កម្ពុជាស្នើអាស៊ានទប់ស្កាត់គ្រឿងញៀនទាំងក្របខ័ណ្ឌថ្នាក់ជាតិ ដល់សកលលោក
Connect with us
Helistar Cambodia - Helicopter Charter Services

ព័ត៌មានជាតិ

កម្ពុជាស្នើអាស៊ានទប់ស្កាត់គ្រឿងញៀនទាំងក្របខ័ណ្ឌថ្នាក់ជាតិ ដល់សកលលោក

បានផុស

នៅ

នាយឧត្តមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន បានស្នើដល់បណ្ដាប្រទេសសមាជិកអាស៊ាន ត្រូវបង្កើនកិច្ចសហប្រតិបត្តិការ ត្រួតពិនិត្យគ្រឿងញៀនទាំងក្របខ័ណ្ឌថ្នាក់ជាតិ តំបន់ និងសកលលោក ជាពិសេសក្នុងបរិបទនៃជំងឺកូវីដ-១៩ នាពេលបច្ចុប្បន្ន ដើម្បីឆ្លើយតបទៅនឹងផែនការការងារអាស៊ាន ស្តីពីសន្តិសុខសហគមន៍ប្រឆាំងនឹងគ្រឿងញៀនខុសច្បាប់ ២០១៦-២០២៥។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីបើកកិច្ចប្រជុំ ASOD ត្រៀមសម្រាប់កិច្ចប្រជុំថ្នាក់រដ្ឋមន្រ្តីអាស៊ានលើកទី៧ ស្តីពីបញ្ហាគ្រឿងញៀននៅរាជធានីភ្នំពេញ នៅថ្ងៃទី១៣ ខែតុលានេះ នាយឧត្តមសេនីយ៍ មាស វិរិទ្ធ បានមានប្រសាសន៍ថា វិបត្តិសកលកូវីដ-១៩ នៅតែបន្តគំរាមកំហែងដល់សុខភាពសាធារណៈ សេដ្ឋកិច្ច និងសន្តិសុខពិភពលោក ដែលទាមទារឱ្យបណ្តារដ្ឋជាសមាជិកអាស៊ានទាំងអស់ បន្តយកចិត្តទុកដាក់ប្រយុទ្ធប្រឆាំងនឹងគ្រឿងញៀននៅក្នុងតំបន់ក៏ដូចជាពិភពលោក ដើម្បីទប់ស្កាត់ឱ្យបានទាន់ពេល ចំពោះសកម្មភាពបទល្មើសរត់ពន្ធគ្រឿងញៀនឆ្លងដែនពីប្រទេសមួយទៅប្រទេសមួយទៀត។

នាយឧត្តមសេនីយ៍ មាស វិរិទ្ធបានបន្តថា៖ “ទោះបីយើងទាំងអស់គ្នាកំពុងស្ថិតនៅក្នុងស្ថានភាពដ៏លំបាកក៏ពិតមែន តែយើងទាំងអស់គ្នាបានប្តេជ្ញាចិត្តខ្ពស់ក្នុងការបន្តពង្រឹងកិច្ចសហប្រតិបត្តិការត្រួតពិនិត្យគ្រឿងញៀនតាមរយៈយន្តការជាតិ និងសហប្រតិបត្តិការអន្តរជាតិជាច្រើនដែលក្នុងនោះមាន ការចូលរួមអនុវត្តយ៉ាងសកម្មនូវផែនការសកម្មភាពរបស់អាស៊ានស្តីពី សន្តីសុខសហគមន៍អាស៊ានប្រឆាំងនឹងបទល្មើសគ្រឿងញៀន ២០១៦-២០២៥ ជាផែនទីវិថីមួយដ៏សំខាន់សម្រាប់យើងទាំងអស់គ្នា”។

នាយឧត្តមសេនីយ៍ មាស វិរិទ្ធបានលើកឡើងទៀតថា បន្ថែមពីនេះការអនុវត្តផែនការសកម្មភាពនេះ ពិតជាមានសារៈសំខាន់ និងឆ្លើយតបបានទៅនឹងយន្តការត្រួតពិនិត្យគ្រឿងញៀនទាំងក្របខ័ណ្ឌថ្នាក់ជាតិ តំបន់ និងសកលលោក ពិសេសក្នុងបរិបទនៃជំងឺកូវីដ-១៩ នាពេលបច្ចុប្បន្ន ដែលយើងទាំងអស់គ្នាទទួលបាននូវសមិទ្ធិផលគួរឱ្យកត់សម្គាល់។

