ព័ត៌មានជាតិ
អាជ្ញាធរគ្រឿងញៀន អរគុណនគរបាលសហព័ន្ធអូស្ត្រាលី ដែលជួយបច្ចេកទេស និងបណ្តុះបណ្តាលមន្ត្រីកម្ពុជា
ភ្នំពេញ ៖ លោកនាយឧត្តមសេនីយ៍ មាស វិរិទ្ធ អគ្គលេខាធិការ អាជ្ញាធរជាតិប្រយុទ្ធប្រឆាំងគ្រឿងញៀន ប្រាប់ឱ្យដឹងបែបនេះ ក្រោយជំនួបពិភាក្សាគ្នាពីឧក្រិដ្ឋកម្មគ្រឿងញៀនឆ្លងដែន និងបញ្ហាប្រឈមផ្សេងៗជាមួយនគរបាលសហព័ន្ធអូស្ត្រាលី (AFP) ដឹកនាំដោយលោកស្រី Lesa Gale ស្នងការរង នៃនគរបាលសហព័ន្ធអូស្ត្រាលី (AFP) នាថ្ងៃទី៧ ខែមីនា ឆ្នាំ២០២៥ ។

ក្នុងជំនួបនោះ លោក នាយឧត្តមសេនីយ៍ មាស វិរិទ្ធ បានថ្លែងអំណរគុណដល់នគរបាលសហព័ន្ធអូស្ត្រាលី (AFP) ពីកិច្ចខិតខំប្រឹងប្រែងយ៉ាងសកម្មចំពោះកិច្ចសហប្រតិបត្តិការជួយដល់កម្ពុជាដើម្បីប្រយុទ្ធប្រឆាំងគ្រឿងញៀន ជំនួយបច្ចេកទេស ក៏ដូចជាការផ្តល់វគ្គបណ្តុះបណ្តាលស្រាវជ្រាវស៊ើបអង្កេត វគ្គបណ្តុះបណ្តាលស្តីពីការប្រឆាំងការសំអាតប្រាក់ដល់មន្ត្រីអនុវត្តច្បាប់កម្ពុជាកន្លងមក។

ក្នុងជំនួបនោះដែរ លោក នាយឧត្តមសេនីយ៍ មាស វិរិទ្ធ អគ្គលេខាធិការ បន្តថា កម្ពុជានិងនគរបាលសហព័ន្ធអូស្ត្រាលី (AFP) បានប្តេជ្ញាបន្តកិច្ចសហប្រតិបត្តិ និងចែករំលែកព័ត៌មានរវាងគ្នាដើម្បីរួមគ្នាប្រយុទ្ធប្រឆាំងការជួញដូរគ្រឿងញៀនក្នុងតំបន់ ក៏ដូចជាការជួញដូរគ្រឿងញៀនឆ្លងដែនពីបណ្តាប្រទេសដទៃចូលមកកម្ពុជា។

បន្ថែមពីនោះ នគរបាលសហព័ន្ធអូស្ត្រាលី (AFP) នឹងនាំសំណើរបស់កម្ពុជាជូនដល់ថ្នាក់នាំ ដើម្បីបន្តជួយគាំទ្រផែនការសកម្មភាពប្រយុទ្ធប្រឆាំងគ្រឿងញៀនកម្ពុជា និងជំនួយឧបត្ថម្ភផ្សេងៗទៀត។

ជាមួយគ្នានោះដែរ លោក នាយឧត្តមសេនីយ៍ មាស វិរិទ្ធ អគ្គលេខាធិការ ក៏បានចែករំលែកបទពិសោធន៍កម្ពុជាបង្រ្កាបករណីធំៗដែលទទួលបានជោគជ័យពីមន្ត្រីអនុវត្តច្បាប់៕








-
KPT+២ ថ្ងៃ ago
តំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
សន្តិសុខសង្គម៤ ថ្ងៃ ago
ម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៦ ថ្ងៃ ago
មេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ៤ ថ្ងៃ ago
សម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
សន្តិសុខសង្គម៥ ថ្ងៃ ago
ភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះឃ្លាំងស្តុកអេតចាយ(មានវីដេអូ)
-
ព័ត៌មានជាតិ៣ ថ្ងៃ ago
អឺរ៉ុបនឹងសាងសង់ស្ពានតម្លៃជាង១០លានដុល្លារភ្ជាប់ទៅកោះខ្សាច់ទន្លានៅខេត្តកណ្ដាល