ព័ត៌មានជាតិ
ជលផលខេត្តស្ទឹងត្រែង ដកហូតឧបករណ៍ និងអប់រំ ធ្វើកិច្ចសន្យាជនល្មើសនេសាទជាង ១ពាន់នាក់
នាយខណ្ឌជលផលខេត្តស្ទឹងត្រែង លោក ស្រី សំវិចិត្រ បានបញ្ជាក់ថា រយៈពេល ១៥០ថ្ងៃ ក្នុងរដូវបិទការធ្វើនេសាទ កម្លាំងជំនាញខណ្ឌជលផល បានចុះល្បាតជិត ១០០លើក ដកហូតឧបករណ៍នេសាទខុសច្បាប់ជាច្រើនប្រភេទ និងអប់រំ ព្រមទាំងឱ្យអ្នកនេសាទ ធ្វើកិច្ចសន្យា ជាង ១,០០០នាក់។
លោក ស្រី សំវិចិត្រ នាយខណ្ឌជលផលស្ទឹងត្រែង បានបញ្ជាក់នៅថ្ងៃទី ៣០ ខែកញ្ញាឆ្នាំ ២០២១នេះថា ក្នុងរដូវបិទនេសាទ ឆ្នាំ២០២១នេះ សមត្ថកិច្ចពាក់ព័ន្ធ និងប្រជាសហគមន៍ បានចុះល្បាតសង្កេតឃើញថា ប្រជាអ្នកនេសាទបានចូលរួមអនុវត្តបានល្អជាងឆ្នាំកន្លងទៅ ក្នុងការចូលរួមអភិរក្សត្រីមេពូជ។
លោកបន្តថា ជាមួយគ្នានេះ ក្រុមឆ្នាំ និងសមត្ថកិច្ចពាក់ព័ន្ធ រួមជាមួយប្រជាសហគមន៍នេសាទ បានអប់រំប្រជានេសាទចំនួន ៤៧៧នាក់ ដែលប្រើឧបករណ៍មងបណ្តែតក្នុងអន្លងអភិរក្ស ក្នុងរដូវបិទនេសាទ។ ព្រមានដោយធ្វើកិច្ចសន្យា ចំពោះអ្នកនេសាទដែលនៅតែបន្តនេសាទនៅក្នុងរដូវបិទនេសាទចំនួន ២២៦នាក់ និងធ្វើកិច្ចសន្យាចំពោះអាជីវករប្រមូលទិញត្រី ដែលបានពីការនេសាទខុសច្បាប់ ឬប្រើឧបករណ៍ខុសច្បាប់ចំនួន ៣២នាក់។
លោកបានបញ្ជាក់បន្ថែមថា សមត្ថកិច្ចបាន កសាងសំណុំរឿងទៅតុលាការចំនួន ០៥ករណី ទាក់ទងនឹងបទល្មើសនេសាទ ឧបករណ៍ឆក់ត្រី។ ដកហូតមងបណ្តែតដែលលួចនេសាទនៅក្នុងរដូវបិទនេសាទ និងតំបន់អភិរក្សសត្វផ្សោតបានប្រវែងប្រមាណ ២៥,៨០០ ម៉ែត្រ និងសន្ទូររនងចំនួន ៧៩០ផ្លែ។ រឹបអូសស្បៃមុងប្រវែង ៣,៤៩០ម៉ែត្រ លបប្រើស១០០ ប្រវែង ២៣០ម៉ែត្រ និងសាច់អួនប្រវែង ៦៧០ម៉ែត្រ
ជាមួយគ្នានេះ សមត្ថកិច្ចព្រមទាំង ដកហូតក្បាលឆក់ ត្រី០៣គ្រឿង អាគុយ ០៣គ្រឿង ទូក-ម៉ាស៊ីន ០៦គ្រឿង លប ៦៣គ្រឿង របាំងព្រួល ៦០ម៉ែត្រ ថ្នងដងត្រី ០៤គ្រឿង ដាយ ០១មាត់ ប្រវែង ១៥ម៉ែត្រ លូស្បៃមុង ១២មាត់ និងបំផ្លាញបង្គោល ២០០ដើម។
គួរបញ្ជាក់ថា ចាប់ពីថ្ងៃទី០១តុលានេះទៅ ជារដូវបើកឱ្យធ្វើនេសាទវិញហើយ ទន្ទឹមគ្នានេះខណ្ឌជលផលបានអំពាវនាវបងប្អូនប្រជាអ្នកនេសាទទាំងអស់ បន្តការពារត្រីមេពូជ ដោយនាំគ្នាគោរពច្បាប់ជលផល មិនធ្វើនេសាទក្នុងអន្លងអភិរក្ស និងតំបន់ហាមឃាត់ មិនប្រើឧបករណ៍នេសាទខុសច្បាប់ដែលបង្កផលប៉ះពាល់ពពួកត្រីជិតផុតពូជ៕
អត្ថបទ៖ ងិនលីម
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