នាយឧត្តមសេនីយ៍ មាស វិរិទ្ធ បានបន្ថែមថា មេរៀន និងបទពិសោធន៍នាពេលកន្លងមក ពិតជាបានជួយបង្កើនប្រសិទ្ធិភាព និងប្រសិទ្ធិផល រួមនិងនិរន្តភាព នៃការឆ្លើយតបលើបញ្ហាគ្រឿងញៀន សាមគ្គីភាព ឆន្ទៈមោះមុត យន្តការច្បាស់លាស់ ការទទួលខុសត្រូវ និងកិច្ចសហប្រតិបត្តិការល្អគ្រប់ស្ថាប័នពាក់ព័ន្ធទាំងក្នុងក្របខណ្ឌជាតិ-អន្តរជាតិនាំឱ្យការប្រយុទ្ធគ្រឿងញៀនមានប្រសិទ្ធភាព។

នាយឧត្តមសេនីយ៍ មាស វិរិទ្ធបានបញ្ជាក់ថា៖ “ឈរលើទស្សនៈនេះ និងដោយផ្អែកលើស្ថានភាពជាក់ស្តែង និងនិន្នាការនៃការផលិត ចរាចរណ៍ និងប្រើប្រាស់គ្រឿងញៀន ដែលនៅពុំទាន់ថមថយនៅឡើយ នៅក្នុងបណ្តារដ្ឋសមាជិកអាស៊ាន ខ្ញុំកត់សម្គាល់ឃើញថា យន្តការអាស៊ាន ពិតជាបានរួមចំណែក និងដើរតួនាទីយ៉ាងសំខាន់ក្នុងការប្រយុទ្ធប្រឆាំងទៅនឹងការគំរាមកំហែងដោយគ្រឿងញៀន មិនត្រឹមតែក្នុងតំបន់ ក៏ដូចជាពិភពលោក ដូចដែលអង្គប្រជុំយើងបានជ្រាបពីការលើកឡើងខាងដើមរបស់ តំណាងប្រទេសជាសមាជិកនីមួយៗ”៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

អាវុធហត្ថ​រាជធានី​អរគុណ​សប្បុរសជន​ដែល​ផ្ដល់​ស្បៀង​ដល់​អាវុធហត្ថ​ក្នុង​យុទ្ធនាការ​រ​ប្រឆាំង​កូ​វីដ​-១៩​និង​សង្គ្រោះ​ពលរដ្ឋ​រងគ្រោះ​ដោយ​ទឹកជំនន់​

ព័ត៌មានជាតិ៥ ម៉ោង មុន

លោក ម៉ៅ ធនិន សន្យា​រៀប​ចំ​ប្រព័ន្ធ​លូ​បង្ហូរទឹក​កខ្វក់​នៅ​ផ្សារ​កំពង់ត្រាច ដើម្បី​បញ្ចៀស​ការ​ជន់​លិច​និង​ក្លិន​ស្អុយ

ព័ត៌មានជាតិ៦ ម៉ោង មុន

បេសកកម្ម​ក្នុង​ការ​ទប់ស្កាត់​ទឹកជំនន់​សណ្តរ​ស្ទឹង​ព្រែក​ត្នោត ទទួល​បាន​លទ្ធផល​ជោគជ័យ អភិបាល​រាជធានី ថ្លែង​ការ​អរគុណ​និង​លើកទឹកចិត្ត កម្លាំង​ដែល​ចូលរួម

ព័ត៌មានជាតិ៦ ម៉ោង មុន

សេចក្តីព្រាងច្បាប់ ដើម្បី​បង្កើត​ស្ថាប័ន​សិទ្ធិ​មនុស្សជាតិ ក្រោម​ដៃ​អង្គការ​សង្គម​ស៊ីវិល​រយៈពេល​១៥​ឆ្នាំ​អត់​ចេញ​ជា​រូបរាង

ព័ត៌មានជាតិ៧ ម៉ោង មុន

គ្រែ​ពេទ្យ​សម្រាក​ព្យាបាល​អ្នក​ជំងឺ​ចំនួន​៦គ្រឿង​ តម្លៃ​ស្មើ​ជាង​៦.០០០​ដុល្លារ​របស់​ក្រុមហ៊ុន​កាស៊ីណូ ដាយ​មិ​ន​ស៊ី​ធី ធ្វើការ​ឧបត្ថម្ភ​ដល់​អង្គភាព​អាវុធហត្ថ

Sokha Hotels

ព័ត៌មានពេញនិយម

Helistar Cambodia - Helicopter Charter Services