ព័ត៌មានជាតិ

អាជ្ញាធរគ្រឿងញៀន ជំរុញសហគមន៍ទេសចរណ៍កោះហានរ៉ាំសា ឱ្យប្រើ App NoDrug ដើម្បីរាយការណ៍ពេលមានបញ្ហា

បានផុស

១ year មុន

នៅ

ថ្ងៃពុធ ៥ មីនា ២០២៥

ដោយ

ស្ទឹងត្រែង ៖ ថ្ងៃទី៥ ខែមីនា ឆ្នាំ២០២៥ ក្រុមការងារអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ដឹកនាំដោយឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន បានជួបប្រជាសហគមន៍ទេសចរណ៍កោះហាន រ៉ាំសា ដើម្បីបញ្ជ្រាបការអប់រំពីបញ្ហាគ្រឿងញៀន និង ជំរុញការប្រើប្រាស់App NoDrug ដើម្បីទទួលចំណេះដឹង និងរាយការណ៍ក្នុងករណីមានបញ្ហាគ្រឿងញៀននៅក្នុងសហគមន៍ក៏ដូចជាមូលដ្ឋានរបស់ពួកគាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមលោកនាយឧត្តមសេនីយ៍ មាស វិរិទ្ធ អគ្គលេខាធិការ ក្នុងឱកាសនោះ ឧត្តមសេនីយ៍ឯក លឹម តុងហួត បានថ្លែងអំណរគុណដល់សហគមន៍ និងបានលើកយកនូវអត្ថប្រយោជន៍ក៏ដូចជាមុខងារនានាដែលមានបំពាក់ក្នុងApp NoDrug របស់អាជ្ញាធរជាតិប្រយុទ្ធប្រឆាំងគ្រឿងញៀន មាន: កំសាន្តអប់រំ ព័ត៌មាន មេរៀន ការស្វែងរកការព្យាបាលហើយ និងមុខងាររាយការណ៍សម្រាប់ស្វែងរកអន្តរាគមន៍ពីអាជ្ញាធរដោះស្រាយ។

ជាមួយនឹងការចាប់អារម្មណ៍ពីApp NoDrug លោក ជួន ចិត្ត ដែលជាអ្នកបើកបរទូកទេសចរណ៍ សហគមន៍កោះហាន រ៉ាំសា បានប្រាប់ឱ្យដឹងថា សហគមន៍ទេសចរណ៍កោះហាន គឺជារមណីយដ្ឋានទេសចរណ៍ធម្មជាតិ នៃដងទន្លេមេគង្គដែលផ្ដល់នូវទឹកត្រជាក់ ធម្មជាតិស្រស់បំព្រងមានម្លប់ឈើធំៗនិងខ្សាច់សស្អាត ដែលគួរជាទីរមនាសម្រាប់ភ្ញៀវទេសចរណ៍ជាតិ និងអន្តរជាតិហើយបច្ចប្បន្ននេះមានអ្នកទេសចរណ៍ជាតិ និងអន្តរជាតិបានមកកំសាន្ត នៅទីរមណីយដ្ឋានកោះហាន រ៉ាំសា នេះយ៉ាងច្រើន ជាលក្ខណៈគ្រួសារ ដើម្បីងូតទឹកលេងយ៉ាងត្រជាក់ បោះតង់ ក៏ដូចជាកម្មវិធីពិកនិកអាំងសាច់ញ៉ាំលេងយ៉ាងសប្បាយរីករាយបំផុត៕