ឃាត់មេខ្យល់​​ លួច​ដឹក​ពលករ តាម​ម៉ូតូកង់​បី​​ បម្រុង​ឆ្លង​ដែន​​ទៅ​ថៃ
Connect with us
Helistar Cambodia - Helicopter Charter Services

ព័ត៌មានជាតិ

ឃាត់មេខ្យល់​​ លួច​ដឹក​ពលករ តាម​ម៉ូតូកង់​បី​​ បម្រុង​ឆ្លង​ដែន​​ទៅ​ថៃ

បានផុស

នៅ

ខេត្តបន្ទាយមានជ័យ៖ មេខ្យល់ម្នាក់លួចដឹកពលករ៥នាក់តាមម៉ូតូកង់បីបំរុងលួចឆ្លងដែនទៅរកកាងាធ្វើនៅស្រុកថៃដោយខុសច្បាប់ត្រូវនគរបាលប៉ុស្តិ៍រដ្ឋបាលឃុំគោករមៀត ស្រុកថ្មពួក ធ្វើការឃាត់ខ្លួនពេលដែលនគរបាលប៉ុស្តិ៍ដើរល្បាតចម្ងាយ​៣០០ម៉ែត្រខាងលិច រង្វង់មូលបឹងត្រកួន ត្រង់ចំណុចការ៉ាស់សាំង ក្នុងភូមិសាស្ត្រភូមិវល្លិ៍ប្រេង ឃុំគោករមៀត។ ជនសង្ស័យមានឈ្មោះ សៅ ឆដា ភេទប្រុសអាយុ៣៣ឆ្នាំ មានទីលំនៅ ភូមិត្រពាំងសំរោង ឃុំគោករមៀត ស្រុកថ្មពួក ខេត្តបន្ទាយមានជ័យឃាត់ខ្លួនបាននៅវេលាម៉ោង៨និង៣០នាទីយប់ ថ្ងៃទី២៩ខែកញ្ញា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ ស៊ុន សារឿន នាយរងការិយាល័យ ប្រឆាំងការជួញដូរមនុស្សនិងការពារអនីតិជន បានឲ្យដឹងថា កំលាំនគរបាលប៉ុស្តិ៍រដ្ឋបាលឃុំគោករមៀតល្បាតខាងលិចរង្វង់មូលបឹងត្រកួនប្រទះឃើញប្រជាពលរដ្ឋប្រុស-ស្រី ១ក្រុមមានគ្នាចំនួន៥នាក់ ក្នុងនោះក្មេង២នាក់ មានទីលំនៅភូមិប៉ែន ឃុំលៀច ស្រុកភ្នំក្រវ៉ាញ ខេត្តពោធិ៍សាត់ និងមានអ្នកបើកម៉ូតូកង់បីមកដឹក ដោយមានការសង្ស័យក៏សួរនាំ ទើបដឹងថា ប្រជាពលរដ្ឋទាំងនោះមានបំណងឆ្លងដែនទៅថៃដោយមានអ្នកបើកម៉ូតូកង់បីមកទទួលយក។ ក្រោយពីសួរនាំបានបញ្ជូនប្រជាពលរដ្ឋនិងអ្នកបើកម៉ូតូកង់បីទៅអធិការដ្ឋាននគរបាល ស្រុកថ្មពួក បន្តសួរនាំនិងមានវិធានការតាមនិតិវិធីបន្ត។

លោកវរសេនីយ៍ទោ ស៊ុន សារឿន ថាដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត នគរបាលស្រុកថ្មពួក បានធ្វើការឃាត់ខ្លួនជនសង្ស័យ ឈ្មោះ សៅ ឆដា ហើយបញ្ជូនមកស្នងការដ្ឋាននគរបាលខេត្តបន្ទាយមានជ័យដើម្បីចាត់ការបន្ត ។

នៅចំពោះមុខសមត្ថកិច្ចជនសង្ស័យបានសារភាពថាគេពិតជាមានបំណងដឹកពលករ ខ្មែរទាំង៥នាក់ ក្នុងនោះក្មេង២នាក់ ឆ្លងទៅប្រទេសថៃរកការងារធ្វើពិតប្រាកដមែន ដោយយកថ្លៃដឹកចំនួន៥០០បាត ក្នុង១នាក់ ដឹកឆ្លងទៅដល់ផ្លូវជាតិក្នុងដីថៃ។ ផ្អែកទៅលើចម្លើយសារភាពជនសង្ស័យ កំលាំជំនាញបានបញ្ជូនខ្លួនទៅសាលាដំបូងខេត្តបន្ទាយមានជ័យ ចាត់ការតាមនិតិវិធីនៅព្រឹក ថ្ងៃទី ១ ខែតុលា ឆ្នាំ ២០២១។ដោយឡែកពលករទាំង៥នាក់ បានធ្វើការអប់រំណែនាំនិងធ្វើកិច្ចសន្យារួចឲ្យវិលត្រឡប់ទៅលំនៅដ្ឋានវិញរៀងៗខ្លួន៕

អត្ថបទ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

លោកស្រី ឯកអគ្គរាជទូត​អង់គ្លេស កោតសរសើរ​កិច្ច​ខិតខំ​ប្រឹងប្រែង របស់​អាជ្ញាធរខេត្តរ​តន​គិរី

ព័ត៌មានជាតិ៧ ម៉ោង មុន

គណៈកម្មការ​ចម្រុះ​ រកឃើញ​ផ្ទៃដី​សរុប​ចំនួន ៤៧០០ ហិតា​ ដែល​ត្រូវ​ឈ្មួញ​កាប់​ទន្ទ្រាន​យក​

ព័ត៌មានជាតិ៧ ម៉ោង មុន

លោក ទៀ សីហា អញ្ជើញ​ជា​អធិបតី​ក្នុង​ពិធី​ចែក​វិញ្ញាបនបត្រ​សម្គាល់​ម្ចាស់​អចលនវត្ថុ ជូន​ដល់​បងប្អូន​ប្រជាពលរដ្ឋ​៤​ភូមិ​ក្នុងស្រុក​សូទ្រនិគម

ព័ត៌មានជាតិ៨ ម៉ោង មុន

ស្អែក​នេះ សាលាដំបូង​រាជធានី នឹង​បើកសវនាការ​កាត់ទោស​សំណុំរឿង​ប៉ុនប៉ង​ផ្តួលរំលំ​រាជរដ្ឋាភិបាល

ព័ត៌មានជាតិ៨ ម៉ោង មុន

ស្ថាន​បេសកកម្ម​អចិន្ត្រៃយ៍​កម្ពុជា​ថា ការ​អត្ថាធិប្បាយ​របស់​អ្នកនាំពាក្យ OHCHR មាន​លក្ខណៈ​ន​យោ​​យូ​ប​នី​កម្ម

Sokha Hotels

ព័ត៌មានពេញនិយម

Helistar Cambodia - Helicopter Charter Services