួយ ដែលធ្វើឲ្យភាគីទាំងសងខាង អាចទទួលយកបាន។

ជាលទ្ធផល ក្រុមអាជីវករសប្បាយចិត្ត រីករាយនូវដំណោះស្រាយ និងលក្ខខណ្ឌមួយចំនួនខាងលើនេះ ដោយបានបញ្ជាក់លើកិច្ចសន្យា របស់តំណាងអាជីវករដឹកផ្លៃឈើ ដោយសន្យាមិនបង្កឲ្យមានបញ្ហាខុស និងផ្លូវច្បាប់ឡើយ ដែលជាទង្វើខុសច្បាប់ ក្នុងការប្រមូលផ្ដុំកម្លាំង ខូចសណ្ដាប់ធ្នាប់មិនល្អដល់សង្គម៕

អត្ថបទ៖ សោ និយមរ័ត្ន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៦ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៦ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៩ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ១០ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម