Connect with us

ព័ត៌មានជាតិ

ក្រុមហ៊ុន​អាកាសចរណ៍​ហ្វីលីពីន​អ៊ែរ​ឡាញ​នឹង​ដំណើរការ​ជើងហោះហើរ​ឡើងវិញ​ រវាង​ទីក្រុង​ម៉ានីល​និង​ភ្នំពេញ នៅ​ដើមខែ​ធ្នូ​ខាងមុខនេះ

បានផុស

នៅ

ក្រុមហ៊ុន​អាកាសចរណ៍​ហ្វីលីពីន​អ៊ែរ​ឡាញ​នឹង​ដំណើរការ​ជើង​ហោះហើរ​ត្រង់​រវាង​ទីក្រុង​ម៉ានីល​និង​រាជធានី​ភ្នំពេញ​ឡើងវិញ​នៅ​ថ្ងៃទី ៤-៥​ខែធ្នូ​ឆ្នាំ​២០២១។ នេះ​យោង​តាម​ការ ប្រកាស​របស់​ក្រុមហ៊ុន​ខេ​ម​បូ​ឌា​អ៊ែ​ផត​ បាន​ឱ្យ​ដឹង​នៅ​រសៀល​ថ្ងៃ​អង្គារ​ទី​២ ខែវិច្ឆិកា ឆ្នាំ​២០២១​នេះ​។

ក្រុមហ៊ុន​ខេ​ម​បូ​ឌា​អ៊ែ​ផត​ បាន​បើក​ការ​កក់​សំបុត្រ​យន្តហោះ​ឡើងវិញ​ផង​ដែរ។ យ៉ាងណាក៏ដោយ​អ្នកដំណើរ​ត្រូវ​អនុវត្ត​តាម​វិធានការ​របស់​ប្រទេស​កម្ពុជា​និង​ប្រទេស​ហ្វីលីពីន ដើម្បី​ទប់ស្កាត់​ការឆ្លង​ជំងឺ​កូ​វីដ​១៩ ដែល​បាន​ដាក់ចេញ​ដោយ​រដ្ឋាភិបាល​នៃ​ប្រទេស​ទាំងពីរ​។

សូម​រំលឹក​ជូន​ថា ​ក្រសួងសុខាភិបាល​ក្នុង​សេចក្តីប្រកាស​ព័ត៌មាន​នៅ​ថ្ងៃទី ២៣ តុលា ២០២១​បាន​បញ្ជាក់​ថា «​គណៈកម្មការ​អន្តរក្រសួង​ដើម្បី​ប្រយុទ្ធ​នឹង​ជំងឺ​កូ​វីដ ១៩ សូម​ប្រកាស​លុបចោល​សេចក្តី​ប្រកាស​ព័ត៌មាន​ចុះ​ថ្ងៃ​ទី២៥ ខែកក្កដា ឆ្នាំ២០២០ និង​ចុះ​ថ្ងៃទី ១១​ខែសីហា​ឆ្នាំ ២០២០ ស្តីពី​ការ​ផ្អាក​ជា​បណ្តោះអាសន្ន​នូវ​ជើង​ហោះហើរ​ពី​ប្រទេស​ម៉ាឡេស៊ី ឥណ្ឌូនេស៊ី និង​ហ្វីលីពីន មកកាន់​ព្រះរាជាណាចក្រ​កម្ពុជា​ដើម្បី​ចូល​រួម​ចំណែក​ការបើក​ដំណើរការ​ឡើងវិញ​នូវ​សកម្មភាព​សេដ្ឋកិច្ច​និង​សង្គម​ជា​ជំហានៗ​លើ​គ្រប់​វិស័យ​តាម​គន្លង​ប្រក្រតីភាព​ថ្មី​»​។

ក្រសួង​បាន​បញ្ជាក់​ថា ​ការប្រកាស​លុបចោល​បម្រាម​នេះ​ក៏​ដើម្បី​ស្តារ​ឡើង​វិញ​នូវ​វិស័យ​ដឹកជញ្ជូន​តាម​ផ្លូវ​អាកាស​និង​កិច្ច​សហប្រតិបត្តិការ​ក្នុង​វិស័យ​នេះ​ផង​ដែរ​។​ ការប្រកាស​លុប ចោល​បម្រាម​នេះ​ធ្វើឡើង​១ ថ្ងៃ បន្ទាប់ពី​សម្តេចនាយក​រដ្ឋមន្ត្រី ហ៊ុន សែន ណែនាំ​ដល់​ក្រសួង​ស្ថាប័ន​ជំនាញ​ពិនិត្យមើល​លទ្ធភាព​នៃ​ការបើក​ឡើងវិញ​នូវ​ជើង​ហោះហើរ​ត្រង់​ពី​ទីក្រុង​គូ​ឡា​ឡាំ​ពួ ប្រទេស​ម៉ាឡេស៊ី ទីក្រុង​ហ្សា​ការ​តា ប្រទេស​ឥណ្ឌូនេស៊ី ឬ​ចំណុច​ណាមួយ​នៅ​ឥណ្ឌូនេស៊ី​និង​ហ្វីលីពីន​ឆ្ពោះ​មក​កម្ពុជា​ដោយ​រដ្ឋាភិបាល​បានធ្វើការ​គ្រប់គ្រង ព្រលានយន្តហោះ​បាន​ល្អ​។

​ក្រុមហ៊ុន​អាកាសចរណ៍ ហ្វីលីពីន អ៊ែរ​ឡាញ បង្កើត​ឡើង​ឆ្នាំ​១៩៤១ ។ ក្រុមហ៊ុន​នេះ​បាន​អភិវឌ្ឍ​ខ្លួន​ក្លាយ​ជា​ក្រុមហ៊ុន​អាកាសចរណ៍​ផ្កាយ​៤ ដឹក​អ្នកដំណើរ​ប្រចាំ​ប្រមាណ​៣៥ លាន​នាក់​នៅ​ទូទាំង​សកលលោក​។ ក្រុមហ៊ុន​នេះ បាន​ដំណើរការ​ហោះហើរ​ទៅកាន់​ប្រទេស​ចំនួន​៤១​លើ​សកលលោក​និង ៣៦​ជើងហោះហើរ​ក្នុងស្រុក​ដោយ​ប្រើប្រាស់​យន្ត ហោះ​សរុប​៩៧​គ្រឿង។

គណៈកម្មការ​អន្តរក្រសួង​ដើម្បី​ប្រយុទ្ធ​នឹង​ជំងឺ​កូ​វីដ​១៩ បានប្រកាស​លុបចោល​សេចក្តីប្រកាស​ព័ត៌មាន​លេខ ១៤០ សខល ចុះ​ថ្ងៃទី​២៥ ខែកក្កដា ឆ្នាំ​២០២០ និង​លេខ ១៧៥ សខល ចុះ​ថ្ងៃទី​១១ ខែសីហា​ឆ្នាំ​២០២០​ស្តីពី​ការផ្អាក​ជា​បណ្តោះអាសន្ន​នូវ​ជើងហោះហើរ​ពី​ប្រទេស​ម៉ាឡេស៊ី ឥណ្ឌូណេស៊ី និង​ហ្វីលីពីន​មកកាន់​ព្រះរាជា​ណាចក្រ​កម្ពុជា​ដោយយោង​តាម​ចំណារ​យល់ព្រម​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ចុះ​ថ្ងៃទី​២៣ ខែតុលា ឆ្នាំ ២០២១ នឹងចូលរួម​ចំណែក​ការបើក​ដំណើរការ​ឡើងវិញ​នូវ​សកម្មភាព​សេដ្ឋកិច្ច​និង​សង្គម​ជា​ជំហានៗ​លើ​គ្រប់​វិស័យ​តាម​គន្លង​ប្រក្រតីភាព​ថ្មី​រួមទាំង​ការ​ស្តារឡើងវិញ​នូវ​វិស័យ ដឹកជញ្ជូន​តាមផ្លូវ​អាកាស​និង​កិច្ចសហប្រតិបត្តិការ​ក្នុង​វិស័យនេះ​៕

ដោយ​ ៖​ ណា​រី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៣ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៤ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៤ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៥ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម